|
قصيده ابكتني
قصيده تبكي القلب
-------------------------------------------------------------------------------- كفاية صار لك شهرين غايب عني يالغالي كفاية يا أعز الناس ترى والله ما أقدر دخيلك لا تخيب فيك هقواتي وآمالي واذنها عالصبر والله وغلاتك عندي راح أصبر أبتحمل عنا فرقاك وحالي يرثي لحالي مع اني والله لين اليوم مدري ليش بس تهجر أبعرف شو السبب أرجوك وش اللي بس يجرالي اناشسويت يا ربي عشان تثور وتتفجر انا اولله ما استاهل أبد كل اللي جرالي أقل ما فيها بس قلي سبب خلاك تتغير أبعرف بس شالموضوع علامك صرت ما تبالي بذمت كل اهلك فيوم شفتني بشي انا مقصر? عطيتك قلبي وروحي وهبتك حالي ومالي حملت احساس هالدنيا عطيته لك وانا افخر عشقتك عشق لا قبله ولا بعده انعشق تالي هويتك موت واتخيل الين الموت واتصور واذا جاني مسج منك مخزن رقمك الغالي ولا امسح رسالاتك اتم اقراها وافكر واحلل كل كلمة بالمسج الله يا غربالي واقول بخاطري معقوله حاسس فيني ويشعر وأرد أقول لأ يمكن تذكرني وهو سالي لأني توني مطرش مسج طرش مسج يشكر وأرد أقول لأ أدري يبيني وحاسس بحالي وأرد أقول لأ ما اظن على باله انا اخطر الين اني انا تأكدت قلبه بالفعل خالي ولا غيري انا فقلبه يحبني موت ويقدّر لأني مرة من المرات طرت فكرة على بالي نويت أزعل بدون اسباب واشوفه لو بيتأثر أبعرف قدري بقلبه بيهمه وضعي الحالي أو انه راح يطنشني ولا يسأل ويستفسر وفعلا دق ما جاوبت حرق لي والله جوالي 3000 مرة دق وانا مطنش ولا معبّر كتبلي بالمسج اطلع انا عند بابك الحالي قسم بالله ما تطلع لخربها انا واحدر ومشكلتي أعرفه زين يسويها ولا يبالي نزلت وخاطره مكسور يقول اشفيك متغير وقلت له بس أبتأكد اذا قدري معك عالي ضحكلي وقال لي اتأكدت ودمعه بلل المحجر وطارت فيني الدنيا لمكاني صاحبي جالي تعذرلي وانا الغلطان واانا اللي لازم اتعذر بعدها عشت انا احلى أيام في قربه هنيالي وصلنا لمرحلة ما نفترق عن بعضنا واكثر بعدها فجأة خلاني ولا يسأل عن احوالي وانا في خاطري أدري محال فيوم يتغير أدق له ما يجاوبني بديت أشك في حالي أخاف انه حصله شي اخافه بس متكدر لعب في قلبي الوساس خياله ما تهيالي حوالي1000 مسج طرشت حبيبي يا عسى ما شر ولا جاوب وانا قاعد على اعصابي وغربالي حبيبي صار له اسبوع فيني حتى ما فكر الين اني عرفت اشلون أخلي خلي الغالي يكلمني وجت فكرة بعد ما مت وانا افكر وفعلا اتصل فيني وبدت احزاني واهوالي وكانت صدمتي كبيرة علي الغالي يتكدر وكانت صدمتي كبيرة علي الغالي يتغير سألته قلت له وش فيك ما من شر يالغالي وش اللي صار بالدنيا علامك ليش متبعثر او انك يعني ما تدري بدونك صرت انا لحالي ولا لي خلق أي انسان كثر ما فيك انا افكر جاوبني وقال ارجوك أبي هالدنيا تصفا لي انا مليت من وضعي وأشوف الكل متغير انا ضاقت بي الدنيا وابي أبقى انا لحالي خلاص اتركني لا تسأل وانا برجع عقب اشهر وقلت له مو علي تكذب أعرفك تضعف قبالي تكلم قول شالموضوع بدى قلبي يدق أكثر سكت لحظة وقال أرجوك ابعد عني يالغالي وخلني أذكرك بالخير وانت مثلي اتذكر ولا تطرش مسج واحد ولاتدق لي أبد تالي واذا لي خاطر عندك لا تتكلم أبد سكر قلت له والله ما سكر الين تقول وتصفا لي قال لي والله ما اتكلم ولو تبكي دمع أحمر وسكر والدمع فيني على الخدين همالي قسم بالله ما ادري علامه قلبه تحجر فؤادي انهار وانا حملي يهد جبال وجبالي في لحظة صارت الدنيا في عيني هالكبر واصغر بعدها صار لي ما صار وربي يعلم بحالي فؤادي باقي بس شوي واحسه من الجسم يظهر بديت اعرق مدري ليش وخابت كل آمالي انا توقعت كل الناس ولا توقعت هو ينكر وقلت بخاطري خله مصيره يرجع الغالي أكيد انه سمع أي شي وجوّه صار متعكر ولكن طول غيابه وزادت فيني علالي مرض قلبي تعب فكري واحسه جسمي متخدر قسم بالله لين اليوم حالي يرثي لحالي قسم بالله لين اليوم ولا ادري ليش هو تغير قسم بالله ما غضت عيوني ولا هدى بالي قسم بالله ما مر يوم إلا وفيه انا افكر قسم بالله قلت بنساه بس طيفه يتهيالي قسم بالله لو حاولت انا انساه اتذكر الين اليوم انا عندي أمل يرجع ويصفالي أقول الشوق بي رده على فرقاي ما يقدر إلين اليوم و ضحكاته وبسماته على بالي الين اليوم ما أرقد كثر ما فيه انا افكر أبعرف شو السبب ارجوك وشللي بس يجرالي اناشسويت يا ربي عشان تثور وتتفجر انا اولله ما استاهل أبد كل اللي جرالي أقل ما فيها بس قلي سبب خلاك تتغير أبعرف بس شالموضوع علامك صرت ما تبالي بذمت كل اهلك فيوم شفتني بشي انا مقصر انا رح انتظر ردك ولو حتى بمسج خالي واذا ما جاني منك رد وغلاتك عندي راح اصبر سنة سنتين اللي يهم أشوفك ثاني قبالي 3 سنين او أربع أبصبر يعني راح أصبر ولكن حكم احساسك وجاوب يا أغلى كل غالي بذمة والديك يهون تنساني ولا تذكر يهون انك تخليني ولا تسأل ولا تبالي يهون انك تنام الليل وتتركني انا أسهر كفاية صار لك شهرين غايب عني يالغالي كفاية يا أعز الناس ترى والله ما اقدر دخيلك لا تخيب فيك هقواتي وآمالي واذنها عالصبر والله وغلاتك عندي راح أصبر |
رد: قصيده ابكتني
يهون انك تخليني ولا تسأل ولا تبالي
يهون انك تنام الليل وتتركني انا أسهر كفاية صار لك شهرين غايب عني يالغالي كفاية يا أعز الناس ترى والله ما اقدر دخيلك لا تخيب فيك هقواتي وآمالي واذنها عالصبر والله وغلاتك عندي راح أصبر المحررررومة انت رقيقة الاحساس اختيار قمة صعووب |
رد: قصيده ابكتني
تسلمين حبيبتي ومشكوره لمرورك
|
رد: قصيده ابكتني
[font=arial narrow][size=4][color=darkorchid]المحرومه جميل ما نقلتي[/color][/size][/font]
[font=arial narrow][size=4][color=darkorchid][/color][/size][/font] [font=arial narrow][size=4][color=darkorchid]ولكن هنا منقول الأدب[/color][/size][/font] [font=arial narrow][size=4][color=darkorchid][/color][/size][/font] [font=arial narrow][size=4][color=darkorchid]عطري و وردي[/color][/size][/font] |
رد: قصيده ابكتني
المحرومه
نقل رائع واختيار موفق ولاكن اين اسم الشاعر فما هو لكي لكي واما ماللأخرين فيجب ان تذكري اسم صاحبه شكرا لك |
رد: قصيده ابكتني
مشكور اخوي الطامي لمرورك وملاحظتك تسلم اخوي لاهنت تقدر تنقلها للي تبي او تنحذف عادي
|
رد: قصيده ابكتني
نقل رائع و مميز
مشكووووووووووووورة اختي الفاضلة |
رد: قصيده ابكتني
حوريه وهمووووووسه تسلمون حبيباتي
ومشكورات على مروركن العطر |
رد: قصيده ابكتني
تسلمين المحرومه
وصح لسان قايلها واحساسه المرهف |
رد: قصيده ابكتني
نفوووووووووحه تسلمين ياقلبي
شكررررررررررررررا لمرورك العطر |
| الساعة الآن 08:53 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة