منتديات الفطاحله - المره لا من تعدّت اربعين بين شايب وعجوزه

منتديات الفطاحله (http://ftahilah.com/index.php)

- الشعر الفكاهي (http://ftahilah.com/forumdisplay.php?f=90)

المره لا من تعدّت اربعين بين شايب وعجوزه

[url]https://www.youtube.com/watch?v=FE1w_jURA9Y[/url]

[poem=font="Simplified Arabic,5,indigo,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
محاوره بين شايب وحرمته:
الشايب=
المره لا من تعدّت اربعين = مثل برميلٍ خشل في المزرعه
الصدى ماكلْه من طول السنين= ما يفيدك لو تحاول ترقعه
او كما الهونداي للي باخصين= بالمواتر فاهمينٍ مصنعه
فالمكينه لو توضّبها يبين = ولو تغيّر قيرها والأذرعه
مشكل الدفرنس يفضح بالحنين= والبواجي من قربها تلذعه
ولو تسمكر ما تسمكر كل حين = ينهفش صدامها لو ترفعه
.
الحرمه=
المره بالدين والعقل الرزين = ومن خذاها لغير هذا ما اضفعه
والجمال ارزاق رب العالمين = لو هي صغيره تشوفه ما ابشعه
وكل غصنٍ لو تشوف إنّه يلين= يوم ييبس والهبايب تجدعه
ارع للنعمه وحكيك لا يشين = قبل هرجٍ ما تفضّل تسمعه
من يبي عودٍ حنينه والونين = يسمعه من مرّ من كثر اوجعه
المره مهره على طول السنين= ما تغير كاالذهب ما انصعه
.
الشايب=
الرجل مرسدس في شدّه متين= لو وصل تسعين ما به قربعه
لو تقلّب مرةٍ أو مرتين= مثل ذيبٍ فالتمرغ ينفعه
دام سالم من طياس الشاربين= ومن بنات الليل واللي يتبعه
يعجبك لو كان عنده حرمتين = كان ماله من كروشٍ تمنعه
وانتي يم جنيب من حقد دفين = مخطرٍ من مر لزمٍ تلسعه
محتملك سنين وطبوعك تشين= لا نتي لا رسن ولا انتي بردعه
.
الحرمه=
شايبٍ عايب وتسمع له حنين = ولا بغى ينهض تجوّد باربعه
من سمع هرجه وشعره والزفين= قال توّه في شبابه ما اسنعه
خل عنك الهرج كان إنّك فطين= واحترم نفسك وخل الصرقعه
لو ابي غيرك تراهم جاهزين = من شباب ضاع وسط المعمعه
دام لي راتب وعندي ارنبين = منوة اللي نيته بالمطمعه
انتقي من هالرجال العاطلين = ما يخالف لو شتمته والفعه
.
الشايب=
احمدي ربك ترى فكري رصين= ولو بغيت اعرس ترى ما اسرعه
عندي فلوسٍ ولا حملّت دين = اخطب الأبكار مثلك اردعه
لاتحديني ترى ابليس اللعين = كل هرجه عن جهامك ما ابشعه
انتي اقفيتي ونا سيفٍ سنين= ماندثر في الحرب ياما اشجعه
محتسب للأجر واركع ركعتين = كلما شفت البنيّ مجمّعه
وادعي الرحمن رب العالمين = يبعد الشيطان عنّي ما اتبعه
.
الحرمه=
والله إنّك ثعلب يا بالحصين = كلما جيتك بثوبٍ ترقعه
خل نتصالح ولك مني يمين= ما تبي حاصل وقدرك ارفعه
كل ما يرضيك عندي عن يقين= بس لا تطري تزوج بجذعه
.
الشايب=
هذا خبري فيك نسل الطيبين= لكن الشيطان يغوي ما اسرعه
من تحارش رجلها بالكلمتين= خاسره في كل فعل تصنعه
للرجل حشمه ولو به ما يشين = والمره من تحتمل لو مافضعه[/poem]