كل موقع مثل دكانٍ
 

[rams]http://www.fatahilah.com/up/Kellmog3.mp3[/rams]
[poem=font="Simplified Arabic,5,sienna,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]
كل موقع مثل دكانٍ وحنّا به زباين= ان كسبنا صاحبه بالطيب نشري ما نريده
وان عبس بوجيهنا نمشي ولاحتى نعاين= غيره ابرك منه لو في البيع اسعاره زهيده
وبعضهم طيّب ولكن واثق بخبث البطاين= انخدع فيهم ولو هم من قريبين البديده
ناصبينٍ للشراك وحافرينٍ للكماين = وماهرينٍ بالتفوق في اساليب المكيده
نفّروا هذا وهذا وقرّبوا خبث النماين= من خميمٍ ما يفكر غير بافكار بليده
متعبين اللي شريفٍ شايفٍ كل الغباين= ينفد بجلده ويمشي قبلما ذيخٍ يصيده
ثم يبدا السوس ينخر من تحت ماهوب باين= لين ما ينهار صرحٍ فوق راس اللي يشيده
انتهى الدكان خاسر وافلست كل الخزاين= والملامه والشماته من نصيبك ياعميده
فالرجل يبغى رجالٍ بالدلالة والقراين = مجلسه محسوب ضده او معه يعلي رصيده
وبعضنا تلقى بقربه ورد من كل الجناين= يحترم نفسه وغيره في مواجيبه وليده
والبعض منا حصاني عاثياتٍ بالمداين= بالمكر من تحت تسعى وتظهر اخلاق حميده
تخدع اللي ما عرفها لين تمسك بالملاين= فالشعر شهره وتمره تنلحس قبل القصيده
رحمةٍ كثر المواقع فابتعد عن كل شاين= واختر اللي في رجاله من يشوف إنّك عضيده
معرفة رجّال مكسب في زمن كثر التباين= اختلط دره بنفوه حتى في صدق العقيده[/poem]

رد: كل موقع مثل دكانٍ
 

قلت القصيدة عندما كانت المنتديات لاينافسها شي
اما الآن فمعظمها نمت تصفيته امام زحف المواقع الاجتماعيه وهجر الناس لها

رد: كل موقع مثل دكانٍ
 

كماتفضلت
ابيات جزله ورائعة
شكرا لك
تحياتي لكم

رد: كل موقع مثل دكانٍ
 

صدقت وابدعت في معناك
وصح لسانك مدد

رد: كل موقع مثل دكانٍ
 

صح السانك ياعوووود
راح ايام المنتديات
علما ان القليل منها لازال يعمل
بنظام المثل ( عرج ومكسور )
الله يعين
ولاهنت