البارحـ هـ .....
 

[color=#3300CC][size=5][B][align=center]*

مرثيه في سيدي وتاج راسي .. عمي الحاج : [color=#000000]عبود مطلق أبوظهير[/color] .. رحمه الله وأسكنه فسيح الجنات وأموات المسلمين .. والذي وافاه الأجل يوم الخميس الماضي .. أرجو قبولها .. والدعاء له جزاكم الله خير .


*[/align][/B][/size][/color]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه كل أكثر الخلق نامو=ألا عيوني حاربت لذة النوم

هن وهواجيسي عليـّـه تحامو=ومـْن الألم ياربعي آطيح وآقوم

حتى دموعي فوق خدي تهامو=من كثر مافي خاطري حزن وهموم

مانيب يم اللي حكوبي ولامو=أنوح واليانحت ماني بـْـمـليوم

أبكي مهو بـبــْـكا عشاشيق هامو=ولارايح ٍ بـ أرقي طويلات ورجوم

ولاني مسوي سـْواتهم وان ترامو=في فرشهم ذا طايح وذاك مهموم

عشاق وأكبر همهم وإن تسامو=شوف الولايف ماعلى مثلهم لوم

لافارقو .. عن مجلس الناس شامو=تلقى بكاهم يوم وآقل مــن يوم

أبكي سنادي يوم الأضداد زامو=هو عزوتي لامن غدا فـ السما حوم

عمي بفقده كل الأعضاء صامو=إلا يدين ٍ تمسح الدمع بكموم

ماني مصدق لين الأصحاب قامو=على النعش جابوه ياناس مزموم

إي والله ومثلي كثيرين حامو=اللي ذهل واللي بعد كان مصدوم

بس العزا مابه أبد ناس دامو=الدايم الواحد ولاغيره يدوم [/poem]


[size=5][align=center][B]*[/B][/align][/size]


[color=#0000CC][size=6][B][align=center]مبارك نايف أبوظهير[/align][/B][/size][/color]

رد على: البارحـ هـ .....
 

صح السانك وعظم الله اجرك في عمك الله يرحمه ويغفرله واموات المسلمين تقبل عزائي اخوي مبارك

رد: البارحـ هـ .....
 

نالت أعجابي كثير طله جميله منك شاعرنا

صح لسانك ولا هان منطوقك

أبدعت في هذي القصيده


سلمت يداك ع الأبيات العذبه

رد على: البارحـ هـ .....
 

ابو ظهير

بالاول عظم الله اجرك ورحمه الله عمك واسكنه فسيح جناته امين

وثانيا صح لسانك على هذه المرثيه النابعه من القلب إلى قلبنا

احزنتني كثيرا

تحياتي لك

ماجد المهدي

رد على: البارحـ هـ .....
 

الله يرحمه ويسكنه الجنه وبلهمكم الصبر

ووصح السانك مشاعر حزينه في قوافي جميله

رد: البارحـ هـ .....
 

انا لله وانا اليه راجعون

رحمة الله عليه رحمة واسعه

واحسن الله عزائكم والهمكم وذويه الصبر والسلوان


وصح لسانك اخوي مبارك على المرثيه الوافيه

لاهنت

فائق الاحترام

رد على: البارحـ هـ .....
 

إي والله ومثلـي كثيريـن حامـو= اللي ذهل واللي بعد كان مصـدوم

بس العزا مابه أبـد نـاس دامـو = الدايـم الواحـد ولاغيـره يـدوم

سبحااااانه صدقت

أحسن الله عزاكم ورحم ميتكم وأسكنه فسيح الجنان

أخوي مبارك نايف أبوظهير

صح لسانك وبيض الله وجهك

رايعه ووافيه ومعبره

لك فائق احترامي وتقديري

رد: البارحـ هـ .....
 

[color=#FF8C00][size=3]عظم الله اجركم اخوي ،،

و صح لسانك ملايين

على هالقصيد الطيب ،،

شكرا لك ،،

دمت برعاية الخالق[/size][/color]

رد: البارحـ هـ .....
 

عظم الله لكم الاجر اخي الكريم مبارك
عزائي لكم ولجميع افراد الاسرة الكريمه
انا لله وانا اليه راجعون

رد على: البارحـ هـ .....
 

عظم الله اجرك اخوي/ مبارك

وأجبر الله عزاكم في فقيدكم


إنا لله وإنا إليه راجعون..



[u]لك خالص مودتي واحترامي[/u]