القصيـد الـوارد الحسـاس
 

بعد غيابي لفتره من الزمن

ارجو ان يشفع لي الحظور بهذه المشارك البسيطه.

ارسل لي فهد نجد صاحب موقع ...... هذه الابيات:




[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

على عادتك يا منصور ابن جدعان تاج الراس=وانا ياتاج راسي لو مدحتك من صطـا راسـي
تحاول تثري الموقع بلولك والذهـب والمـاس=وتحري بالذهب واللـول والياقـوت والماسـي
وتتعب للنشامـا بالظفـر والطيـب والنومـاس=وتعزم كل نشمي له مع اهل الطيـب نوماسـي
ويكفيني شبيب امقلط الطرقـي كريـم السـاس=بنوك القاف والشيلات لقفـا الجاحـد الناسـي

وكان ردي:

انا لا قلت ابا اكب القصيـد الـوارد الحسـاس=وابا اصلي واصوم ولا يقال الشيـخ حساسـي
عرض لي واحد[ ن ]كنه بقلبي يدخل الأمـواس=وسبب مشكله بين الضلـوع الحـدب وانفاسـي
وحرك خامد البركان ليـن ايضايـق الانفـاس=ويرسـل للمخيـخ وللمشاعر[رمـز] منحاسـي
وتصير المشكله صعبه ومن راس السماء للساس=ثمان امية ذلـول وفوقهـا فـارس وعساسـي
يقولون الطلب وش هو ونار الحرب من مقباس=وقوات الطواري قدمهم تضـرب بالاجراسـي
وقلت الوضع هين وامتهان الحاسـد الوسـواس=نبي ناخذ مع اهل القاف والاشعـار مرواسـي
ودخلت المجلس اللي ما يجونه زمرة الانجـاس=وقلطت الجميـع وريحـو واخبـرت جلاسـي
عن اسباب البيوت وفكرها والخاطر الهجـاس=وكيف اصبح حقيقه يا عرب فكري وهوجاسـي
هذا دايم هو الحاصل مع اصناف البشر والناس=واعود للقرار اللـي اخذتـه والسبـب ناسـي
وعصر اليوم غير اللي تعودتـه ولـو ينقـاس=يعجز كل مرصـد قوتـه مـا هيـب تنقاسـي
شعور ونظم في بوك الحكم مع سالفة عسـاس=يبي نبـت الربيـع وللوفـا والطيـب نساسـي
اخو وتاج راسي يا حزامي ما يجيـك البـاس=وان سالم ومتعافي ولـي حيلـه مـع الباسـي
ومهما قلت مهما قلت يبقـا الفـارس الفـراس=يحوش المرجله والطيب فوق اظهور الافراسـي
بذلنا واجتهدنا وانتشـرف والرجـال اجنـاس=عسانا الله يافهـد يكفـي بلدنـا شرالاجناسـي[/poem]

الشاعر بن جدعان
مصافحة بعد عوده ولا أروع
وصح لسانك ولسان فهد والله لايهينكم
تشرفت بمصافحتهما

تحياتي

الله عليكم

صح لسانك ولسان صاحبك .. ابدعتوا سلم منطوقكم ،،

الشاعر ابن جدعان

صح لسااانك

قصيده راائعه

صح لسانك اخوي الشاعر بن جدعان قصيدة جزلة
تحياتي

صوت وصدى من شاعرين كبيرين
صح لسانك يابن جدعان ولايهون فهد نجد
هذا دايم هو الحاصل مع اصناف البشر والناس
واعود للقرار اللـي اخذتـه والسبـب ناسـي
انا لا قلت ابا اكب القصيـد الـوارد الحسـاس
وابا اصلي واصوم ولا يقال الشيـخ حساسـي

لي عودة تليق بهذا المقام
تحياتي الطيبة

شامختين راقيتين

لله درك يابعدي كم انت جزل وبيض الله وجهك


سهيل

صح لسانك ولسان الشاعر فهد نجد

لاهنت ولاهان قافك الجزل

ابن جدعان
صح لسانك ولسان فهد نجد
صوت وصدى راقيين


تحياتي واحترامي

صح لسااااانك

قصيده جميله


تحياتي لك