|
للي مابعد اعرسوا نبي رايكم بصراحه
بسم الله الرحمن الرحيم
للشباب فقط فقط فقط فقط فقط فقط :eek: اللي يبون يعرسون الحين وماغير تجميع في الفلوس:mad: ابي اسألكم المهر الحين اذا اعطيتوه الحرمه كم ؟؟؟؟؟;) وش تتوقع انهم يسوون بهالمهر ؟؟؟؟:confused: هل تتوقع ان المهر يكفي او لا ؟؟؟؟ >>>>> نطالب هنا بالصراحه :D وش توقعك لليلة زواجك او كيف بتكون عندكم يالرجال ؟؟؟:( وش تتوقع اللي بيصير عند النساء ؟؟؟:( طبعا هنا نقصد حلمك في نفس الليله كيف بيكون شكلها هل تتوقع ان اهلها بيدبلون المهر لبنته لانه مايكفي او لا ؟؟؟؟:eek: :mad: :( بالطبع الحديث لا يقتصر فقط على هذا ولكن فيه الشقه والتأثيث والدهره ولكن مطالبين فقط بالرد على الاسئله:confused: في النهايه :p الى الان مصمم تعرس والا عندك شك :confused: ;) |
بالنسبه للأسئلة هذي ما أعرف إجابتها ألا إن كان أتكلم عنا حنا :
يعني أنا عندي أخت متزوجه وحده والمهر عندنا عادةً أربعين ألف في جماعتنا مدري عن غيرهم وهل بيكفي ماهوب مكفي يدبلونه مايدبلونه هذي والله ليس عندي علم بالنسبه للزواج أيه مصمم حتى الموت على قولة المحاربين خخخخخخخخخ :) وش تتخيلها : والله ما أتخيل شيء أنا إنسان واقعي أقول أحب طبع الشيبان وقهوة الضحوية وسوالف تالي النهار وشاهي العصريه واحب أروح للبر وأحب أجلس في فية النخل ولا أدري غير كذا شيء :) يعني ببساطه عايش أنا ببساطه تحياتي .. |
مع احترامي 40 الف ماتكفي اذا كان العرس من عند اهل العروس
|
والله يا شموووخ
أنا قلت هذا في جماعتنا أنا ما أدري عن غيرهم ولا أدري هل هي تكفي أو لا ؟؟ لكن هناك أتوقع شيء مهم وهو أنه ممكن العرس تصل تكلفته لمليون ويمكن تصل لعشرة الآف فالأمر نسبي يرجع لعادات كل عائلة ولعادات كل بلد ... ولكن أنا من وجهة نظري لو جاء واحد لأختي وسألت عنه ووجدت أنه ممكن أنها تعيش معه مرتاحه وسعيده وهو رجل والله لأزوجه ولو كان المهر ألف ريال لاني لا أرىة الأهميه في المال بقدر ما أراها في الرجال .. ففيه بنات تتزوج وتبذخ وفي الأخير تاكل تبن مع رجال مايسوى وبعضهن تلقينن العرس بسيط وصغير ولكن المرأة تجد رجل يكفل لها الأمان ويكفل لها السعادة ويكفل لها العيشة المرتاحه ... فالمهر في النهايه هو تعبير رمزي عن التكريم للمرأة وليس تجارة أو مسألة يكفي أو لا .. تحياتي.. |
انا ما اقولك لا حتى حنا مهورنا 40 الف وانا اقول لاهلي زيدوها والله حرام على طول تقضي
وكلها في اشياء اساسيه بعدين كيف تقول ان الفلوس ماهي مهمه طيب كيف بتلبس له ولاهل زوجها وقدام العالم كله >>>>>> بعد فيه اشياء منطقيه وحنا زواجاتنا في استراحات ومختصرف ويمكن تكلف هذيك اليله بس اكثر من 30 الف بوفيه + صبابه + حلويات + موالح + عصيرات + عود من الغالي اللي الكسره مادري بكم وبس ..... ولكن الزواجات الثانيه بعيون شايفه محد قالي يقدمون الفطاير والحلويات الناس بالعاده في صياني هذولي في اللوحات اللي تعلق على الجدران الزينه اللي اطارها ذهبي ( معروفات عاليات ) وانهم فلبينيتين ويالله يقوون يشيلونهم عشان اذا خلص الحلاو او الفطاير تتطلع الصوره ,, هذا هو البذخ احسه بس مو معقوله |
والله مدري عن عروسكم في الرياض كل شيء غالي خخخخخخخخخ :)
بس بالنسبه عندنا استراحه باربعة الآف فخمة بعد ولا قصر إذا كثر بعشرين الف وبعدين ظني القصر أو الزواج ماله دخل بالمهر على عاداتنا لأن الزواج يتكفل به الرجال والمهر يكون للمرأة كله يعني مايدخل فيه مصاريف ألا هدومها وخرابيطها في النهايه ما أعتقد بتشتري بأربعين ألف كلها ثياب ولو شرت بتكفيها سنتين وهي تلبس فيهم ومدري ليه الناس صارت تكلف أشياء ماهي يعني مهمه والبيوت والله مليانه حريم والعالم طفرانه يعني يادوب المهر ويفقون فمومهم ولاهوب معقول كل الشباب أغنياء يعني لابد من حل .. وأنا أعرف ناس كثير قسم بالله متعقدين يبون يعرسون بس مايقدر على المصاريف .. وتلقى راتبه ألف وخمسميه يعني يصبر ثم يصبر ثم يصبر ولا عاد يتحمل يخربها ويسافر ولين سافر قلنا له ليه ؟؟ ماكل الناس تقدر تصبر والعرس أصبح ضرورة في الزمن هذا والله ضرورة لأن المشاكل والأمراض والبلاوي كثرت وشبابنا دحدروا وبيدحدر الباقين أن مالحقنا عليهم .. ولكن أنا أقول أن الخاسر في النهاية البنت وأهل البنت لأن الولد بيتصرف يمين ويسار لو يتزوج هنديه بمتين ريال ويسحب على العالم لكن المشكله البنيات الله يحفظهن .. وأنا أتلكم وأنا معاشر الشباب وأعرف وش يفكرون فيه ووش مطالبهم ... الله يستر على الجميع وأن شاء الله نشوف الجميع متزوجين :) تحياتي .. |
فيما يتعلق بالمهر =========> مداخله
اكثر الرجال يبحثون عن الرجال اللي يستاهل لكن باقي الامور اعتقد انها ميسره واهم شي الانسان انه يجزم يعرس وكل شي يتيسر له وربك كريم |
تسلمين شموخ على الطرح
وبنتظار اجوبة الاعضاء |
انا توي صغير ما عندي خبره ، لكن اتوقع مع قرار تجنيس غير السعوديين ،
يبن يرخصن الحريم والمهور ، ورايح تنتشر زواجات المسيار ، ويستغنون الشباب عن هالتكاليف كلها ، كل اسبوع وله حرمه ، ويقعدن البنات في بيوت اهلهن ، منهن من تقبل مسيار ومنهن من تعجز ولا لقت رجل ..وفي النهاية يمن عليها يماني او مصري إنه ياخذها لعل وراها قروش |
المهر الحين اذا اعطيتوه الحرمه كم ؟؟؟؟؟
على حسب البنت وش تتوقع انهم يسوون بهالمهر ؟؟؟؟ ما يهمني لأنه راح يكون لهم هل تتوقع ان المهر يكفي او لا ؟؟؟؟ >>>>> نطالب هنا بالصراحه المهر بعض الأحيان يكون ذا قيمه معنويه أكثر من قيمته ماديه فـ بعض الناس يكتب في العقد رقم رمزي جداً وبسيط لأن والد العروس هو من يريد الزوج والبعض الأخر يكتب في العقد ( بأن راتب الزوجه ) من حق والدها ويكون أهم شرط لديه قبل الموافقه على العريس والذي أعرفه أنا بأن الزوج هو الذي يحدد المهر ( في حال رفض والد العروس تحديد المهر ) وليه ما يكفي المفروض إن الزوجه ما تبالغ في تجهيز نفسها وش توقعك لليلة زواجك او كيف بتكون عندكم يالرجال ؟؟؟ بصراحه مدري وش أقولك بس أستغفر الله أستغفر الله يا أنا ضحكت لين دمعت عيوني في قصور الأفراح ( إذا تزوج أحد من الشباب ) أسلم عليه وأقوله تراني أبي البشت حقك لا يضيع أو أسلم عليه وألخمه وأقول كل عام وأنت بخير أو أقول ترى البشت منشق من ورى لا تتحرك كثير ( وعلى فكره واحد معد تحرك وجلس يعرق ) يحسبني صادق وأنا من بعيد أضحك وفيه واحد الله يستر علينا وعليه في يوم عرسه لاعبه فيه أم الركب عاد خلقه أرتجف وأول مره في حياتي أحس إني ثابت وإلي أسلم عليه يرتجف من جد ضحكت عليه ( ومن زين الطبايع صورته بالجوال ) هههههههههههههه وش تتوقع اللي بيصير عند النساء ؟؟؟ ما أعتقد إني بأفكر فيهم لأني بأكون لاهي بعمري والله يستر طبعا هنا نقصد حلمك في نفس الليله كيف بيكون شكلها إني أوصل للبيت وألقا البشت موب متعرفط ههههههههههههههههههههههههههههههه هل تتوقع ان اهلها بيدبلون المهر لبنته لانه مايكفي او لا ؟؟؟؟ لا ما أظن وبعدين أنا ودي أعرف وشو له التكّاليف في تجهيز العروس ؟؟ بالنسبه لي أتمنى أخذها بخلاقينها ويكون العرس بسيط جداً ( عائلي ) مو عشان الفلوس لا بس عشان إحنا ( العروسين ) نكون مرتاحين نفسياً وما نشيل هم المعازيم لكن إذا العروس مصّر على عرس ماعندي مشكله ردود سريعه : أخوي إبراهيم السنيدي [quote]اكثر الرجال يبحثون عن الرجال اللي يستاهل [/quote] هذاك أول موب ألحين ذيب سنافي : [quote]وأنا أعرف ناس كثير قسم بالله متعقدين يبون يعرسون بس مايقدر على المصاريف .. وتلقى راتبه ألف وخمسميه يعني يصبر ثم يصبر ثم يصبر ولا عاد يتحمل يخربها ويسافر ولين سافر قلنا له ليه ؟؟[/quote] يا كثرهم والله أنا أشهد وألحين طاحوا في حركة البرنتات لسفريات المتقدم لبنتهم طيب هذا إلي راتبه ألف وخمس وشوله يتزوج ما يدري إنه غير مسموح له ولازم يكون راتبه على الأقل 15 ألف ؟؟ المفروض ينسجن أو يقص راسه في الصفا قليل الأدب راتبه 1500 ويبي يتزوج ؟؟ المشرف العام : ومن يقولك إنه ممنوع زواج الأجنبي من سعوديه ؟؟ أوه ويا كثرهم ألحين لا ومن زين الطبايع فيه قناه نسيت أسمها تزوج العالم ويا كثر المصاريه إلي يبون سعوديات ( يحسبون حريمنا كلهن مدرسات ) هههههههههههههه بالنسبه لـ شموخ سدير : طيب وأنا أخوك تخيلي إنك ولد وتبين الستر وتكونين أسره وتبين تعتمدين على نفسك وتدفعين كل شيء في عرسك ومتوظفه بوظيفه راتبها 4 آلاف ريال كيف بتقدري تتحملي كل هـ التكاليف إلي أنتي ذكرتيها فوق ؟؟؟ يعني على كلامك راح تاخذي قروض وسلفيات وتحملي نفسك ديون كثيره وبكذا راح تتعب نفسيتك وراح تلعني اليوم إلي فكرتي فيه بالزواج عشان كذا في المهر أبو البنت أكيد راح يقدر وضع الزوج ( وصدقيني أغلبهم متفهمين جداً ) لدرجه إن أبو البنت يدفع من فلوسه لو قصر شيء شيء أخير ترى الزواج ستر لـ الطرفين الرجل والمرأه وليس ذا طابع مادي بحت أو وسيله لـ التفاخر بين الأسر أو الفتيات بأن مهرها أعلى من الأخرى ...... إلخ من التفكير السخيف الهدف الأساسي من الزواج هو الإستقرار وأفضله هو تفاهم الزوجين في كل شيء ( مجرد رأي شخصي ) تحياتي وإحترامي للجميع أخوكم كماند |
اختي شموخ صح انك كتبتي ان الموضوع لشباب فقط ..........
ولاكن لدي وجهة نظر اتمنى ان تقبليها ............ للاسف نحن في زمن كثر فيه اصحاب النقود وقل فيه اصحاب العقول والرجال الذين يستحقون ان يقال انهم رجال حتى ,,,,,,ولا يسوون السياره الي يركبونها ولا الثوب الي يلبسونه ,,,,,,,,, يؤسفني عندما نفكر لبداية الحياة الزوجيه بنظره ماديه ,,,,,,,,,المهر ما هو الى شيء رمزي يقدم للمرأه كاهديه ,,,, فهي ليست تباع حتى يغالى بسعرها ,,,,,,,,,, عندما يأتي الشاب ذو الاخلاق والرجوله والسنع والمسنع نقوله يالله كم المهر ؟؟!!!!!ولا والله زود فلوسك شويه !!! اسمحيلي اختي ,,,,,,, اكبر العوائل الان واعرفهم تمام المعرفه يشترون الرجال ولا ياخذون من المهر ولا ريال ولا يهمهم اصلا ,,,,,,,,,تعرفين ليش ,,,,,,,,, لان شبابنا الان رواتبهم قليله ,,,,,, فرص العمل قليله ,,,,,, لا يريدون من هذا الشاب الذي سيصبح اخا لهم يعاني من بداية حياته من قروض وسلفات ,,,,,,,,,, -------- وعن نفسي ,,,,لو جاء لبنتي رجال سنع والله ما راح اتشرط عليه لاني انا الكسبانه |,,,بكسب سعادة بنتي مو نقد حريم يجون يوسعون صدورهم 3ساعات واكل وشرب ونقد وهذا شين وهذا مو مناسب ,,,,,,,,وكله على حسابي ولا حساب هالرجال ,,,,,,,,,, وحتى لو بنسوي لها عرس مستحيل نا خذه من مهرها ,,,,,,,, يعني هالالوف بتروح في ملابس وعطور واشياء كثيره ما تستخدم (من تجربه ) ,,,,,,,,,,, وشكرا |
إلا وين شموخ سدير ؟؟؟؟؟؟؟
ترى الموضوع نقاش وحوار وكل واحد يقول رايه إلي هو مقتنع فيه 0000000000000000000000000 تحياتي كماند |
انا بقول نقطه وحده
بخصووص المهر يكفيها ولا لا ؟؟ شوفوا السوووق والاسعار غالليه نااار يعني 1000 ريال بيجيب بلوزه فقط و500 اذا بغت بدي فقط واحسبوا عاد انتم ولا فساتين السهره والزواجات بالالالاف وفستنان الزواج الكبيـــــر اقل شي اتوقع 5000 اذا كان ساده فقط بدون شك يالله خلص المهر ..... كل شي نار في نااار يعني لو بتزيد المهر من عندك خير وبركه لمصلحتك انك تزيد المهر عشان تكشخ زوجتك خخخخ يووه ونسيت المكيااااااج واطقم النوم واطقم الحمام و ... و .... وش كثر الاغراض يالله بس وظالمينا يقولون غلاء المهوور هو كله عشانكم :) |
بسم الله وبعد :
أخيتي الخيالة كلام سليم ... أنا بتكلم عن عادتنا حنا .. عادتنا أن المرأة مهرها لها كامل وأي مصاريف أخرى مالها دخل فيه ... والعرس على الرجال يعني الزوج بل حتى لو كان الزواج عائلي فإن الي يجيب الذبايح والي يتقضى لبيت أهل الزوجه هو الزوج يعني البنت وأهلها مايعرفون شيء ... وتخيلي العرس... وبتجيب ذهب........ وزود على هذا كله بتجيب مهر ........وزود على هذا بتسافر بها تمشيها وبعض الناس يشترط السفر........ شوفي المصاريف ذي كلها على الرجال .. =============================================================== أختي الفاضلة ميلاد ... بالله ابسألك لو كنتي الرجال وبتدفعين كل هذا بالله ماتشيلين الهموم ... وأما مسألة زيادة المهر وأنه كلها لنا فهذه والله النشبه ... لأني ما أعتقد في شيء يجمل المرأة أكثر من جمال روحها وطيب معشرها والله لو تلبس خياشة بس أنها طيبه مع الرجال وتقدره وتلاطفه وربي وربي وربي أن كان الرجال بما تعنيه الكلمة رجال والله أن يحبها ويموت فيها ولاراح يهمه تلبس فستان 500 كله خيطين لو تصلحه في البيت ماكلف 10 ريال... يعني الواحد كم بقى في عمره علشان ينتظر ماعاد بقى في العمر شيء والحياة حلاتها وأنت توك صغير وأنا أتكلم عن غيري ...أما أنا شيبت يعني لو افحط الحين ماظنتي اتزوج ماعندي قدره نهائياً حاولت يمين ويسار ماقدرت والحمدالله الي عصمنا لا طحنا في سفر ولا لف ودوران وهذا من الله ونسيت حاجه ... على فكرة المهر وربي أن المبلغ المتعارف عليه في كثير من العوائل زين ولا فيه نقص وأما الأسعار المبالغ فيها والي تقولينها ياأخت ميلاد هذي موجوده نعم لكن صدقيني أنتم يالحريم لين شفتوا الغالي انهبلتوا ما اقوله بخل لا .. لكن الحرمه لين جت تتزوج ومعها فلوس قامت تشتري وتطب ماتسمي في أشياء غالية وهي وربي حتى الحلا مافيها حلا أقصد الملابس .. يعني أنا وديت أهلي وقسم بالله تكسر رجلي ما أعجبهم شيء موب لأنه غالي بس لأن مايلقون شيء زين ... وأقولهم الحين هذي ماركات وغاليه بذيك الأقيام ورى ماتتشترون يجاوبوني حنا مايهمنا ماركات حنا يهمنا شيء يكون ذوق يعني شيء حلو .. بس أخوان النساء حفظهم الله يطبن في الماركات ولا يسمن بالله يحسبنها هي أهم شيء علشان الفشخرة قدام الناس .. وأما مسألة كل هذا علشان الزوج فهذا موب صحيح ... لأن الزوج مايبي كل هالخرابيط يبي بس ريحة بنت يعني لين شافها ماعاد هامه لاوش لابسه ولا وش اشترت ... لهذا دعوى أنها علشان الزوج ليست صحيحه .. وصدق الرسول صلى الله عليه وسلم يوم قال ((اكثر النساء بركة ايسرهن مهرا))أو كما قال صلى الله عليه وسلم يعني لو لاحظنا الأولين وش مهورهم ماهيب شيء وتجد الحرمة تمغط تصير مويه من كبر السن وهي زوجها يحبها ويسولف وياها عايشين مبسوطين وبعدين في الوقت الحاضر منتشر بين الحريم ربطوه في الشمس يقصدون الرجال ودقوه بالمهر والشروط علشان مايعرس على بنتنا وياكل تبن الزوج وبكرة يزهق يبيعها بتراب يطخ المرة الثانيه ويخلي الأمور تواسى يعني الرجال مايملكه أحد ولا عليه ضمانه أني لين حطيت عليه مهر خلاص موب طاير .. لكن الضمانه الوحيده مع الرجال (واتكلم عن الرجال الي ونعم دين وخلق ) هو طيبة المعشر والمرأة الي تخاف الله فيه وتحرص عليه وتحنه وربي وربي أنها يشيلها فوق راسه ..بس وين الي يفهمون ... ========================== آسف على الإطالة انجرفت في الحديث وأحس فيه باقي كلام كثير بس هذا يكفي خخخخخخخخخ :) تحياتي .. |
شوفوا السوووق والاسعار غالليه نااار يعني 1000 ريال بيجيب بلوزه فقط
و500 اذا بغت بدي فقط واحسبوا عاد انتم ولا فساتين السهره والزواجات بالالالاف وفستنان الزواج الكبيـــــر اقل شي اتوقع 5000 اذا كان ساده فقط بدون شك __________________________ حبيبتي ميلاد ,,,,,,,معليش اسعارك بالريال ولا باليره ,,,,,,,,,,,,,, الان اسواقنا امتلئت بالماركات العالميه بارخص الاسعار وهذي حقيقه لابد ان نراها قبل عشر سنين وقبل ما تنتشر عندنا الماركات كانت الاسعار اغلى من الان ,,,,,,,,,,,,, اما الحين الاسواق التجاريه من المملكه الى البديعه مول كلها ماركات تجنن واسعارها مره حلوه وفي التخفيضات تصير اقو واقل ,,,,,,,,,, العروس لما تجهز الان ينحصر تجهيزها على اشياء ابسط واقل من اول لان السوق صار يتجدد كل شهر ويسوون تخفيضات كل شهرين ,,,,,, وعلى فساتين السهره الواحده ماتشتري الى اثنين ثلاثه بالكثير ,,,,,,,,, وبعيدا عن الاسواق ,,,,,,,,,,مو حرام ان الوحده تشتري بلوزه ب1000 ريال ورجلها قاعد يكرف له شهر عشان يطلع راتب تكون الالف ربعه او نصفه ,,,,,,,,,,,,! لازم نشوف الحياه بعقل مو قال وين قال معاك ............صح ان فيه محلات ما تبيع الى بامهات الاصفار وانا بصدق كنت من مرتادينها قبل ما اتزوج ولا احسب لريال ,,,,,,,,,,لاكن بعد ما تزوجت وصار المصروف بيدي صرت استكثر هالاصفار لانه وجد عنها بدائل بافضل من القيمه والجوده والشكل ......... ------------------------- |
أخيتي الخيالة ..
تصيحين ولا تقعدين ماحد حولك ولا يعجبهم كلامك :) لكن إذا تزوجوا بيعرفون أن المهم الزوج مش المهم المال والصرف لأن السعاده ماهي في الملبس لكن السعادة هي في الصدر الحنون والرجال الي يخاف الله في المرأة .. وإذا يبن يعرفن الحق يسألن البنات الي فاتهن قطار الزواج مع أعتراضي على مسألة الفوات هذي لكن يسألن هل يتمنين زوج ولو بخاتم من حديد ولا لا ... لكن من يفهم ومن يعقل الله يصلحني ويصلح جميع المسلمين .. تحياتي .. |
عفوآ دكتور عثمان كلامك يحسسني بأننا ولاشي وما اتوقع لوكانت أختك او بنتك ما راح ترضى لها بهالخاتمه..
أما بالنسبه للمهور أنا اعرف رجال قلال اصل لما أهل البنت يرحمونه ويشترون رجال ويرخصون المهر بعد سنتين بالكثير يتزوج على بنتهم.. ومو معناة كلامي أنقاص للبقية الرجال لأن فيه رجال يستاهلون ينقال عنهم رجال وفي رجال حرام ينقال عنهم رجال. بنت السلطان |
[quote=بنت السلطان]عفوآ دكتور عثمان كلامك يحسسني بأننا ولاشي وما اتوقع لوكانت أختك او بنتك ما راح ترضى لها بهالخاتمه..
أما بالنسبه للمهور أنا اعرف رجال قلال اصل لما أهل البنت يرحمونه ويشترون رجال ويرخصون المهر بعد سنتين بالكثير يتزوج على بنتهم.. ومو معناة كلامي أنقاص للبقية الرجال لأن فيه رجال يستاهلون ينقال عنهم رجال وفي رجال حرام ينقال عنهم رجال. بنت السلطان[/quote] عفواً اختي الكريمة انا ماقلت بأنكم ولاشئ ، ولكن الواقع يقول ، إن البيوت مليانه بالعنس ، بسبب كثرة تشرط البنت واهلها ، وصدهم للرجاجيل ، والبنت ورده لها سنوات معينة ، ثم تذبل ، فلا بد ان تحتاط ، وتعرف إن كثرة التشرطات معناه صدود الرجاجيل عنها . فالرجل بدينه واخلاقه وعقله وليس بما يستطيع توفيره ، وانتذكر قول المصطفى عليه أفضل الصلاة والسلام : التمس ولو خاتما من حديد. ما استشهدي به من وجود رجال قليلين أصل وخاتمه امور استثنائية، قد يكونوا من الفقراء وقد يكونوا من العوائل الغنيةفالرجال ليس على جباههم وسم . والشابة التي يكون طموحها تقليد فلانة او فلانه من الزميلات او القريبات او المعارف ، في المهر والشبكه والحفلة وغيرها ، ناقصة عقل ، ويتبغي لولي أمرها ، إذا كان عاقلاً ، أن يختار لها واذا لزم الأمر يساعد من جيبه الخاص لإتمام مراسم الزواج ، في حفل عائلي بسيط . وما اوحيت به من افكار هو فقط لإيقاظ الوعي إلى مشكلة البنت والأهل اساسها. ولكن هذا لايعني أن يرمي ولي الأمر ابنته على من لايستطيع الإنفاق على نفسه وعلى زوجته وأولاده اذا اتوا ، وليس لديه الطموح والجدية لتحسين اوضاعه ، فمثل هذا تركه من البداية. |
ذيب كلامك حلو وانا بس قصدت ان الوحده لما تتزوج بتتجهز تجهيز كامل لملابسها واغراضها
وطبعا اغراض المرأه كثيررره ما تخلص واذا الرجل قبل فيها ولو لابسه خيشه ..... اهله وجماعته ماراح يتركونها لحالها وخاصه انها عروس والعيووون عليها ((( شفتي مره فلالالان وراها لابسه كذا ,,, ملابسها قروويه ,,, شنطتها مو ماركه شكلها ب10 ريال ,,,مكياجها محيوس وراها ماراحت لكوافيره ,,, وووو ,,, ,, ))) وكل هالكلام حقيقي انقال لصديقتي ... وانا ما قصدت افور دمك خخخخ شكللك ودك تصطرني :) اما للخياله فهو بالريال ياقلبي وش ليره وشكرا على ردودكم عليّ وبالنسبه لي انا ما اطالب بغلاء المهور بس ابي اوضح لكم ان بعض المهوور ما تكفي لاغراضها وكثيير صار لهم هالشيء وبـــس |
الاخت ميلاد ...
وش دعوى أصطرك استغفر الله بس .. لا والله لاودي أصطرك ولا شيء وحنا نتحاور يعني احنا في موضع عقل وتفاهم وكلام بالحسنى ولسنا في موضع طقاق :) وبعدين يابنت الأجواد أنا يوم قلت الكلام الي قلته موب قصدي أني ضد المهر العالي بالعكس أنا والله العظيم ودي أن عندي مال ولين جيت أتزوج وأنا عندي مال والله مهر زوجتي بإذن الله مايقل عن 100.000ألف ريال بس أنا أتكلم عن الحاله العامه كل الشباب طفارى مافيه عندهم فلوس والسبب الحاله الي وصلنا لها في بلد البترول ناس تملك مليارات وناس ماتلقى تاكل ... لهذا أن استمرت الحال على كذا وكل واحد إذا جاء يتزوج يخاف من كلام الناس والله أن تمتلي البيوت عوانس وأن تكثر المصايب والمشاكل ...والسبب الغلاء وليس في المهور بل المغالاة في كل شيء حتى في الحفلات حتى في الكم الهائل من العزايم الي يتكفل بها الزوج المسكين بعد العرس ذبايح وبوفيهات وخرابيط ... والرسول صلى الله عليه وسلم يقول (( إذا أتاكم من ترضون دينه وأمانته فزوجوه (وفي روايه دينه وخلقه ) إن لا تفعلوا تكن فتنة وفساد عريض))وهذا في روايه أيضاً... أو كما قال صلى الله عليه وسلم يابنت الاجواد المسألة أكبر من مهر وأكبر مني ومنك ... المسألة مسألة مجتمع يكاد ينفجر من النفاق الإجتماعي على حساب النفس .. مجتمع يخاف من بعضه يسرف ويسوي المصايب بس أهم شيء لا يشوفني فلان أو فلتان .. يا أوخيتي ياميلاد ... وربي أني ما أكتب هذا وأنا ضايق لا والله وربي بالعكس أكتبه وأنا هادي الأعصاب بس حبيت أبين لك أن الأمر كبيرد وخلينا نفترض أن أمرأة لقت رجل أحلامها بيعطيها مهر كبير وببيض وجهها قدام الناس بالماركات وخلافه وبيحط البوفيهات والعزايم وكل شيء ومعه سيارة أغلى نوع وفيلا وكل شيء زين .. ثم صار مريض يعني يضرب المرأة وراعي بلاوي بالله بترتاح معه المرأة أو لنفترض أن كل المواصفات السابقه فيه وأيضاً أخلاق وطيب هل من المعقول أن كل شباب المجتمع مثله ويملكون مثل مايملك ... إذن في النهايه لابد أن نقر أن الزواج يجب أن يبنى على شخصية الرجل المتقدم للبنت حتى وأن كان فقير وهو قادر على تحمل المسؤوليه وعلى إسعاد البنت وأنا من الناس لو عندي أخت للزواج وخطبها شخص أعرف أنه كفو وربي لأزوجها إياه وأعطيه إياه ببشتها ياخذها ويصلح وياه ... شكراً تحياتي .. |
[QUOTE=شموخ سدير]بسم الله الرحمن الرحيم
للشباب فقط فقط فقط فقط فقط فقط :eek: :confused: ;)[/QUOTE] [COLOR="RoyalBlue"] هلا بشموخ انا تابعت الموضوع الله العالم من قبل ماتنزلينه ولا تفاعلت لسبب بسيط انك مخصصته للشباب وانا في نظرك شايب ;) عشان كذا ما حبيت اتطفل:p [/COLOR] |
موضوع جميل انا بصرحة ماعندي فكرة في الزواج واذا فكرت يهمني تثييت الموضوع للرجوع اليه سلمتي اختي وسامحونا
|
السلام عليكم ورحمة الله وبركاته
ردي على الموضوع أرجو أنويكون مفيد---------------------- أولاً-- سبب غلاء المهور هوتسليم الأمور بيدالنساء وتقص وتفصل علىكيفها ولاتكون فلانة أحسن منها؟؟!!! ثانياً---الكل يريدالظهور بأعلى من مستواه ويقولون الناس عنه إنه مأحد زيه ؟؟!!! والليل على هذا أغلب الزواجات إللي تروحون لها تلاقي الحلى والموالح والبوفيهات دائماًللنساء فقط والرجال --رز ولحم وسلطة وجريش إن كثرو <<<مساكين مع إن كل شيء من جيوبهم ويقولون لك يخب عليهم هذا زين إننا نادينا الرجال ماقلنا حريم وبس زي غيرنا ؟؟؟!!!! ----------------------------------------------------------- من ناحيتنا أبوي مزوجنا ناس مستواهم عادي وفي بداية حياتهم ويرد الأغنياء ماأدري ليه ؟؟؟!!! وأبوي له مبدأخذوهم فقراء يغنيهم الله يمكن يبي الوحدة تحس بقيمة القرش وتعب الزوج وهويجمعه وتدري إن الدنيا ماهي سهلة ومبدأ آخر عند أبوي وهو زوجوهم وعينو على أرزاقهم ؟؟؟!!!! وفي النهاية أقول أن القيمة الحقيقية للرجل والمرأة تكون في أخلاقهم وإنسانيتهم أولاً وأخيراً وماعدا ذلك فهو قشور زائفة ومظاهر كاذبة في أغلب الأوقات ؟؟؟؟؟؟؟!!!!!!!!!!!!!!!!!!! |
أنا والله من زمان ما أعرست ولا زلت شاب مابعد طفيت ههههههههههه
بس مالي حق أشارك أحس انك ماتبيني أشارك مجرد مشاركه تحياتي |
آخر الأخبار تقول مؤسسة سعودية خيرية تزوج الشباب المستعد للزواج بلاش ، فقط يجهز الشقة
وعليهم الباقي ..جزاهم الله خير ... |
شكراً لك
تحياتي |
| الساعة الآن 06:36 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة