الله من ضيقةٍ بالصدر مخفيها
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله من ضيقةٍ بالصدر مخفيها= من حر ما اوجس يبوح القلب باسراره
ازريت اقاوم ولا ادري وش تواليها= دنيا بها اللي بعقله قلّوا انصاره
من وين ماوجّهت تعصف بلاويها= الصبر كمّل ولا باقي سوى امراره
من بعد ماني جبل دنياي قاويها = اليوم ضعفي بدى ما اتحمل الغاره
لو يضبط العقل نفسي في خطاويها = يجي البلى من بعيد ويعصف اعصاره
في وقت فيه الخلايق لو تداريها= طمعوا بك اكثر وكلٍ طالت اشباره
فالمصلحه هي هدفها اللي يمشيها = ومن لا لقوها معه ايقلّ مقداره
حتى قريبك غدا يخيّب هقاويها = لا شاف ما بك فوايد بانت اكداره
ومن فوق هذا نفاقٍ في نواحيها = نضحك على بعضنا في غش وتجاره
وين القيم والعقيده وين راعيها= وشلون صرنا ضماير كنها حجاره
نسخر من الغرب واوضاعٍ يعانيها= لأنه بلا دين يحكم منهج افكاره
واليوم اوضاعنا مهما نخفّيها = اسوأ من الغرب مهما زاد فجّاره
في الغرب كلش وضوحٍ ولا يواريها= وحنا نخبي نخاف الناس في اظهاره
ولا نخاف اللذي للنفس باريها = ونفخر بأنا خيار الخلق واطهاره
السيل جارف تحت تبنٍ يغطيها= ومصيرنا لا استمر الوضع باخطاره[/poem]

رد: الله من ضيقةٍ بالصدر مخفيها
 

الاخ الفاضل / الطائر المهاجر
صح لسانك لاهنت
وين القيم والعقيـده ويـن راعيهـا
وشلون صرنا ضماير كنهـا حجـاره
نص شعري رائعجداااااا
من شاعر متمكن
لله درك يا اباعبدالله
تسلم ويسلم فكرك يالغالي
تحياتي
أخــــــــوك
س / ص

رد: الله من ضيقةٍ بالصدر مخفيها
 

[size=4][color=#00008B][font=Simplified Arabic]أستاذي الشاعر / أبو عبدالله
الله يبعد عنك كل ضيقه
صدقت بكل بيت والله ،، عسى الله يصلح الحال
الناس أصبحت تتبع مصالحها بدون ذمـه ولا مراعاه لخالقها
صح لسانك وعلا شانك
تقبل وُدي[/font][/color][/size]

رد: الله من ضيقةٍ بالصدر مخفيها
 

الله الله

صدقت والله صدقت

لافض فوك دكتورنا الفاضل

تقبل مروري المتواضع

واحترامي

رد: الله من ضيقةٍ بالصدر مخفيها
 

من بعد ماني جبـل دنيـاي قاويهـا
اليوم ضعفي بدى ما اتحمـل الغـاره

انت جبل ولازلت

ابوعبدالله

صح الله لسانك ولاهنت

نص شعري هادف ..


لاعدمنا حضورك الكريم

رد: الله من ضيقةٍ بالصدر مخفيها
 

[COLOR="Navy"][B]الأستاذ ابو عبد الله.................
وعندما أقول الأستاذ فأنا أعني ما أقوله وليس لفظا للمخاطبه
جميل بوحك المليئ بكل ماهو مفيد يجبرني عند القراءة أن أخلو لأقرأ فقط
لاغرابة في الجمال ولاجديد في الجودة والسبك
لك كل الشكر ووافر التحايا[/B][/COLOR]

رد: الله من ضيقةٍ بالصدر مخفيها
 

مبدع في كل حالاتك ابوعبدالله

صحيت كلك

نص وافي

تقديري,,,,,,

رد: الله من ضيقةٍ بالصدر مخفيها
 

الطائر
الله عليك يامبدع
كل يوم بجديد افضل مما قبله
الله على الدنيا هي هكذا الله يصبرنا عليها جميعا
شكرا لك

رد: الله من ضيقةٍ بالصدر مخفيها
 

[COLOR="Purple"][COLOR="DarkGreen"]سلامتك من الضيقه يابو عبد الله

وصح قلبك وسلم حرفك

نص يعبر عن الواااقع

دمت ودااام ابداااعك[/COLOR][/COLOR]

رد: الله من ضيقةٍ بالصدر مخفيها
 

[size=5][align=center][grade="00008B B22222 008000 4B0082"]

صح لسانك يالطائر المهاجر

إبداع جميل من شاعر تعودنا منه الجمال

صح لسانك مع التحية لك

،،،،،،،،،،،[/grade][/align][/size]