الموضة الغربيه
 

[color="black"][size="4"][center]بسم الله الرحمن الرحيم

الشاعر \مشعل عسام التريباني الشمري
[color="red"](الموضة الغربيه)[/color]
ياولد هات القلم والبوك هاتـــــه ليّــــه (1) ابا عبّر عن هجوسٍ بالحشــــا مخفيهــــا

كثرت التفكير نارٍ في ظميري حيّـــــه (2) لوبغيت اخفي همومي هاجسي يبديهـــــا

قالو ادله واترك التفكيرعنك شويّــــــه (3) واندمج مع عالمٍ نسية ذكر ماضيهــــــــا

عالم النسيان مابه من قلوبٍ حيّـــــــــه (4) مقبره كل القلوب الميّتـــــــه تاؤيهــــــــا

حط راسك بالقلص وادله بفـــــي وميّه (5) ياسلم راسك كثيــــر الروس لاتبكيهـــــا

ذا زمان الانفتاح وعالـــــــم الحريّــــه (6) عش كثير تشوف عينك شي مايرضيهــا

قلت انا مالي ومال العالـــــم المبليّــــه (7) عالمٍ باعــــــة قيم سلفانهــــــــا مابيهـــــا

لو يحطون الثريّا والقمـــــــر بيديّـــــه (8) والله ان امجاد سلفاني مانــــــي ناسيهــــا

لعن ابو رجلٍ ينسيه الزمن ماضيّـــــه (9) لابسٍ ثوب الهوان وعريتـــــــه مبديـــهـا

يتبع الموضات بالروحات هي والجيّه (10) مثل ماتمشي سمان الضــان مع راعيهـا

كنها كباشٍ سمانٍ ساقها راعيّـــــــــــه (11) ساقها الدلال للمقصــــب وضحى فيهــا

لو قلوب الاغبيا تكوى بميّة كيّـــــــــه (12) يمكن ان الكي يبريها من اللي فيهـــــــا

اوعسى قلب البليد يحـــــش بالجنبيّـــه (13) ويش ترجي من قلوبٍ لاحياتٍ فيهــــــا

عالمٍ تمشي خلاف الموضه الغربيّــــه (14) ضايعه ماالله على الدرب السوي قاديها

كاالغراب اللـــــي يقلد مشية الكدريّــه ( 15) ما عرف مشي الحمام ومشيته مغديهـا

ضايعٍ في مشيته مابيـــــــن ذيك وذيّه (16) جايبي مشي الحمام وضاع في تاليهــــا

وابتكر له مشيتٍ ماحدٍ مشاها زيّــــــه (17) يالله انك تقطع المشيه ومـــن يمشيهـــا

[/center][/size][/color]

رد: الموضة الغربيه
 

كاالغراب اللـــــي يقلد مشية الكدريّــه ( 15) ما عرف مشي الحمام ومشيته مغديهـا
سلمت وصح لسانك وقلبك
ضمير حي لم يطفيه الحضاره المزيفه
لكن ماتشوف كني انا وياك
نسرق افكار بعض او اننا جيل قديم
وتركيزنا متشابه على امور نشوفه تفطر كبد الحر

لاهنت
تحياتي

رد: الموضة الغربيه
 

[size=3][color=red]مَشعلِ آلترِيبآآنيَ[/color]


[color=teal]صَحِ لسٌانكَكِ

آبيٌآآتِ رِآآئعِةُ

يعِطْيكَكِ آلعآآفيِةٌ[/color][/size]

رد: الموضة الغربيه
 

جزل ومبدع وحكيم
ربي يرعاكم
تحياتي لكم

رد: الموضة الغربيه
 

[font=comic sans ms][size=6][color=darkorchid]صحححححححح[/color][/size][/font]
[font=comic sans ms][size=6][color=darkorchid]لسااااااانك وجاااااد بياااانك[/color][/size][/font]
[font=comic sans ms][size=6][color=darkorchid]يالشاااعر مشعل ولك التحايا[/color][/size][/font]

رد: الموضة الغربيه
 

مشعل الثريباني

ابدعت

صح لسانك ياشاعر

رد: الموضة الغربيه
 

[size="4"][color="darkgreen"]دائما مبدع يا مشعل

و قصائدك جزلات بمعانيها

صح لساانك و طاب حالك

ولاهنت[/color][/size]

رد: الموضة الغربيه
 

[color="blue"][size="5"][color="red"]الطاير المهاجر[/color]
انا ليش نزلت قصيدتي هذه
لانك ذكرتني بها والا كنت ناسيها
هي قديمه قبل كم سنه اكثرمن
7سنين مضا عليها لكن ذكرتني
بها قصيدتك والله العظيم ياخي
سبحان الله الظاهر عامل السن
يتساوى حتى بالتفكير ههههههههه
الله لايهينك ياخوي الطائر مرورمشرف[/size][/color]

رد: الموضة الغربيه
 

[color="blue"][size="4"][color="red"]رووووبين[/color]
شكرالك على المرور الله لايهينك[/size][/color]

رد: الموضة الغربيه
 

[color="blue"][size="4"][color="red"]منيع [/color]
شكرالك على المرور الله لايهينك اخي الفاضل[/size][/color]