بعد غياااااب .. البيت
 

[color="navy"][size="5"][center]
السلام عليكم ورحمة الله .. أحبتي آل الفطاحله .. اعلم أني غبت كثيرا .. ويعلم الله أني

أني لو غبت فأنتم في القلب .. وأني أشتقت للجميع .. وأتمنى قبولي بهذه المتواضعه .. والتي أرجو أن تنال رضاكم ..


*

[poem=font=",6,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
البيت لاجيته تهيـض أشجانـي=تكفون بيعـوا بيتنـا ياإخوانـي
على الأقل لاجيـت زايـر لأمـي=ماشـوف داره ماتزيـد احزانـي
أشوف له ذكـرى بكـل أركانـه=وأحس تتْزلـزل جميـع أركانـي
وأنسى إني رجال وكبير بعمـري=وأبكي وأبّكي من بغـى ينهانـي
غصب عليْ تْهـل عينـي ماهـا=ماكنـي إلا مـن حـدا ورعانـي
أتذكـره يومـه هنـاك يصـلـي=وعقب الصـلاة يرتـل القرآنـي
وأتذكـره لاجيـت أسلـم يفـرح=لاصار راضـي رحـب وحيانـي
وإن كان بالخاطر زعـل ماينشـد=لاشافنـي مـريـت مانـادانـي
يازيـن دلـه لاتـغـلا وعـانـد=يانـي علـى سوالفـه شفقانـي
قلبي يجض ليـا دخلـت الحـاره=هو خوف هي حيره وأقول شجاني
أنسى بـأن المـوت حـق وإنـه=أمـر ٍ مقـدر والبنـادم فـانـي
أو إنـي أتْناسـى لأن ماعـمـره=أبعـد ولاعمـره بعـد خـلانـي
دايم وهو حولي وأنا فـي ظلـه=عايش مأمّن من غثـا عدوانـي
اليوم راح اللـي ينومـس ذكـره=اللي على طيـب العمـل ربانـي
أنا أشهـد إنـه ماتماهـن دوره=علّم وربّـى وأكمـل النقصانـي
مافيه شـي ٍ مـن أمـور الدنيـا=إلا وعلمنـي بــه ووصـانـي
الدين وحقوق الرجـال وجـاري=ووصل الرحم ومباشر الضيفانـي
وعلمني إن الحـق مهمـا غيّـب=يظهر ولو طالـت بـه الأزمانـي
وعلمني أوفي بالوعد واتْحـرص=ماخون لو خانوا بـي الصدقانـي
وإن البحر لو هـو كثيـر مايـه=عمر البحر مايـروي الضميانـي
وعلمني إن المـال عبـد ٍ سيـد=حفظه غناة ٍ لـي عـن المنانـي
يقـول لامنـك كنزتـه ســادك=صرت السجين ومالك السجانـي
وعبد ٍ إليا منك عطيـت المعسـر=وفرجت ضيقة مسلـم ٍ حيرانـي
الله يبـارك لـك بـه وبعيـالـك=وتشيخ بعلومـك مـع العربانـي
وعلمني أقنع فالنصيـب وأسكـت=وأرضى بماقـدر لـي الرحمانـي
(( وعلمني إن الرزق لو قدر لـي=ماياخـذه لاقـاصـي ولادانــي
وشـي ٍ مقـدر لـي فلايخطينـي=واللي لغيري لو أبيه أخطانـي ))
وأرجع قبل لاأنسى على موضوعي=البيت لو هو مصـدر لأشجانـي
لاتاخـذون اللـي ذكـرتـه أول=قلته أنـا مـن خاطـر حزنانـي
خلاص غيرت الطلـب والرغبـه=مابـي أكـون بعينكـم آنـانـي
يامطلـق وياخالـد ويامحـمـد=أخوكـم مبـارك تـراه يعـانـي
إذا تبونـه يفـرح ويستـانـس=تكفـون خلـوا بيتنـا ياإخوانـي[/poem]


*


مبارك نايف أبوظهير [/center][/size][/color]

رد: بعد غياااااب .. البيت
 

[size="5"][font="arial black"][center]

مرحبا مليوون أخي مبارك

و الحمدلله على السلامه

و تعازينا لك مع مواساتنا

و الله يرحم الفقيد بواسع رحمتة

و صح لسااااااانك مليوووون

و يا هلا بك من جديد

ولاهنت

*************[/center][/font][/size]

رد: بعد غياااااب .. البيت
 

[size="4"][color="darkgreen"]
نسأل الله للفقيد المغفره والرحمة

وان يلهمكم الصبر والسلوان

قصيده مؤثره و قلبت المواجع

صبر الله قلبك على هذه الحياة التي اخذت منا الاخيار000

و صح السانك شاعرنا[/color][/size]

رد: بعد غياااااب .. البيت
 

صح لسانك مليووووووون ولايكفوووون

قصيدة جزلة من شاعر جزل

واحسن الله عزاكم وجمعكم الله

في الفردوووووس الاعلي

غفر الله له وجعل مثوووواه الجنه ووالدى

والمسلمين

قصيدة مؤثرة والله معك يابن العم

سلمت ودام حرفك

رد: بعد غياااااب .. البيت
 

عظم الله اجركم واصبركم
[color=#ff4500]ص[/color][color=#ee3f0c]ح[/color] [color=#de3818]ل[/color][color=#cd3224]س[/color][color=#bc2b30]ا[/color][color=#ab253c]ن[/color][color=#9b1e49]ك[/color] [color=#8a1855]و[/color][color=#791261]ا[/color][color=#680b6d]ع[/color][color=#580579]ت[/color][color=#490085]ل[/color][color=#420091]ى[/color] [color=#3b009c]ش[/color][color=#3400a8]أ[/color][color=#2d00b3]ن[/color][color=#2600bf]ك[/color]
[color=#1f00cb]جزلة ووافية[/color]
[color=#110b07]ل[/color][color=#281b10]ا[/color][color=#3e2a19]ه[/color][color=#553921]ن[/color][color=#6c482a]ت[/color]

رد: بعد غياااااب .. البيت
 

الحمد لله على السلامه
اوجعتنا معك يابونايف
الله يغفر له ويرحمه ويتقبله في فردوسه الأعلا
ويعظم اجركم ويهون مصابكم ويجمعكم به في جنات عليين
وافيه من وافي لمن يستحق الوفاء
أطيب تحياتي

رد: بعد غياااااب .. البيت
 

حضر الشعر كلة
اوجعتنا يامبارك
رحم الله موتاكم وموتى المسلمين
وكفى بالموت واعظا
تحياتي

رد: بعد غياااااب .. البيت
 

مؤثره جدا يامبارك .. وقلبت المواجع ....وصح لسااانك

نسال الله ان يغفر له ويرحمه ووالدينا اجمعين

رد: بعد غياااااب .. البيت
 

يامطلـق وياخالـد ويامحـمـد
أخوكـم مبـارك تـراه يعـانـي
إذا تبونـه يفـرح ويستـانـس
تكفـون خلـوا بيتنـا ياإخوانـي


مبارك بوظهير
هلابك ملايين يالغالي
وصح السانك ملايين
قصيدة معبره
الله يغفر له ويرحمه ويتقبله في فردوسه الأعلا
ويعظم اجركم ويهون مصابكم ويجمعكم به في جنات عليين
وافيه من وافي لمن يستحق الوفاء
شكرا لك

رد: بعد غياااااب .. البيت
 

[center][color=seagreen]عظم الله اجركم واصبركم
صح لسانك واعتلى شأنك
جزلة ووافية
لاهنت [/color][/center]