{ الشعر ديوان العرب أمس واليوم }>> مقابلة
 

[COLOR="Blue"]أحبتي في ( منتديات الفطاحلة ) يسرني أن أضع بين أيديكم المقابلة( الشعرية)التي أجراها معي الاديب الكويتي المعروف الشاعرالكبير/ عبدالعزيز الفدغوش في صفحة سحرالبيان التي يعدهابجريدة الهدف الكويتية العدد رقم 1943 آملاً أن تحوز على اعجابكم مع تحياتي وتقديري لكم ،،[/COLOR]



[COLOR="DarkRed"][FONT="Arial"]البطاقة الشخصية :
[COLOR="Blue"]س /ابااسألك يا طـيّب السـاس بسـلوم= وعـرّف بنفسـك يارفيع المقامي؟[/COLOR]

ج/ شـاعر ولي عـدة طموحات وحلوم=والارتقى بالشـعرغاية مرامي
أبعد عن الهفوات به دوم وآ شـوم=وانئَ0 بنفسي عن دروب الظلامي

*الشعر :
[COLOR="Blue"]س /الشعر مرأة للاحسـاس معلوم=واوجـز لنا معناه ياابن الكرامي ؟[/COLOR]

ج /الشـعـر بحـرٍٍ0والذي يجهل العوم= لا يدخـله يلقى به الموج طامي
كلام له معـنى وتصـوير ورسـوم= وتوحـيد قيفانه ووزنه إلزامي

*بين الماضي والحاضر :
[COLOR="Blue"]س/ماالفرق بين الشعر بالامس واليوم=من حيث مضـمون ورموز ومرامي؟[/COLOR]

ج/ بالامس كم شاعر ترك صيت وعـلوم=واليوم ياكثر الصـور والاسـأمي؟
واكتضـت السـاحه ( بنجمات و نجوم )=لكن عـلى الابـداع إقرْالسـلامي

*معالجة قضايا المجتمع :
[COLOR="Blue"]س/للشعر دور بخـدمة الحـق مفهوم=وحسـب اعتقادك وش عطا للانامي ؟[/COLOR]

ج/الشعر ديوان العرب أمس والـيوم=يرصـد قـضـاياالمجـتمع بإهـتمامي
والشـاعـر الواعي مـكلّف وملـزوم=يشـعِل فتـيل الحرف وقت الصـدامي

*تطوير برامج الشعر :
[COLOR="Blue"]س/ كل يطالب بالتطور على الدوم=ويش انت شايف للبرامج نظامي ؟[/COLOR]

ج/اشـوف هالشـعراء في جـدال محموم=كلن عـن السـاحه يذود ويحامي
والظاهر انه حـرص كاذب ومزعـوم=نفس البرامج من ثلاثين عامي

*نقد الشعر :
[COLOR="Blue"]س/حدد لنوعٍ ٍ بالعلاقات محكوم=بين الشـعر واسـلوب نقد الفهامي ؟•[/COLOR]

ج/لن يسـتقيم الشـعر والنقد معدوم=واخـشى يصـيبه في الصميم انفصـامي
وتـبقى العلاقه بـينهم أمر محـسـوم=متأصـله وثابـته عـالدوامي

*السرقات في الادب :
[COLOR="Blue"]س/سـرْق الادب اصـبح هـدف كل منجوم=كيف العمل من شـان كشـف الحرامي ؟[/COLOR]

ج/لاشـك هـذا الفعل بالحـيل مذموم= وأحرص على التوثيق قبل الخصـامي
من أجل يصـبح سارق الشـعر ملطوم=ويمسي وخـشـمه من ردى الفعل دامي

*شعر الغزل :
[COLOR="Blue"]س/شـعر الغزل مراة واحـسـاس محروم=حدد معك وش دور وقعه تمامي ؟[/COLOR]

ج/شـعر الغزل يشـفي مرض كل (مغروم)=ويبقى الهـدف في كل الاحوال سـامي
ماينسي العاشــق ليا صـار مهموم=غـير الكتابه في الغزل بإحـتشـامي

*شعر المرأة :
[COLOR="Blue"]س/شـعر النسا فيه اكثر القول ملغوم=وش راي شخصـك في كثير السهامي ؟[/COLOR]

ج/شـعر النسـاء في بعض الاحيان مظـلوم=كانك تبي رايي وزبـدة كلامي
مازال يتعرض لتشـكيك وهـجـوم=وان كان زعـلن0ماعـليهـن ملامي


صفحات الشعر :
[COLOR="Blue"]س/صـفحات ادبنا عـرضـةٍ دوم للوم=وش حققت لاجل الادب بالتسـامي ؟[/COLOR]

واجـب عـلى المشـرف بمجهوده يْقـوم =ويـنهض بصـفحات الادب للأمامي
يسمو بها صوب الـرقي دوم ويـروم = نحـو العُــلا دايــم بجـد والـتـزامي

*كلمة اخيرة :
[COLOR="Blue"]س /شـرفتنا واتحـفتنا شـعر منظوم=واذكر مرادك في سـؤال الختامي ؟[/COLOR]

ج/رضـاك ياقرمٍ تحـدر من قروم=ولي الشرف بك يابعـيد المرامي
مشـكور يالفدغـوش واسلم لنا دوم=وأقبل تحـياتي وجل احـترامي

-----------------------
مبروك بن ماضي[/FONT][/COLOR]

رد على: { الشعر ديوان العرب أمس واليوم }>> مقابلة
 

يا سلام سلم

صح الله لسانك

واعتلا شانك

وجاد بنانك

ولاهنت

مبروك بن ماضي
لك التحيه

اخوك

رد على: { الشعر ديوان العرب أمس واليوم }>> مقابلة
 

الله يعطيك العافية
وصح لسانك وقلبك يامبروك

دمت بود

رد على: { الشعر ديوان العرب أمس واليوم }>> مقابلة
 

صح لسانك
أخوي مبروك
اسلوب جديد وأبيات جزله ومعبره
لاهنت وبيض الله وجهك

تحياتي

رد على: { الشعر ديوان العرب أمس واليوم }>> مقابلة
 

لقاء راقي ومميز
يسلم راسك على هالاجوبة الوافية
ودمت بخير

رد على: { الشعر ديوان العرب أمس واليوم }>> مقابلة
 

مقابلة شعرية جميلة
وضحت فيها سلبيات وايجابيات الساحة الشعرية
في ابيات قليلة ، واعطيت للشعر النسائي حقه
في وقت نرى فيه البعض يحاربه بشتى الوسائل.
صح لسانك ولسان عبدالعزيز
مع أطيب تحياتي

رد على: { الشعر ديوان العرب أمس واليوم }>> مقابلة
 

مقابله جميله يامبروك

صح لسانك ولسان الفدغوش


لاهنت على اتحافنا


تقبل مروري
وودي

رد على: { الشعر ديوان العرب أمس واليوم }>> مقابلة
 

لاهنت وصح السانك اخوي الشاعر المبدع مبروك بن ماضي

ابدعت وابدع الشاعر الفدغوش

صح السانكم جميع ولاهنتم


يعطيك الف عافيه

اخوك ابراهيم السنيدي

رد على: { الشعر ديوان العرب أمس واليوم }>> مقابلة
 

الله علييك
اتحفتنا بلقاء غييييييير
يعطيك الف عافيه
وصح الله لسانك

شـعر النسـاء في بعض الاحيان مظـلوم=كانك تبي رايي وزبـدة كلامي

انا اشهد يالقرم ..
تحياتي
اختك بنت القصيد ...........

رد على: { الشعر ديوان العرب أمس واليوم }>> مقابلة
 

الرائع والقدير/ مبروك بن ماضي

لقاء ممتع وحافل بروائعك اخي الفاضل

اثريت متصفحي بجميل معانيك لا خلينا منك يالغالي

دمت لنا بهذا التئلق والف صح لســــــــــــــانك

ودي وجلا تقديري

روض الغلااا