كشكول لجين
 

[SIZE="2"][FONT="Tahoma"][COLOR="Sienna"]

[RIGHT]ومستانسة بعد :D

ملاحظة ..

هذا الموضوع كتب من زمااااان أمممم يمكن قبل 6أسابيع تقريباً بس لظروف فنية ما قدرت أنزلة :P

نرجع للموضوع ..

آه ه ه ه ه ه نعم سقطت سقوط العظماء والمشاهير .. ما أسعدني بسقوطي مثلهم ..

تخيلوا ..

نيوتن يسقط ..

أينشتاين يسقط ..

جورج بوش يسقط ..

توم كروز يسقط ..

بيل جيتس يسقط ..

والأن أنا أسقط لأول مرة في حياتي :cool: ..

سقط .. يسقط .. سقوطاً .. ليس المعني بِه السقوط على الأرض الرطبة .. بل السقوط بالدراسة ..

القصة تبدأ من يوم "الجمعة" الساعة 10:30 pm

أمي : ورا ما تروحون تنامون بكرا وراكم مدارس .. يلا سكروا التلفزيون ونوموا ..

أنا : صح عليك يمة بكرا عندهم مدارس .. يلا يلا روحوا ناموا ..

أخواني يطالعوني بحقد ..

أمي : أقول لجين .. معليش حتى أنتي معهم قومي .. يعني ماعليش قلتي لنا بتغيبين الأسبوع الأول لأن ماعندك محاظرات .. وش يغيبك بكرا ؟ ها ؟

أنا :اههههههه .. يمة أنا مانيب مثلهم غثيثة بالقومة الصبح .. أنا نومي خفيف .. وساعتين تكفيني أنام .. و المحاظرة بكرا تبدأ 9 ..يعني لو أنام وقت ماتطلعون للمدرسة تكفيني ..

أمي : الا تعالي .. متى تطلع نتايجك ؟؟ كل المُدرسات يسألون عن نتيجتك ؟

أنا : اههههههه .. مدري يقولون في شهر 3 أو 4 تطلع النتيجة .. إيه .. صح .. وش دخلهم فيني والله من زود الميانة يسألون .. هه يوم كنت أدرس عندهم ولا وحده منهن عطتني المشاركة كاملة من زود الحبّ يسألون عني :mad: ..

طبعاً .. من زين الحظي في هذا الوقت جاني مسج من ليان .. تقول فيه ..

لجين ترا النتيجة طالعة من يوم الإربعاء .. ورا ما جيبتي تشوفينها .. وتراهم عطوا محاظرات وأخذوا حظور ..

أمي : وش بالرسالة ..

أنا : هههههههه .. الرسالة .. يمة أختاري من واحد للعشرة لتعرفين ماذا يقول أصدقائك عنك ؟ :D

أمي : أنا أختار 5 ..

وأنا قاعدة أدور الخيارات حقت الرسالة عشان أرسلها لنفسي دقت ليان .. وأمي تستنى الخيارات ..

أنا : هلا ليان .. ايه بجي .. حظرتيني بالمحاظرات .. طيب طيب .. 7 موااااااد يالظالمة .. حطمتي الرقم القياسي ..هههههههه .. أنا .. لا لا .. طيب طيب .. لا قاعدة أتابع البرايم ..إن شالله تطلع ذي المصلحجية ..أوكي .. مع السلامة ..

طبعاً .. أنهيت المكالمة وأنا خلاص متوجهة لغرفتي ..

أمي : لجييييييين ..وش تقول زميلتك ؟

أنا :ههههههههههه .. تقول انهم أخذوا محاظرات .. هههههههه ..

أمي : طيب وش سالفة السبع مواد .. ها ؟

أنا : أنا ماقلت لك .. طلعت نتايجنا :cool: ..

أمي : اهاااااااا .. أجل أنت وجههك ساقطة بـ7 مواد .. عفية عليك بنتي .. رفعتي راسي بين الخلق ..

أنا : ":"

أمي : يلا روحي لغرفتك .. بعد ساقطة وتبي تجلس عند التلفزيون .. والله بنات أخر زمن ..

رحت لغرفتي .. وأنا متشققة ضحك .. ماقلت لها أن ليان هي الي حاملة 7 مواد مو أنا .. بكرا راح تتفاجأ بنتيجتي أني ناجحة :cool: ..

هاهاهاها .. ونمت ..

الصباح الساعة 9 الا ربع .. وأنا ما أخلص من بنت أسلم عليها الا وتجي بنت وهكذا لين شفت أدفر بنت أعرفها جالسة تصيح عند باب القسم ..

أنا : هلا مرام ;) ..

مرام : هلا ( وهي تصيح ) ..

أنا : لا لا يامرام مافي شي يسوى دموعك .. طنشي:) ..

هههههههه .. قامت أشرت على النتايج ثم كشت بوجهي .. أنا رحت لنتايج وأقول في نفسي وراها تكش علي .. هه صدق ماتنعطى وجة .. ياليتني ماعطيتها أوراقي تصورها .. بس هييين تبشر بالخير أني ما أعطيها شي هالترم :mad: ..

يوم وقفت عند النتايج الا وشوف اغلب البنات قدام اسمائهم .. ض و ضع

ض : ضعيف
ضع : ضعيف جداً

وأنا لاهية أدور أسمي .. طاحت عيني على نتيجة مرام .. ههههههه .. اللهم لا شماتة ماعندها ولا مادة ماخذه فيها ممتاز .. وعديت المواد الي ساقطة فيها ..

أووووف 5 مواد .. عشان كذا كشت علي .. تبي تقول لي انها 5 مواد ساقطة فيها ..

اممممم هذا هو أسمي .. فللللللللة أسمي الرباعي حاطينه .. ياحليلهم ياخافون أغلط وأخذ نتيجة الي فوقي .. ههههههههه .. الي فوقي ولا مادة ناجحة فيها .. وععععع وش ابي بنتيجتها ..

ولما شفت نتيجتي .. قلت ..

الدنيا فانية ..

ههههههههههه ..

طبعاً شر البليةِ مايضحك .. نتيجتي أردى من نتيجة ليان ههههههههه ..

أنا ويها نفس المواد الي ساقطين فيها بس هي ض وأنا ضع .. هههههههه ..

جت ليان وقلت لها سالفتي أنا وأمي ..

ليان : الله يعينك ..

أنا : ما شالله عليك .. باللهي 7 مواد ولا تبينها تسوي كذا ..

ليان : ههههه .. أهلي ما أمداني أقوللهم الا وأنا أصيح .. أمي وأبوي قالوا بطقاق واذا بتحولين من قسمك حولي وأذا تبين تعتذرين أعتذري أهم شي صحتك ..

أنا : ":" ماشالله الله لا يغير عليكم ..

ليان : أنتي بس صيحي ولا يصير الا الي تبين ;) ..

أنا : والله فكررررررررة بس ما أظن تنجح عند أمي .. أمي تعرفني زين :( ..

ليان : هيييييييه المحاظرة بدت ياويلنا ..

أنا : ":" ما قلتي تو أنك بتتركين القسم ..

ليان : ايه صح ذكرت مابي ذا القسم .. الا تعالي وانتي منتيب تاركته معي ..

أنا : مدري بحاول في أهلي وان شالله يوافقون .. تعرفين دخول الحمام مش زي خروجه <<< مدري وش جاب ذا المثل

وحنا قاعدات نخطط بعد تركنا للقسم وش نسوي دق علي أبوي ..

أبوي : هلا بشري عن نتيجتك ..

أنا : اهئ أهئ أهئ يبااااااه مابي أدرس مااابي .. تعال طلعني .. يبااااااااااه تكفىىىىى مابي أدرس كرهت الكلية والي جابوها ..

أبوي : لا أنا مشغول اللحين الساعة 1 اخذك ..

أنا : لالالالالالالالالا ابي اللحين .. ولا بطلع من باب العميدة بدون ورقة خروج ويمسكوني وأكتب تعهد ولا أنطرد أحسن لي وتجي غصب تاخذني ..

أبوي : طيب وإذا ما مسكوك ؟ <<<< ياربيييه أنا في أوج تحمُسي وهو يستهبل علي ..

أنا : باخذ ليموزين وأروح للبيت .. أهئ أهئ أهئئئئ يابه ابي اصيح في البيت .. سقطووووني يبه .. ما أحبهم .. مابي أقعد عندهم .. تعال طلعني وأتركني أصيح بالحديقة الي جنب الكلية ..

أبوي : خلاص خلاص .. وش يفكني من حنّتك .. هالحين بجي .. مع السلامة ..

أنا : أهئ أهئ اهئئئ معععع السلااامة ..

ليان : هههههههه ياخطيرة وش سويتي ..

أنا : ما قلتي لي صيحي :confused: ..

ليان : أنا ماقلت لك تصحين عند ابوك .. قلت صيحي عند أمك ..

أنا : طيب وإذا صار ..

ليان : مدري عندك .. بس من جدك بطلعين اللحين وتتركيني ..

أنا : هههه ودي أقعد معك بس بروح أنام ماتعودت أقوم هالوقت :D ..

يوم جت الساعة 10 ونص دق أبوي قال يلا أستعدي بيطلعونك اللحين ..

وتم بحمد الله مراسم خروجي من الكلية ..

ويوم ركبت السيارة ..

أنا : اهئئئئئئئئئ اهئئئئئئئ اهئئئئئئئئئ اهئ ائهئ .. يباااااااااااااة سقطوني الي مايستحون .. أنا أوريهم .. أنا أعلمهم مين هم ومين أنا ..

أبوي ساكت ..

أنا : اهئئئئئئئئئ اهئئئئئئئ اهئئئئئئئئئ اهئ ائهئ ..

في هذي اللحظة حمدت ربي أني مغطية وجهي .. كنت وقتها متشققة ضحك ..

أبوي : طيب وش بتسوين ؟؟ بتطقينهم ..

أنا : اهئئئئئئئ اهئ اهئئئئئئ اهئ .. تتريق علي .. ها .. ابترك الكلية بكبرها .. هم الخسرانين ..بروح لأي داهية ..بس مابي ذي الكلية المخيسة اهئئئئئئئ اهئ اهئئئئئئ اهئ يبه بروح لقسم الي توه مفتوح بالجامعة .. الي يخلني أصير محااامية .. يبة .. اهئئئئئئئ اهئ اهئئئئئئ اهئ ..

طيب ..بحاول أنقلك ..

آه ه ه ه ماتوقعون فرحتي يعني فيه أمل أترك الكلية أبوي موافق ..

وصلت للبيت الساعة 11 وشوي حطني أبوي وصكيتها نومة ..

وجت الساعة 1 وجت معها أمي وأهلي

ماذا فعلت أم لجين وماذا حدث بعد ذلك هذا ما ستتابعونه إن شالله الحلقة القادمة:D [/RIGHT]

[/COLOR][/FONT][/SIZE]

خخخخخخخخخ
لجين الله ياخذ عمر شيطانك يامهمله


تبيني افضح سالفتك واجيبها من النهايه بلا تشويق خخخخخخخ>>>>>>>>نذله




اقول خلاص ماراح اخرب عليك ننتظر الباقي وكأني مااعرف شيء


اختك:عهــــــــــــود,,

[quote] تبيني افضح سالفتك واجيبها من النهايه بلا تشويق خخخخخخخ>>>>>>>>نذله [/quote]

تصدقين .. نسيت النهاية :p

الا تعالي .. أنا ماعلمت أحد النهاية ..

علميني وش تتوقعين النهاية عشان أغيرها هههههههه <<<< أنذل منك ..

ايه ذكرت .. ترا والله مو كسلانة .. حتى أسئلي نجود .. دايماً أغششها و أساعدها :p

خخخخخخخخ


ماتدرين عن نهاية السالفه ياحليلك دايم تجحدين خخخخخخخ

تغششين نجود ولا تغشين منها اعترفي خخخخخخخخخ

قصه حلوووووووووه

ماشاء الله عندك اسلوب فني في الكتابه ولا مو هينه أبد بتنجحين لو تمسكين خط كتابة قصص ...

بدون مجاملة الكلام أعلاه :)

يابنت الحلال وسعي صدرك دامك بتطلعين من الكلية

وعلى فكرة القسم الي تحكين عنه اتوقع انه قانون

وصديقتي فيه و تمدحه ويكفي انه قسم جديد واكيد رح يفتحون له مجالات هنا

وعموما قصتك مررررررة حلوووووة يالغالية

وبانتظار الجزء الثاني

هلا لجين

يعطيك العافيه على القصه بصراحه تحمس ;)

بس وش هالرسوب :( مواد كثيره والله


على العموم شكرا لك وبأنتظار الباقي

تحياتي لك:)

ماشالله عليك يا لجين عليك اسلوب رائع

اذا كنت تبغين تدخلين قانون تري يمدحونه يقولون اول دفعه تتخرج منه راح يخلونهم يكملون دراسات عليا على

طول وبدون واسطات

تحياتي

شي طيب ان الانسان يجرب حاجات جديدة ^__^

أهلين

مشكورين على التشجيع والإطراء .. وترا هذي قصة من مئات القصص الي أكتبها بس مافيه أحد يقدر :p


و مسألة أهلي يوافقون على القانون فيها إن ..وغير كذا أحسها صعبة:( .. بس بجرب أقنعهم :) ..

[quote] تغششين نجود ولا تغشين منها اعترفي خخخخخخخخخ [/quote]

هههههههههه .. مالقيتي الا نجوووود تغشش .. ماشالله عليها لا تغش ولا تغشش بس انا :)اغشش بس ما اغش

[quote] بس وش هالرسوب مواد كثيره والله [/quote]

ههههههه .. والله ظلم ..الدكتورات عندنا شايفات أنفسهم بدرجة خيالية ..



أحم أحم بعد ما تحمستوا مع القصة .. ماراح أكمل الباقي .. <<<< شريرة

[SIZE="2"][[RIGHT]SIZE="2"][FONT="Tahoma"][COLOR="DarkRed"]أهلاً ..

نكمل القصة مادام فتر حماسكم !! :D

ويوم جت الساعة 1 طبعاً كنت وقتها بسابع نومه .. بس يوم سمعت صوت أحد يدق باب غرفتي ..

أمي : لجين .. إفتحي الباب أنا أمك .. إفتحي وقوليلي وش المواد الي سقطت فيها ..إفتحي !!

أمي : لجين أفتحي ..

أمي : أول مرة أشوف وحدة ساقطة بسبع مواد وتنام !! <<<<< يالله أمي تجرح فيني إلا لازم تذكرني بالسبع مواد:( ..

بصراحة أول ماسمعت صوت أمي طار النوم من عيوني .. بس قعدت ساكتة أفكر وش أسوي ..

أنا : لا مابي أفتح .. اهئئئئئئئئئ اهئئئئئئئ اهئئئئئئئئئ اهئ ائهئ .. يمة مرسبيني الله لا يوفقهم .. هئئئئئ اهئئئئ اهئئئئئ اهئ ائهئ ..

أمي : طيب أفتحي خلي نتفاهم بسالفة السبع مواد:cool: .. <<<<< برضوا تجيب سالفة السبع مواد ..

أنا : لا ماببببببببببببببي .. خلني أصيح لين أموت ..خلي العالم يدري أني ضحية دراسة وكلية ظالمة.. هئئئئئئئئئ اهئئئئئئئ اهئئئئئئئئئ اهئ ائهئ ..

أمي : طيب تعالي تغدي قبل ماتموتين ..

أنا :ما أشتهي غدا ..هئئئئئئئئئ اهئئئئئئئ اهئئئئئئئئئ اهئ ائهئ ..

بس والله يعلم كنت جوعانة جوع فظيع و أول مرة تصير شهيتي مفتوحة كذا .. بس يلا كلش يهون وينسحب ملفي من الكلية القرف ..

المهم .. يوم طار النوم مني قعدت أفكر بخطة وش بسوي .. أمي للحين ما أقتنعت بأني 3او 4مواد ساقطة ظلم .. وأنا سارحة بخططي شطحت بأفكار شطحة كبيرة تخيلوا وش جا ببالي ..

ستار أكاديمي :cool: .. ما شفت نهايته:eek: .. ههههههههه ..

ويوم صارت الساعة 4 قررت بأني أطلع من صومعتي و أقعد عند التليفزيون أكمل البرايم .. ويوم طلعت كان الحظ مبتسم لي إذ أن أمي كانت نايمة بس ماسرع ما كشر الحظ لي إذ أن بقية سكان البيت ماناموا وكانوا عند التليفزيون :( ..

طلعت لهم كلي إنكسار وأنرحم وهم ياعمري أخواتي كل واحدة تهمس لي :

- أكيد غلطانين بنتيجتك ..
- لجين عادي لاتصيحين ترا أنا ما أحب أشوفك تصحين ..
وهذي أختي بالإبتدائي تقول ..
-عادي:confused: .. في كثير بنات في فصلي كسلانات يسقطون .. <<<< كان ودي لحظتها أكفخها بس ..

أما أخوي الي في عمره توهم مافقسوا من البيضة قال ..

- لجين ..

رديت عليه بلهجة كلها إنكسار وخضوع ..

- نعم :( ..

- يقولون أنك راسبة ؟ هههههههه .. صدق ولا لأ:cool: ..

عاد وصلت معي وودي مو أكفخه ودي أكوفنه ..

- لا مو صدق :mad: ..

طبعاً لا يمكن أكون أنا وياه في نفس الغرفة لا ونطالع نفس التليفزيون فلِذلك طلعت لأقرب تليفزيون وكملت البرايم ..

وكما أسلفت سابقاً عن تكشيرة الحظ في وجهي ..

ظهرت أمي في الغرفة فجأة :eek: .. لا وفي وقت التوب فايف .. يعني حظظظظظظظ يكسر الصخر:rolleyes: ..

طبعاً حتى لو كنت ممثلة من الدرجة الأولى ماراح يمديني أغير تقلبات وجهي من وحدة متشققة وناسة لوحده مكتئبة تحاول تخفف عن نفسها بأن تجلس عند التليفزيون :o ..

أمي : سبحان مغير الأحوال .. أمداك تنسين أنك ساقطة بـ 7 مواد:) !!!

أنا (وشوي أنفجر ضحك بس ماسكة نفسي ) : أنا ما أصدق أنسى تجين تذكريني .. حسبي الله عليهم .. وشوله يسقطوني بـ 7 مواد لو أنهم مسقطيني 4 كان أهون لي .. مدري وش يستفيدون ؟

أمي : طيب اللحين وش بتسوين ؟؟

أنا : يقول أبوي إسحبي ملفك وسجلي بالجامعة :cool: ..

أمي : لا سحبة ملف لا .. عيدي السنة :mad: !!

أنا : لا لا تكفين يمة ماااابي أعيد السنة .. أنا كرهت ذي الكلية .. ما أحبها .. ما أطيقها ..

أمي : الي تفكرين فيه موب صاير !!

أنا : يمه أنا خلاص أنشل تفكيري من أول ما شفت النتيجة .. بعدين يمه ترا ما صارت كل شوي والثاني تقولين الي تفكرين فيه موب صاير .. ترا بنتحر !!

أحم أحم ":" من هنا تتشفر بقية المحادثة ..

أمي : 牳郠趄羁ŜＱ셙嶓繒͡垅샴 ؟؟

أنا :駾艠倂쇨蟙蹹涗衲晨둢⇡簀몇襣钁샶鄃觯蕄磛弖먟黄憐 !!

أمي : ㎴뙭雧餀 ؟؟

أنا :♋:confused:

أمي : 襓圱왂 :cool: ..

أنا :脈耋隠愚 !!!!!!!!!

أمي : 仪Ġ聰ي쁂 ..

أنا :见Кು脌ټ ڂ쀦ઠ 쁄 :rolleyes: ..

أمي : 耋隠愚 ∑ 铜倃炠炪렡 ..

أنتهى التشفير ..

أنا : أوف أوف ترا كلامك خطييييير يمة .. وفتحتي عيوني على أشياء كنت مغمضة عيوني عنها :rolleyes: ..

ههههههه .. يتشفر هنا كلام الماما بس بلغة الآلة :p .. أتحدى الي يفك تشفيرها .. ههههههه

أمي : 1212221212222111221!!!!! 21222111121222111121112121212

أنا : أفكر .. بس ترا مو أكيد ..

في هذي اللحظة جا أخوي ..

أخوي : يماه .. صدق أن لجين راسبة:D ؟

أنا : لا ما رسبت :mad: ..

أخوي : إلا راسبة .. حتى سمعت أمي تقول بـ7 مواد .. ها صدق رسبتي بـ7 مواد :cool: ؟

في هذي اللحظة أحس أمي لو تفتح فمها بتنفجر ضحك .. وقررت أكلم أخوي بلهجة سياسية بحتة ..

أنا : ":" .. محمد .. مين قال لك هذا الكلام ؟

أخوي : أمي ..

أنا : هههههههههه .. يا ذكي أنا أشطر وحدة بالفصل .. إشلون أرسب وأنا شاطرة:cool: ؟

أخوي : لآ .. إشلون تصيرين شاطرة وأنتِ دايماً عند الكمبيوتر أو التليفزيون ؟

أنا : لا شف أنا إذا قعدت على الكمبيوتر أصير أذاكر وأدرس .. بس التلفزيون لا هو الي خلاني أصير كسلانة مثلك و يصير ترتيبي على الفصل السابعة .. هههههههه :D .. عرفت كيف ؟

أخوي : أقوووول .. بلا نصب .. بعدين تراني مو كسلان يا يالراسبة:mad: ..

طبعاً .. جلست فترة أحاول أستوعب كلامه :confused: .. إنصدمت فيه بصراحة .. كل هالكلام يطلع منه .. ما أمداني ابي أمسكه إلا وهو طاير يحتمي بأقرب غرفة ..

نرجع لأمي ..

أول مرة أشوفها متشققة ضحك مثل كذا ..

أنا : يمه أحر ماعندي أبرد ما عندك:( ..

أمي : هاهاهاهاهاهاهاهاهاهاهاي ..

أنا : يمااااااه .. تكفين روحي فهميه أني مو راسبة :( ..قولي له أني شاطرة وترتيبي على الدفعة السابعة ..

أنا : يمااااه .. ترا بيفضحني عند الله وخلقة ..

أمي : متفشلة :D .. هههههههه ؟

أنا : لا .. مو متفشلة :cool: ..

أمي : طيب .. أبفهمه أنك مو راسبة .. ههههههههه .. يالراسبة:D ..

حتى أنتِ يمه .. تخيلوا .. أمي تنعتني بالراسبة :eek: ..

دقيقة صمت ..
.
.
.
.
.
.
.
.
.

نكمل لكم الحلقة الأخيرة من نعم نعم لقت سقطت بكرا أو بعده ..

وتصبحون على خير :) [/COLOR][/FONT][/SIZE][/RIGHT][/SIZE]

ههههههههههههههههه

حلوووووووووووووة يالجين واحسن شي صراحة التشفير

ياحبي لك يالجين والله انك توسعين الصدر وبانتظار

وش صاااااار معك................

تحيااااااااااااتي

هههههههههههههههههههههههههههههههه

مرة حلوة

أما أخوك هذا لزقة

الله يعينك عليه


قصة رائعة أبدعت

تحياتي

أهلين الهنوف والعنود ^^ ..

الهنوف .. أهم شي عجبتك وإن شالله التكملة عن قريب :) ..


العنود .. يسلموا حوبة .. وعلى ما أعتقد كل الإخوان كذا ملاقيف ولزقاات على ما أظن خاصة إذا كانوا صغار ..

[FONT="Tahoma"][SIZE="2"][COLOR="DarkRed"][B][RIGHT]أهلاً :) ..

نكمل المأسآة ..

همممم وصلنا عند أمي تسميني يالراسبة ..

بصراحة أكذب عليكم إذا قلت إني تأثرت ..

أصلاً هالشي كان المفروض أني أسويه من زمان .. هههههههه .. عشان أكون السباقة فيه .. لأن ولا أحد من أهلي سواه ولا راح يسوّنه بستبعاد محمد .. أحسه يغار مني ":" ..

بعد المغرب .. رجعت زي ما كنت .. لا وكأني ناجحة بتفوق بعد من رزّة وجهي :D ..

مر اليوم زي كل يوم بس أحسه مر بسرعة .. الله يخلي التليفزيون والنت ..
.
.
.
.
.
.

يوم الأحد ..

كنت بقمة الفضاوة يعني أي أحد مشغول في البيت أنا وظيفتي "أخرب عليه".. عندكم هالأمثلة :

أختي قاعدة تذاكر في أمان الله عند التليفزيون ( بصراحة أول مرة أسمع عن أحد يذاكر عند التليفزيون وينجح .. بس أختي مو تنجح بس إلا 衲晨둢⇡簀몇襣钁샶鄃觯蕄<<<< عجبتها الحركة ..

أموت وأعرف كييييييييييييف :confused: !!

بحكم أني أكبر منها سناً سألتها عن أحوالها الدراسية و سألتها عن مدّرستها وبديت أحش في مدّرستها .. لدرجة أنها ياعمري لا تهش ولا تنش يعني أهم شي في حياتها الدراسة بس .. طبعاً كانت على النقيض مني .. حتى البنات في المدرسة ماكانوا يصدقون أنها أختي ..

المهم كانت تسولف وأنا أحششششش وأعلق .. لين صارت الساعة 8 ههههه .. طبعاً وقت مسلسلي :) ولا يمكن أستمر بالحش .. لذلك إندمجت مع المسلسل بكل جوارحي ":" .. حتى أنه لا يمكن أي قوة أن تأثر فيني .. لين سمعت أختي تقول أسم بدرية ..

هذي المعلمة للأسف كرهتني بشي اسمه الدين لدرجة أي كلام أسمعه منها أسوي عكسه عناد فيها .. سنتين من حياتي درستني فيها بصراحة كان الكره بيننا متبادل .. لدرجة أني أذاكر مادتها عشان أخذ الدرجة الكاملة وأقهرها .. يكفي إنها كرهتني بأسمي ذا النغمة الرومانسية يوم صارت تدلعني .. ياليته اسم دلع زي العالم والناس .. إلا يجيب العمى ..

كانت بكل أسف العدو رقم 1 والي يحبونها كانوا أعدائي رقم 2 أما الي يعطونها وجه كانوا أعدائي رقم 3 ..

بصراحة .. لو أكتب فيها وصف .. مجرد وصف .. كان سيرفرات العالم ماتتحملها من الي ينكتب عنها :P .. حسافة ها الـ3 سطور فيها ..

أختي : تدرين لجين أفكر أقاطع التلفزيون ..

أختي : لجين ووجع .. أنا أكلمك ردي !!

انا : أوووووص ..أصبري لين يخلص المسلسل ..

أختي :أقولك بأقاطع التلفزيون !!

أنا : مبروك ..

أختي : الله يبارك فيه ..بس أبغاك تقاطعين معي ..

أنا : تبين ريال ":" .. ماتشوفيني مشغوووولة !!

أختي : والله يا لجين أبي مصلحتك .. اليوم أبله بدرية كلمتنا عن يوم الحساب والله أشياء كثيرة في حياتنا حرام :( ..

أنا : إيش إيش .. أبله بدرية .. خير .. وش تبي ذي :mad: ..

أختي : لجين .. أنتي ليش تكرهينها ؟؟ هي أبله مره طيبة وحبوبة ..طيب عشاني قاطعي التليفزيون .. إذا قاطعتيه .. كل البيت بيقاطعونه .. تكفيييييييين قاطعيه ..

أنا : ليان .. لا تقولين أنك تحبينها !!!! ترا أنحرك و أخليك عبرة للأجيال القادمة ..

أختي : أنا .. بصراحة ما أحبها مرة ..

أنا : ليان أختي حبيتي يا عمري مين تحبين أكثر أنا ولا هي :cool: ؟؟

أختي : هي .. ههههههههه .. أمزح أحبك أنتي أكثر ..

أنا : :)

أختي : طيب لجين !! قاطعي التليفزيون !!!!!

أنا : لا عاد .. لا تقلبين مزاجي .. مقاطعة ماراح أقاطع لا وبزيد ساعات التيلفزيون عناااد .. وبعدين لا يكون أبلتكم تحسب التليفزيون دنماركي وأنا ما أدري ..

أنا : أيه .. وبعدين وش دخلها تقاطعون ولا ما تقاطعون !!

أختي : ولا شي بس ..بس ..

أنا : بس أيش ؟

أختي : لجين .. فكري بالأجر ..إذا قاطعت أنتِ التليفزيون كل البيت بيقاطعه .. وبتاخذين مثل أجرهم ..

بصراحة كأن الفكرة راقت لي لين قالت أختي ..

أختي : لجين .. بقول لك شي .. ترا إذا قاطعتي بتاخذ أبلة بدرية مثل أجرك !!

أنا : ليانوه يالخبلة .. بتقاطعين عشان تاخذ أجرك .. لا وإذا قاطعنا بتاخذ أجورنا بعد .. هذا الي ناقص .. أصلاً بدريوه ماحد فاهمها قدي ..هي تنصح وتاخذ أجورنا باردة مبردة .. ووش دراك إن كانت ماقاطعت التليفزيون وإنتم ياحظي مقاطعينه وتاخذ أجركم !!

أختي : بصراحة أنا قلت لك عشان ما تقاطعينه .. وأنا هونت أقاطعه ..

أنا : والله كفو يختي .. كلش ولا تاخذ بدريوه أجري ..

أختي : حتى أنا مابيها تاخذه ..

وفجأه ..

ترتيريتريترتيرتيرتيملابمك نللاكك طلاتمكافيغؤتغئءلقرلفر <<< أنتهى المسلسل

أشوا انها مب الحلقة الأخيرة :D ..

رحت بعدها لأختي الأكبر مني .. كانت على الكمبيوتر تسوي تصميم لواجهة CD ..

أنا : لياااااااااان .. علميني فتوشوب :D ..

أختي : تبين ريال ":" ..<<<<< من بدايتها طيحت وجهي ..

المهم .. قلت مالي أنيس ولا ونيس مثل أمي خليني أسولف معها .. لقيتها تكلم بالتليفون .. لا وسمعتها تقول :

اييييييييييه .. 7 مواد ..

اهئ اهئ اهئ .. أمي تشهر فيني عند الله وخلقه .. مش معأووول :( ..

أنا : يمااااه وشو العشاء :cool: ؟

أمي : أصبري خلي أكلم خالتك ..

أنا : يماااااه يوم الإربعاء ترا بروح للسوق ..

أمي للي معها بـ التليفون : أيه ها مو تتأخرين عن الساعة 7 ههه ..

أنا : يماااااه ..

أمي : يووووو منك .. خلني أعرف أتكلم !!

أنا : يماااااه متى بروح للسوق ؟

أمي : اي يوم ..بس الساعة 7 ..ههههه..

يالله .. من هذا اليوم صار الرقم 7 رقم أمي المميز .. لا يفتر لسانها عن ذكره .. كل شي في حياتها سبعة ..
.
.
.
.
.
.
يوم الإثنين ..

قررت أنشر أول بارت من هذا الموضوع .. بس للأسف .. خرب الكمبيوتر .. هههه أقصد ياليت أنه خرب ولا يخرب النت ..


الله يعين .. بس الحمد الله لقيت جهاز يرحب فيني لحين مايجي شهر 7 وأحس بالخصوصية والراحة من جديد ..

حرر في يوم 7 /1427/3هـ... أهئ أهئ PM 7:05 ..

لجين [/RIGHT][/B]..[/COLOR][/SIZE][/FONT]

[quote]
أختي : طيب لجين !! قاطعي التليفزيون !!!!!

أنا : لا عاد .. لا تقلبين مزاجي .. مقاطعة ماراح أقاطع لا وبزيد ساعات التيلفزيون عناااد .. وبعدين لا يكون أبلتكم تحسب التليفزيون دنماركي وأنا ما أدري ..

أنا : أيه .. وبعدين وش دخلها تقاطعون ولا ما تقاطعون !!

أختي : ولا شي بس ..بس ..

أنا : بس أيش ؟

أختي : لجين .. فكري بالأجر ..إذا قاطعت أنتِ التليفزيون كل البيت بيقاطعه .. وبتاخذين مثل أجرهم ..

بصراحة كأن الفكرة راقت لي لين قالت أختي ..

أختي : لجين .. بقول لك شي .. ترا إذا قاطعتي بتاخذ أبلة بدرية مثل أجرك !!

أنا : ليانوه يالخبلة .. بتقاطعين عشان تاخذ أجرك .. لا وإذا قاطعنا بتاخذ أجورنا بعد .. هذا الي ناقص .. أصلاً بدريوه ماحد فاهمها قدي ..هي تنصح وتاخذ أجورنا باردة مبردة .. ووش دراك إن كانت ماقاطعت التليفزيون وإنتم ياحظي مقاطعينه وتاخذ أجركم !!

أختي : بصراحة أنا قلت لك عشان ما تقاطعينه .. وأنا هونت أقاطعه ..[/quote]

هههههههههههه

والله صادقة كل بنت في الثانوي او المتوسط تفكر كذا

بس حلوة تاخذ أجري بس من جد حنا اللي نسوي وهم ياخذون الاجر

<<<<<<<<<<استغفر الله ياشيخة


الله يعينك على امك


ماشالله عليك ابدعتي باسلوبك الرائع

تحياتي

[QUOTE=العنود]هههههههههههه

والله صادقة كل بنت في الثانوي او المتوسط تفكر كذا

بس حلوة تاخذ أجري بس من جد حنا اللي نسوي وهم ياخذون الاجر

<<<<<<<<<<استغفر الله ياشيخة


الله يعينك على امك


ماشالله عليك ابدعتي باسلوبك الرائع

تحياتي[/QUOTE]

[SIZE="3"][SIZE="2"][COLOR="DarkRed"][FONT="Tahoma"]أهلين العنود :) ..

هههههههه أختي هذي بزيادة .. بس جد أبلتها هذي معقدتني .. و تبي تاخذ أجري وأجر أهلي :mad: ..

أما أمي ياعمري مقهوره عشاني وتحط حرّتها بالسبعة وفيني .. بس تدرين تعودت :D ..[/FONT][/COLOR][/SIZE][/SIZE]

ابدعتي تسلمين