منتديات الفطاحله - ياقلب اخبْرك ليا صدّيت لك صدّه

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - ياقلب اخبْرك ليا صدّيت لك صدّه (http://www.ftahilah.com/showthread.php?t=26827)

ياقلب اخبْرك ليا صدّيت لك صدّه

[RAMS]http://up.fatahilah.com/up//uploads/c0cabacd60.mp3[/RAMS]

[poem=font=",6,white,bold,normal" bkcolor="black" bkimage="" border="none,4," type=0 line=0 align=center use=ex num="0,black""]
ياقلب اخبْرك ليا صدّيت لك صدّه=ما تلتفت للورى والخير قدّامك
وش بدّلك ما قويت الا على الرّده=تجرّ موال شوق وتسحب (ا)هْيامك
يجري الهوى بْغير ما ترضاه وتودّه=وانت المحبه جرت من رجلك لهامك
تبكي على اللي دموعه هاجره خدّه=اللي بيمناه شايل سيف لعْدامك
هو مادرى ردّه الله بانّك تعدّه=في حسبة الرّوح ماهو قايد آرامك
اجزع جزع شاربك تفتلْه ِ وتمدّه=عمّر فراقه بغليون ٍ من عظامك
تهواه ؟ انا اشهد ! تحبّه حيل من مدّه=يجري بدمّك ويغْذي جزلة الهامك
لكنّ ماهو مثمّنن حب الذي أدّه =كلما تزيد الغلا يزداد بضرامك
يلعن ابو حيّه ويلعن ابو جدّه =يحيىٍ على روحك ويشتاق لحْمامك
عامين تهواه وتهوى جدّه وبدّه=يلعب بوقتك وتعطي له من ايامك
جيته على وجه ٍ اصبح وارد ٍ عِدّه=يشرب قراحك وتشرب منّه حيامك
نقشت حبّه على غيمك وهو كدّه=قطّع جديل السّحاب ودقّ دمّامك
تنزف غلاه ونزف بغضه ومن يدّه=الله يسومه بضيق ٍ كالذي سامك
صدقت له بالغلا وهو صادق بضدّه=فرقى غلاته وشامه غير عن شامك
لدّه بهجرك ونا لرضاك بالدّه=والليل والقاف والدّخان خِدامك
شام الهوى يوم هو قد وصّله حدّه =هو مادرى يا حصاني بيْدي لجامك
شدّيتك بكفّي اليمنى هكّ الشّده=وعوّدت بك غصب عن عينك واقدامك
هدّيت له بالهوى ولا قدّر الهدّه=لام الوفاء وش عليه اليوم لو لامك
من عادته لازعل جت جانب القدّه=واصبر لعينه واقول يمون لو ضامك
لكنّه اليوم جاب الغايبه ردّه=احرق بجلدك حرق من تحت هندامك
يقلع غلاه انتهى لو جيبه وقدّه=ما عاد هو داخل ٍ من وسط صمّامك
من لا يقدر غلاك الله لا ردّه =رِدّهـ وبعّد عن ارضه واقشع خْيامك
ياقلب اخبْرك ليا صدّيت لك صدّه=ما تلتفت للورى والخير قدّامك
تدري: فلا الومك ان جيته بعد مدّه =ان صمت عنّه!! غلاه يخرّب صْيامك
[/poem]