حظك اذا من طاب خلاك باشابالصوت)
 

كيبورديه...
[RAMS]http://up.ftahilah.com/up/uploads/Mine/7udhuk.rm [/RAMS]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
حظك الى من طاب خلاك باشا = تكسب ولو بعت الهوى في الخياشا
واليا تردّى سكنك بالعشاشا = ولا انتاب سالم من مسلف وديّان
مثلك كثير كان حظك تردى = فانظر لغيرك لا بنفسك تبدى
وان كان تفطر ثم بعده تغدى = فالبعض طول اليوم بالشمس جيعان
لكن بعضنا ما يخلي الشكاوي = يبي حظيظه دايم بالهقاوي
واليا نعس فتره يقيم الدعاوي = ويمكن يدور له محامي وفنان
كل هالكلام اللي مضى من نقاشا= اقردن لحظي واقول انت باشا
لوك تحرك تنتهض بانتعاشا = ان كان حالي غير ماصرت غلبان
ناظر بطرف العين بالوضع باحل= ما اظن شايفني فانا عود ناحل
لا ني مدينه لا ولا ني سواحل = وهو البحر ما هاب قرش وحيتان
قال القراده فيك من يوم ماجيت= ويوم اني خاويتك على حالي اجنيت
ليت انني مولود مع سير "بلقيت"= احسن ولا من اسمه اليوم عثمان
زعلت من هرجه ولا بي هواشا = خذت العصا والحقه فيني ارتعاشا
يالعنبو حيه خدمته بلاشا = طول العمر شايله ماقلت تعبان
انحاش للهيئة وقال انقذوني = هذا يسب الحظ صابه جنوني
قالوا تسب الحظ تنسى المنوني= وهذا حرام صرف ماعنه غفران
لابد من تطهير لابد تجلد = وإلا ترى في النار رايح تخلد
قلت العفو للجلد وقت محدد= قالوا نعم لا من وصلنا ابو فلان
واطمر ابي انحاش قبل ابتلاشا= واحس شئ في عيوني فلاشا
واثري صقعت بحافةٍ للفراشا = وصحيت من نومي على صوت الآذان[/poem]

رد على: انا وحظي والهيئة...
 

صح لسانك مليون ولايكفون
كعادتك شاعرنا العلم / المشرف العام
الابدااااااااااااااااااااع :
ولا غير الابداع أجده في هذا النص
وكل نصوصك الشعرية الجميله
سجل إعجابي القديم
وتفضل بقبول تحياتي
أخوك / بن ماضي

رد على: انا وحظي والهيئة...
 

صح لسانك تراهم صدق ناشبين , أنا اشوفهم بالحلم , كنهم مدري وشلون اوصفهم لكن خلاص بلغ السيل الزبى لازم يشوفون لهم حل كن مافيه مسلمين إلا هم.

رد على: انا وحظي والهيئة...
 

الطائر المهاجر
صح لسانك
وبيض الله وجهك
هادفه بغلاف فكاهي

تحياتي

رد على: انا وحظي والهيئة...
 

الطائر المهاجر
صح لسانك بلاعدد
وتسلم لنا يمناك ياغالي
دمت بود

رد على: انا وحظي والهيئة...
 

صح لسانك يابوعبدالله
مبدع يابعدي
لاهان راسك

رد على: انا وحظي والهيئة...
 

الطائر المهاجر

صح لسانك

واعتلا شانك

ولاهنت

لله درك

لك التحيه

اخوك

رد على: انا وحظي والهيئة...
 

الاستاذ القدير/ ابو عبدالله

مروبعه استحقت البقاء درر استاذي سلم فكرك وصح لســـــــــــــــانك

ودي وتقديري

حمد العيد

رد على: انا وحظي والهيئة...
 

ابو عبد الله لاهنت ومتعودين منك الزين
قصيدة هادفه مغلفه وذات مغزى
لاشك سأعيد قراءتها وقراءة المداخلات فقد يظهر لي ما استعجم
لك كل الود وعاطر التحايا

رد على: انا وحظي والهيئة...
 

ابو عبدالله

ابداع


ابداع

وامتاع


لاهنت على اتحافنا

وبيسلم قلبك وفكرك الراقي


مودتي

رد على: انا وحظي والهيئة...
 

ابو عبدالله

شاعرنا المبدع والرائع / عثمان العبدالله

قصيده جميله ورائعه من شاعر يجعلك تبحر معه في قصائده اما بجزالتها وقوة معانيه او بفكاهيتها وروعة صياغتها

شاعر يطوع الكلمات والحروف

سلمت وصح السانك

يعطيك الف عافيه

اخوك ابراهيم السنيدي

رد على: انا وحظي والهيئة...
 

الله عليك الله الله
ابدااع بيض الله وجهك
كالعاده احضان الابداع ترتمي لاحضان الجزاله
لانتاج قصيده يقودها عثمان العبدالله

يعطيك الف عافيه ........
اختك بنت القصيد .........

رد على: انا وحظي والهيئة...
 

صح لسانك اخي المشرف
قصيدة هادفه ورااائعه
لاهان راسك
سلمت وسلم شعرك
دمت بخير

رد على: انا وحظي والهيئة...
 

جزاله وحبكه راقيه من فنان ومبدع وجزل

سلمت وسلم فكرك

وان كان تفطـر ثـم بعـده تغـدى
فالبعض طول اليوم بالشمس جيعـان

رد على: انا وحظي والهيئة...
 

[quote=ليبرالي]صح لسانك تراهم صدق ناشبين , أنا اشوفهم بالحلم , كنهم مدري وشلون اوصفهم لكن خلاص بلغ السيل الزبى لازم يشوفون لهم حل كن مافيه مسلمين إلا هم.[/quote]


للأسف أشوفك متحامل على الهيئة يالحلو...

يكفي أنهم يصدون أهل الطياشه والصياعة ... وعليهم أخطاء مثلهم مثل غيرهم

***********وقصيدة المشرف ما أشوف فيها شيء يخليك تسبهم وتشتم فيهم

كلها حلوه من أولها لآخرها

وتحية للجميع من اعماق قلبي

رد على: انا وحظي والهيئة...
 

القصيدة في قسم الشعر الكوميدي
تحاول ان تعالج عدة امور ولكن بأسلوب كوميدي
تذمر البعض من الحظ وان كانوا في وضع جيد مقارنة بغيرهم
عدم ادراكهم لما يجري في مجتمعات كثيرة
ان سب الحظ لايجوز ، وأن علينا الإيمان بالقضاء والقدر
مداعبة بين الحظ وصاحبه
مزج كل هذه الأفكار
واخيرا التنبيه على ان ذلك كله لم يكن إلا حلم

موضوع الهيئة وايجابياتها الكثيرة بغض النظر عن بعض السلبيات البسيطة
ليس الهدف من الموضوع ، فدخلها هنا كجهة شرعية لتوضيح ان سب الحظ
لايجوز حيث على المسلم تقبل ما يجري له بصدر رحب واحتساب الأجر والثواب

رد على: انا وحظي والهيئة...
 

الطائر المهاجر
صح لسانك مليون ولا يكفون
قصيدة جزلة
تسلم لنا اناملك ودمت ولا هنت

رد على: انا وحظي والهيئة...
 

صح لسانك على هذه الرائعه



وسلمت يمينك 00



تحياتي

رد على: انا وحظي والهيئة...
 

ابو عبدالله
صح لسانك
ولا هنت
ابدعت وامتعتنا
تحياتي لك ..

رد على: انا وحظي والهيئة...
 

زين طلع حلم
تحياتي وتقديري

رد على: انا وحظي والهيئة...
 

[font=Monotype Koufi][color=#660000][size=5]
صح لسانكـ وعلى شانك

على ما اتحفتنا به
ونحن بأنتظار ما يستجد
لديك بكل شغف
سراب الراحل
[/size][/color][/font]

رد على: انا وحظي والهيئة...
 

صح لسااانك يادكتور

كبيورديه اشبه بالخيال


سجل اعجابي

مع التقدير

رد: انا وحظي والهيئة...(بالصوت)
 

صح السانك
ولاهنت

رد: انا وحظي والهيئة...(بالصوت)
 

شكرا الطامي
على كريم المتابعه
لاهنت
تحياتي

رد: انا وحظي والهيئة...(بالصوت)
 

شكرا لكل من مر هنا
لاهنتوا
اطيب التحيه