منتديات الفطاحله - ليت الليالي يرجعن بي(بالصوت)

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - ليت الليالي يرجعن بي(بالصوت) (http://www.ftahilah.com/showthread.php?t=15626)

ليت الليالي يرجعن بي(بالصوت)

[RAMS]http://up.ftahilah.com/up/uploads/Mine/Laitallialy.rm [/RAMS]

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
ليت الليالي يرجعن بي الى الورى = طفلٍ غرير وما بدى بالفطانه
يلعب طوال الوقت بالوقت ما درى = ولا من بداه النوم يركض لامانه
أمٍّ تحضنه لين ياخذ به الكرى = وتقبل وتقفى ما تعدى مكانه
وينك يا يمه تنظرين الذي جرى= وليدك غدا شايب وهدّه زمانه
وكلش تغيّر والزمن صار اغبرا= عجّه خنقني خايفٍ من دفانه
امن أولٍ وياّك نقنع بما نرى = قرص ودويف وقطره امن الشنانه
العود يابس لكن القلب اخضرا = ما فيه حقد وغدر والاّ خيانه
والناس ترحم بعضها غُرب وقصرا= محدٍ يجوع وشابعٍ من وزانه
كلٍ يخاف الله في السر وجهرا = وما حدٍ يتاجر في نفاق الديانه
فيهم تواضع والشهامه لهم ذرى= ومقياسهم رجل الكرم والأمانه
واليوم غير الأمس في كل مظهرا= مقياسنا بالقرش.. كلٍ بخانه
فالناس غير الناس والفكر يحجرا= والرجل يخشى زلةٍ من لسانه
ومن كان ينوي العز والجاه والثرا= فالبعض ياصلها بذلّ ومهانه
يالعنبو وقتٍ به البوم ينشرى= والحر ما له في زمانه مكانه
يمّه كبرت وهمي اليوم أكبرا= مدري وش ابدّي وافكّر بشانه
إن جيت للتيّار فالكل مجبرا= ومن لا مشى به خاسرٍ في رهانه
وان جيت للعيلان فالوضع اخطرا= الفقر داعيهم يذوقوا هوانه
والامنا تكبر والاحلام تصغرا= مما نشوفه من طغاة الرطانه
يالله عليهم فانت اكبر واقدرا=فالأمر امرك ياعظيم بشانه
يرحمك ربي ساكنه باعمق الثرى= ويجزاك بالفردوس باعلا جنانه[/poem]