علموهـ ((نصيحه لكل مستشعر))
 

[size="4"][color="black"][center]بسم الله الرحمن الرحيم

الشاعر\ مشعل عسّام التريباني الشمري

[color="red"]((علّموه )) نصيحه للمستشعرين))[/color]

شاعـــــرٍ مايكتب الجزل لايكتب هزيل (1) علّموه ان الخثاريق من عيب الرجــــــــال

وعلّموه ان المـبدّى مــن الشعر الجزيـل (2) وعلّموه ان البشر مايطيقـــــون الهــــــزال

وعلّموه انه بالاشـــــــعار مايمدح هبيـل (3) وعلّموه المدح ياتي على قدر الفعـــــــــــال

الرجل مقياســــه الدين والهرج الجميــل (4) واتّزان العقل والثقل وايضا الاعتـــــــــدال

والكرم هو والشجاعه الــــى هاب الذليـل (5) والرضا بالي عطاه الجليل من الحـــــــلال

واعتزاله لاكل الاعراض من قولٍ وقيـل (6) ولايحلل شي بالدين ماجاله مجــــــــــــــال

كان يبـــــــي المدح هذا طريقه لايعيـــل (7) اشرحوله يقتدي في كريمين السبــــــــــــال

والقصـــــيد امرٍ ثنائــــــــي ولايزوّد قليل (8) ولاينقّص طيّب الساس نسج من الخيــــــال

القصـــــــيد انكان ماجا من الوزن الثقيـل (9) وش يبي به كان مايجمّله عند الرجـــــــــال

انتبه لو صفّقولك قليلـــــين الحصــــيــــل (10) اعرف انه بالدهاويــل مايرفا الخمـــــــال

واعرف انه للمخالـــيق مايربح عمــــيـل (11) كل ماتكتب بالاقــــــــــــلام لابدّه يقــــــال

والاوادم تعشـــق الخبث وافهم يالاصــيل (12) لايقال ان الشجر ماسكن فيه الخبــــــــــال

شــــوف طلع الدوم ماهو يقارن بالنخيــل (13) وشوف مي البحر ماهو شبيهٍ للـــــــــزلال

والصباخــــي دايمٍ جدب حتـى لو تســـيـل (14) لويعلّه صادق الوسم بالسحب الثقـــــــــال

مـــــــن كثــــير الهذر قلل ويكفــيك القليـل (15) واعرف ان بكثرت الهرج نقصٍ بالكمـال

مايقارن بعـــض الانجم على النجم الدليــل (16) لو تغيب نجوم نجم الشمالي لايـــــــــزال

ولو تحاول تدرس الشعــر شـــيٍ مستحيـل (17) موهبه من خالق الكون درسه مستحــــال

انصحك فـــــي روس الاقلام ماودّي نطيل (18) اعرف ان الكثر بالهرج من قبح الخصال[/size]
[/center][/color]

رد: علموهـ ((نصيحه لكل مستشعر))
 

وعلّموه انه بالاشـــــــعار مايمدح هبيـل (3) وعلّموه المدح ياتي على قدر الفعـــــــــــال

الرجل مقياســــه الدين والهرج الجميــل (4) واتّزان العقل والثقل وايضا الاعتـــــــــدال

صح لسانك
ولاهان راسك
شاعر اجتماعي من الطراز الأول
لاهنت
تحياتي

رد: علموهـ ((نصيحه لكل مستشعر))
 

[color="blue"][size="4"][color="red"]الطائر المهاجر[/color]
مرورك يشرفني وشهادتك اعتزبها الله لايهينك [/size][/color]

رد: علموهـ ((نصيحه لكل مستشعر))
 

التريباني
صح السانك ملايين
ابداع مميز
لاهنت اخي

رد: علموهـ ((نصيحه لكل مستشعر))
 

[font="courier new"][size="5"][color="navy"]صح السانك
وصح قلبك
ابداع في ابداع
شكرا لك [/color][/size][/font]

رد: علموهـ ((نصيحه لكل مستشعر))
 

جزل ورائع وحكيم
شكرا لك
تحياتي

رد: علموهـ ((نصيحه لكل مستشعر))
 

[color="blue"][size="4"][color="red"]الطامي
بنت النور
منيع [/color]
شكرالكم على المرور والاطرى الله لايهينكم جميعا[/size][/color]

رد: علموهـ ((نصيحه لكل مستشعر))
 

[font="arial"][size="3"]صح لسانك اخوي مشعل واعتلا شانك
ابدعت وامتعت لاهنت


تحياتي وتقديري [/size][/font]

رد: علموهـ ((نصيحه لكل مستشعر))
 

الله الله يا مشعل

ابداع جزل و معنى وافي

تحاكي واقع و حاله نشاهدها كثيرا

لله دررك

وطاب حالك ولاهنت

رد: علموهـ ((نصيحه لكل مستشعر))
 

[font="comic sans ms"][size="7"][b]صح الله لسانك يامشعل.

صدقت والله بكل حرف من حروف هذه الرائعة.

تحياتي وتقديري.[/b][/size][/font]