منتديات الفطاحله - لاصار عـندك من تعزه وتغليه

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - لاصار عـندك من تعزه وتغليه (http://www.ftahilah.com/showthread.php?t=121324)

لاصار عـندك من تعزه وتغليه

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لاصار عندك من تعزه وتغليه =ولا حظت تغييرٍ بدا في فعاله
فتابع بصمت كود تعرف خوافيه= يمكن يخطط للردى والجهاله
تلقاه يخفي عنك ماكان ناويه= ويضحك بوجهك ممعنٍ ف الختاله
فناصحه بالمعروف ان هو نفع فيه= ولا من وجدت النصح فيه استحاله
دامك كشفت اللي خفى من هقاويه= فلا تبيّن انك عارفٍ باحتياله
اظهر له انك ماعرفت لخطاويه= وبادله بالضحكات واترك سؤاله
وخطط بفكر ما يجي في حراويه= واضرب بوقتٍ ماهقى باحتماله
ابعده عن دنياك لا تنخدع فيه = واقطع حبالٍ تجمعك في وصاله
واعرف ترى الحاضر مهو مثل ماضيه= والخلق غير الخلق في كل حاله
بعض انسلخ مما ورث من مباديه = وبعضٍ ضميره مات غرق بضلاله
واعرف ترى ان الدين في قلب راعيه= ماهو جدارٍ يلتجا في ظلاله
يلجا له اللي به بلى ما يخليه = يخدع لغيره كود يخفي مياله
تلقى يتصدق عن خطايا مواطيه= من مال يدري من حرامٍ سعى له
والله طيّب واضحاتٍ نواهيه = ما يقبل إلا كل طيّب نواله
ومن خادع الله ما نجح في مساعيه= ياسرع ما يرميه باعظم وباله
ومن لايخاف الله فلا يوم ترجيه = خله على فاله ودوّر بداله
ومن لا هداه الله فلا انتاب هاديه = كلٍ يحاسب يوم يلقى مآله
[/poem]