سكري القصيم
 

[CENTER]اخواني الكرام
هذه محاوله اخرى
من ايحاءات الشقر الجنوبي
مع بعض التعديل

امل ان ترقى لذائقتكم[/CENTER]
[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامشعل النيران في قلبي بصدك وانت سالي = ماخفت رب البيت يامجمول شف روحي عليله
صوّبت سهم العشق قبل العام دوك الدمع سالي= من شافني قال انت بك حُرّقه وما بايديك حيله
ان غبت عن عيني فلا به شك ساكن في خيالي= افرح ليامن لاح زولك بين خلق الله واجي له
اهواك يابو ريقٍ احلى من العسل روس الجبالي = له ريحة النعناع في وادي العُلى بين النجيله
ياضبي شارد بالبراري تجرحه نسمة شمالي = اوعذق من تمر القصيم السكري باعلى نخيله
ياملهمي بالشعر فاض الكيل ياباهي الجمالي = ماعاد اطيق الصبر في بعدك ترى ايامي بخيله
لوّك تجس النبض من بعدك غدى منسّمْ حالي = دواي عندك يابعد هالناس لو ترجي الوسيله
دواي في وصلك وفي قربك يصير المر حالي= انت القمر في منتصف شعبان والليل الجديله
ابني على شانك قوافي الشعرفي جوف الليالي= ينام كل الناس وانا اسهر وهمي صعب شيله
مشاعرك والطيب واحساسك بها تيار عالي = ياصل حنايا الروح رغم البعد يامبهر لـ جيله




[/poem]

ياضبي شارد بالبراري تجرحه نسمة شمالـي
اوعذق من تمر القصيم السكري باعلى نخيلـه

فـــــــــلاح بن منشـــــــار


دره من دررك كما عودتنا على الجزاله في المفرده


شاعر عذب مرهف الحس

صـــح لسانك

[B][COLOR="Sienna"]فلاح بن منشار

ياسلام عليك

هلابك بين اخوانك واخواتك


صح لسانك وفكرك على البداع الراقي


ويعجز القلم مايكتب لك من شكر لحروفك الجزله


تحياتي وتقديري لك[/COLOR][/B]

شاعرنا القدير فلاح
صح لسانك
كلمات رائع وإيحاء أروع
لكن البحر صعب التفعيله شوي
وبالتأكيد من التراث الجنوبي الذي نفتخر به
لاهنت

تحياتي

الاخ الشاعر/ فلاح بن منشار
كل الجمال
الابداع والتميز
بارك الله فيك
تحياتي وتقديري

أخوي فــلاح بن منشـار

صح لسااانك واعتلا شانك

قصيده رايعه بروعة حضورك

لك فاااائق احترامي وتقديري

فلاح بن منشار

صح لسانك

رائعه


احترامي

صح السانك يا اخ فلاح

جزله يا الجزل

لاهنت

صح لسانك وبيض الله وجهك
ابداع × ابداع من شاعر كبير
صح لسانك مدد بلا عدد
ولا هان راسك
مع أطيب تحياتي

الشاعر / فلاح بن منشار

رائعه رائعه بروعة شاعرها

كل الود والتقدير