منتديات الفطاحله - احلى الكلااااااااااااااااااام

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - احلى الكلااااااااااااااااااام (http://www.ftahilah.com/showthread.php?t=34084)

احلى الكلااااااااااااااااااام

[b][center][size="3"]

[poem=font=",6,black,bold,normal" bkcolor="royalblue" bkimage="" border="none,4," type=2 line=0 align=center use=ex num="0,black""]
جيت اسمعكم قصيدي والقبول من الله=والله آساله يثبتنا على طاعاته
والقلم سيف يروض دفتري ويفلَه=ويتمعن فيه ويلملم ضياع اشتاته
والقصيد ان جا على الطاري ووافق حلَه=مثل فنجال العصر لي صب من مصفاته
خبروا كل اصدقانا ماعلينا خلَه=نحمدالله في نعيم الله وفي مرضاته
راسنا مرفوع وعقود الزمن منحلَه=والبن ادم مايجي وقته على مشهاته
وخبروا اللي يحسبني ناسي لابالله=مانسيته هو حد ياناس ينسى ذاته
له مكان وسط قلبي ماحدٍ ياصلَه=ثبت اطنابه وزين بالحشى مركاته
لف قلبي لف قلبي بالغلا واحتلَه=ثم تغلغل بالعروق وربعت قواته
مرحبآ يااغلى عرب قلبي وغاية من له=ياوحي فكري ومنبع دجلته وفراته
ياجمال الروح ياروح الجمال وظلَه=ياحسين الوجه ياوجه الحسن ومراته
هاك قلبي رتب اوضاعه وزين دلَه=طهر عروقه ونسه كل ماقد فاته
خله يردد عقب جيتك كلًه ملَه=وخله يحرم عقب شوفتك هاته هاته
هاك قلبي هاك عقلي هاك عمري كلَه=هاك حرفي هاك شعري والقلم ودواته
من عيون ابليس ياخلي عليك اسم الله=يحرسك ربٍ خلقك وتحرسك آياته
ودي آوصف حلله الخود حله حله=وآتهجا سلهمت عينه وضحك شفاته
واكتب اسمه وامسحه واكتبه وآعنون له=في حنايا كل مافيني بعض غلاته
وجهه اللي ينعش عروقي بريحة فلَه=ياااحلو غمازتيه وياحلو غمزاته
كامله في كل شيٍ والكماله لله=في سلامه في كلامه ضحكته وسكاته
شاعر قالت حروفه للمعاني لله=ماكتب الا له ولا اطرب كون في ملقاته
وعبر اثير احلى الكلام يعاهدك ياخلًه=انك اللي غايتك ماخالفت غاياته [/poem]
وسلااااااااااااااااااااااااااااااامتكم

اخوووكم مجحود بن عسكر(اسير البدر)[/size][/center][/b]