أهل الشام (الخالدي)(الرماحي)(البسطي)
 

[size="5"]
بسم الله الرحمن الرحيم


السلام عليكم ورحمة الله

اخواني واخواتي الكرام

مجاراة لقصيدة (عجل على اهل الشام ) لشاعر والاستاذ احمد الخالدي

ولقد شاركنا في المجاراة الشاعر والاستاذ ساير الرماحي



عجل على أهل الشام

وشلون يا ولد البساطا أتحمل
وإسلامنا بالعين شفنا مأسيه

قم يا وليد الحين للبنك عجل
من يطلب النصرة أبد لاتخليه

عجل على أهل الشام وأحذر تمهل
راسي من الأحداث شف شيبت فيه

في أمة الإسلام مليون دمل
والمال للدمل علاج ويشافيه

شوف النصيري للغنادير حمل
الله من حقد النصيري وكلبيه

شوف الرجال شلون تقتل وتسحل
وبعض الرجال رخوم تشغله خديه

مهتم بالأسواق راح وتجمل
فكره غدى مابين بطنه وفخذيه

احمد الخالدي




أبشر بعزك

أبشر بعزك يا أحمد اليوم ببذل
في نصرة أهل الشام مالي وأبفديه

من صد عنهم جعل روحه تحصل
فقر ومصايب هالزمان وبلاويه

الدين يشكي ضعف جسمه وينحل
واليوم أشوفه جاير الضعف كاسيه

واللي لماله فالمواقيف يبخل
خالي من الغيرة والإحساس مافيه

شفت النصيري بآلة الحرب يقتل
وبعض الرجال رخوم يتبع مشاهيه

أبشر يا أحمد بس كبر وهلل
من يطلب النصرة أبد مانخليه


حنا لمال الله نجمع ونبذل
وحنا سناد الحق واللي مشى فيه

وليدالبسطي






الشام يشكي

الشام يشكي من بلا فيه يحصل
وراع المراكي ما شبع من تمركيه

وايران صارت للعرب رعب للكل
من عقب ما راح الذي ننطحه فيه

واهل العمايم ماله اليوم من حل
من عقب راح اللي يرده وينحيه

صدام اخو هدلا بطهران زلزل
وارعب نظام الفرس وارعب ملاليه

واليوم والله مالنا اليوم من ظل
وسيف العرب اقفى وراحت مغازيه

كله سببنا نطرف العين بالذل
واليوم ما ينفع كثير المشاريه

وصار النصيري يرفع الصوت للكل
لان ما حدن عنده يرده ويعميه

يفعل على كيفه ويحرق ويقتل
والروس خلفه والمجوسي يباريه


وياخذ بثار الفرس ويبرد الغل
وما فيه من يخشاه والله ما فيه

وحنا بلا عون وشكيمه ولا حل
من عقب ما لسني ولا احدن يعاديه

هذا جزانا نشكي الضعف والقل
وقد قيل بالامثال مافي معانيه :

منهو يخطط بالخطا دوم يفشل
جزاه ذل ومن يعاديه يفنيه

الشاعر ساير الرماحي [/size]

رد: أهل الشام (الخالدي)(الرماحي)(البسطي
 

[font=arial][size=3][color=purple]الله يصلح الحال[/color][/size][/font]
[font=arial][size=3][color=purple] صحت قلوبكم على ما أبدعـتوا[/color][/size][/font]
[font=arial][size=3][color=purple]تحيتي مع التقديري[/color][/size][/font]

رد: أهل الشام (الخالدي)(الرماحي)(البسطي
 

صح السانتكم جميع
ابداع ومشاكاة ربانيه
الله ينصرهم ويفك محنتهم
اللهم امين
شكرا للجميع
لاهنت البسطي على ادراجها هنا

رد: أهل الشام (الخالدي)(الرماحي)(البسطي
 

الله الله

صحت السنتكم على هالقصائد

والله ينصر اهل السنه في جميع اصقاع الارض

ويهلك الطاغيه (منشار) واعوانه

تقبلوا مروري

رد: أهل الشام (الخالدي)(الرماحي)(البسطي
 

الله الله

صح لسانك ياوليد ولسان احمد وساير

شعراء مبدعين وموضوع مشررف

لاهنتم

تقبل مروري

وتقديري

رد: أهل الشام (الخالدي)(الرماحي)(البسطي
 

صحت السنتكم جميعاً ، أبيات رائعه ، قمة الإبداع ، جزيتم خيراً


تحياتي وتقديري

رد: أهل الشام (الخالدي)(الرماحي)(البسطي
 

صحت السنكم ايها الشعراء الافاضل..

مجارات رائعه من الجميع الله يعطيكم العافيه..

دمتم بخير ولا هنتم

رد: أهل الشام (الخالدي)(الرماحي)(البسطي
 

مجاراة رائعه
وابدعت شاعرنا المميز وليد
ومدد صح لسااانك

رد: أهل الشام (الخالدي)(الرماحي)(البسطي
 

[i][color=indigo]صحت الألسن [/color][/i]
[i][color=indigo][/color][/i]
[i][color=indigo]نصوص مرتفعه[/color][/i]
[i][color=indigo][/color][/i]
[i][color=indigo]والله ينصر هل الشام[/color][/i]
[i][color=indigo][/color][/i]
[i][color=indigo]قلوبنا معهم والمشتكى لله ..[/color][/i]
[i][color=indigo][/color][/i]
[i][color=indigo]تقديري لكـ وليد وللجميع ..[/color][/i]

رد: أهل الشام (الخالدي)(الرماحي)(البسطي
 

[color="darkred"][size="5"][font="arial"]
جزله من راس جزل
صح لسانك واعتلى شأنك
ولاهنت
تحيتي واحترامي
[/font][/size][/color]