يابوسعد ايامنا والليالي
 

كيبورديه
[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابو سعد أيامنا والليالي = ماهي على خبرك وخبري من اعوام
كلش تغير واصبح الشي غالي = إلا الرجل قيمته تنزل للقدام
والبوم حلق فوق شمخ الجبالي= والحر من جوعه غدا كومة عظام
في وقت فيه البعض شبه انعزالي= وبعضٍ وصل بالمكر لو كان خدام
احيانٍ اضحك غصب مما جرى لي= واحيانٍ اكتم عبرتي مثل الايتام
لاشفت كيف الوضع ياخوك تالي= تحكموا فيه الخكارى والاشوام
متسترينٍ خلف بعض الثعالي= اللي لهم في الخبث صولات وإقدام
وابن الوطن عايش على هملالي= محدٍ يبي قربه ولو كان ضرغام
يجوع يعرى لو سكن بالصوالي = ولا من سرق خبزه فهو سيد الاجرام
ادري ولي الأمر ماهوب سالي= ولو هو درى بالأمر للظلم لطام
لكنْ بعَض من كلفوا بالمجالي = كلٍ لنفسه والأقارب بلا لجام
ولا جاه من جيبه من القرش خالي= ان كان وصله فالعذر مايبي افهام
مابه وظايف والنقص والخمالي= مهوب مني فانتظر عام واعوام
ولا من لفى من شيعته والخوالي= بامر الولي تظهر وظايف بالاكوام
لو كنت مسؤولٍ لاشيل الثقالي= واطهر الديره من اوباش وخمام
واقطع يدين اللي فساده بدالي= والاجنبي في الباخره دون إعلام
لكن ربك عالمٍ عن حوالي = اليد قصيره والفكر فاق الاحلام[/poem]

رد على: يابوسعد ايامنا والليالي
 

تسلم تسلم مليون مره اخي الطائر المهاجر
على هل الكلمات الزينه
لك من القلب التحيه والتقدير

رد على: يابوسعد ايامنا والليالي
 

الله يعطيك العافيه

حاضر الابداع
نص رائع رائع

كل الود

رد: يابوسعد ايامنا والليالي
 

صح لسانك
ابيات رائعه وفي الصميم الله يعافيك
بس
وش هقوتك بالمقبلات التوالي000ننعم بها والا هواها يجي سام
يلقى بها الجيل الجديد المجالي000والا تصير احلامهم كلها اوهام

تحياتي

رد: يابوسعد ايامنا والليالي
 

[font=Comic Sans MS]
[size=6]
[color=#8B0000]
* * *


صح لسانك

نص رااقي

بس الشطر هذا يحتاج اعادة نظر

((لكن بعَـض مـن كلفـوا بالمجالـي ))

ولا يقلل من روعتها

كل الود[/color][/size][/font]

رد: يابوسعد ايامنا والليالي
 

[QUOTE=عبدالله السهلي;347904][font=Comic Sans MS]
[size=6]
[color=#8B0000]
* * *


صح لسانك

نص رااقي

بس الشطر هذا يحتاج اعادة نظر

((لكن بعَـض مـن كلفـوا بالمجالـي ))

ولا يقلل من روعتها

كل الود[/color][/size][/font][/QUOTE]


هلا بك اخي عبدالله
اذا نطقت "بعَض" بفتح العين ، كما كتبتهاونطقت لكن بتسكين النون فهو سليم
شكرا لك
تحياتي

رد: يابوسعد ايامنا والليالي
 

الطائر المهاجر
صح لسانك
قصيدة تعبر عن مكنون كل شخص يرى ولايستطيع الحراك
الله كريم وهو سبحانه كفيل بعبيده

تحياتي

رد على: يابوسعد ايامنا والليالي
 

والبوم حلق فوق شمخ الجبالي==== والحر من جوعه غدى كومة عظام
ياسلام يادكتور ابداع في ابداع ربي يسلمك صح السانك قصيده في منتهى الروعه تقبل ودي وتقديري استاذي

رد: يابوسعد ايامنا والليالي
 

اشكرك جدا على هذه الكلمات

يعجز لساني على وصفها

لما تتميز به من روعه وإبداع

رد: يابوسعد ايامنا والليالي
 

لاهنت ولاهان مغليك

صح لسانك مليون

تحيتي لك