ام الركب؟؟...
 

بسم الله الرحمن الرحيم :)

في يوم الاثنين الماضي



بكل صراحه >>>>>>طقتني ام الركب :eek:

احنا كنا جالسين وفي امان الله (((نتقهوى )))الساعه 8 الصباح ( في الكليه )

الى الان والامن مستتب






فجأه وبدون سابق انذار..................حارسات الامن جايين طايرات يركضن :eek:


البنات ومن بعد سالفه البنى قاموا يصارخون وهم مايدرون وش السالفه والكل قام يتراكض اللي تطلع من المبنى

يحسبونه بيطيح ,,,, اما انا فبكل صراحه رفعت التنوره واركض







بس مع الامن لاحقتهم بشوف وش السالفه .....................

طبعا السالفه في الدور الثالث وخذ ياركض يومني وصلت واشوف الا وحده بتنتحر بس لحقوا عليها

وجت الطبيبه ( حقت الكليه ) ودخلوها عند الاشراف والتوجيه ..............................


هذا كله الساعه 8 ,,, رحنا ودخلنا وحضرنا المحاضره وكل شي تمام

خلصت المحاضره وبدت الثانيه وكل شي تمام مامن خلاف


الروعه الثانيه الساعه 11 وربع ما نسمع الا هاك الصرخه اللي هزت الكليه هز :confused:

طبعا حنا انخبصنا بصراحه وكل وحده قامت تقرا على روحها

ثم ما خلص الصراخ وكل صرخه اعلى واقوى من الثانيه لدرجه اللي كان عندهم محاضرات

يحسبون الصراخ ذا صراخ شله وهذا في الحقيقه طالع من وحده بسم الله الرحمن الرحيم

طبعا الامن محاوطين المكان وبنت ابوها اللي قدرت تشوف وش اللي صاير

بصراحه انا مت من الخوف ولا قدرت اقوم من مكاني ( طكقتني نفاضه ) حتى اذكر كنت اقول للبنات

برد صح >>>>>>>>>>> وكل وحده طايره بوهتها >>>>ماعندك احد.................


واذكر ان البنات يقولون للامن اقروا عليها قران ,,,, وش ردوا الامن ؟؟؟ حنا ماندري وش فيها عشان نقرا عليها

:mad:

ودخلت وحده من البنات اللي ماشاء الله عليها وراحت دايركت للي تصارخ ومروعة خلق الله بتقرا عليها







الا هالي تصارخ مافيها شي كانت تصيح على صديقتها >>>>>>>>>مهبلة بالناس :mad:


والتعبانه طبعا على لسان هالبنت اللي قرت عليها تقول :::::::::::::::::::confused: :(



انها كانت مفتحه ازرار البلوزه وان العروق اللي في صدرها متنفخه >>> كأن احد تافخها بطرنبه


وان ارجولها متعكفات على جوا ( على الداخل ) وكانت تخبط يدينها على وجهها وكان شكلها يخوف



وانا اعرف البنت اللي راحت ودخلت وقرت عليها عشان ماتقولون اشاعه


والله يشفيها ويعافيها







بس روعة البنات ماتنوصف حتى اني ما اكذب عليكم فيه بنات الى الان متأثرين من اهتزاز المبنى


وجلسوا يبكون بكاء مو طبيعي لانهم يحسبون ان المبنى هذا ( جديد ) بيطيح بعد

والله يثبتنا الى ان يخلص هالترم على خير وننحاش من الكليه كلها..............:cool:

شموخ صراحه ماادري وش ارد عليك
بس الفضول ليش بيذبحنا

ياهلا فيك يا عهوده

والله طلتك في موضوعي هي اهم شي


ومشكوره ياقلبي على مرورك الرائع

لا حولا ولا قوة الا بالله

وش ذا البلاوي الي عندكم يا شموخ!!!

يختي من جد الله لا يلومكم زين الي مااغمى عليكم بعد!!

[quote]البنات ومن بعد سالفه البنى قاموا يصارخون وهم مايدرون وش السالفه والكل قام يتراكض اللي تطلع من المبنى

يحسبونه بيطيح ,,,, اما انا فبكل صراحه رفعت التنوره واركض [/quote]
مع الخيل ياشقرا

[quote]بتنتحر بس لحقوا عليها [/quote]
لاحولولاقوة الابالله
وصلنا لهالدرجه............
ياليت تسويين نفسك مخابرات
او صحفيه وتعرفين لنا السالفه وسبب محاولة الانتحار
[quote]

انها كانت مفتحه ازرار البلوزه وان العروق اللي في صدرها متنفخه >>> كأن احد تافخها بطرنبه


وان ارجولها متعكفات على جوا ( على الداخل ) وكانت تخبط يدينها على وجهها وكان شكلها يخوف



وانا اعرف البنت اللي راحت ودخلت وقرت عليها عشان ماتقولون اشاعه


والله يشفيها ويعافيها[/quote]اااااااااااااااااااااامين

[quote]والله يثبتنا الى ان يخلص هالترم على خير وننحاش من الكليه كلها[/quote]
امين ويستر عليكم
بصراحه المفروض يسمون كليتكم كلية المصايب
هههههههههههههه

لاحول ولاقوه ألابالله

الله يعينكم على كليتكم ويعدي هالترم بخير يارب000


تحياتي ياحياتي

غاليتي شموووخ

والله مشاكل يا شين هالمواقف تخوووووف
الله يحرسكم ويحميكم وكل بنات المسلمين آمين


يعطيك العافيه على الموضوع تقبلي تحيااااتي
:)

والله عندكم ممثلات مفروض يستفاد منهن ..
هذولا بنتين اتفقن على هالحركة ، وحدة تصارخ وتدعي بالهبال والثانية
على شان تضمن وظيفة بعد التخرج كمعالجة جن ، تذهب اليها وتقرأ عليها ،
ما ينلامن مادام فيه بنات متخرجات من أكثر من 5 سنين وما لقن عمل ..
لابد من اختراع طرق معينة للحصول على الرزق...

ههههههههههه ههههههههههههه الله يرجك شموخ والله مت من الضحك وانتي تقولين الله يثبتنا

شكل يبي لك عصفر


العصفر= دواء شعبي للي فيهم روعة



بس تدرين ما تنلامين الموقف جدا حساس ويخوف والله يشفيهم ويحمينا ويحميكم من كل بلاوي هذا الزمان


تحياتي

شموخة تصدقين انا سمعت الصراخ ويوم دخلت الكفتيريا قالو لي وحدة بتولد
وربي ضحكت وما صدقتهم :D

وبعدين هاللي بتنتحر وش بلاها يا كافي :(

ناقصين مصايب في هالكلية :confused:

اما بالنسبة للبنت الثانية

الصراحة انا يوم سمعت الصراخ لقطت العباية ورحت عند الباب علشان اهج (( العمر موش بعزئة )) :cool:
وربي هالكلية ما تدرين وش يصير فيها

كل يوم طالع لنا شي جديد

تصدقين اخاف يطلع لنا ديناصور من هالحفر اللي بالثمامة عندنا :eek:

لا تستبعدينها

وتسلم يدينك يا حلوة ;)

شموخة تصدقين انا سمعت الصراخ ويوم دخلت الكفتيريا قالو لي وحدة بتولد
وربي ضحكت وما صدقتهم :D

وبعدين هاللي بتنتحر وش بلاها يا كافي :(

ناقصين مصايب في هالكلية :confused:

اما بالنسبة للبنت الثانية

الصراحة انا يوم سمعت الصراخ لقطت العباية ورحت عند الباب علشان اهج (( العمر موش بعزئة )) :cool:
وربي هالكلية ما تدرين وش يصير فيها

كل يوم طالع لنا شي جديد

تصدقين اخاف يطلع لنا ديناصور من هالحفر اللي بالثمامة عندنا :eek:

لا تستبعدينها

وتسلم يدينك يا حلوة ;)

لا شفتي بلاط الثمامه يتحرك

ذاك اليوم امشي ووطت عليه وحده من البنات

ياعمري تمسكت فيني تحسب انها بتطيح

وبالفعل صار اغلب البلاط يتحرك ويالله ما عاد بقى شي ونقضي والحمد لله

[QUOTE=المشرف العام]والله عندكم ممثلات مفروض يستفاد منهن ..
هذولا بنتين اتفقن على هالحركة ، وحدة تصارخ وتدعي بالهبال والثانية
على شان تضمن وظيفة بعد التخرج كمعالجة جن ، تذهب اليها وتقرأ عليها ،
ما ينلامن مادام فيه بنات متخرجات من أكثر من 5 سنين وما لقن عمل ..
لابد من اختراع طرق معينة للحصول على الرزق...[/QUOTE]


بس انا اقول ليه بيمثلون يعني كل البنات بيعرفونهم بعدين:confused:

[quote=مقام البدر]ههههههههههه ههههههههههههه الله يرجك شموخ والله مت من الضحك وانتي تقولين الله يثبتنا

شكل يبي لك عصفر


العصفر= دواء شعبي للي فيهم روعة



بس تدرين ما تنلامين الموقف جدا حساس ويخوف والله يشفيهم ويحمينا ويحميكم من كل بلاوي هذا الزمان


تحياتي[/quote]


والله مهيب شينه عندك ترسلي >>>>>>>>>هههههههههههههههههههههههههههههههههههههههههه:d

ياهلا وغلا بام فيصل وآآآآآآآآآآآمين

ياهلا باحساس وشفتي هالمصايب والله يعدي هالترم على خير

ومراحب بالريم وانشاء الله الاغماء في الايام القادمه >>>>>>>>خخخخخخخخخخ

ويا الف هلا بدلع وتصدقين المفروض يغيرون اسمها للاسم اللي اقترحتيه ...................

عندنا وعندكم خير حتى حنا عندنا بنت كذا وإذا قالوا لها أنها صرخت ماتصدقهم الله يشفيها بس.....

[COLOR="DarkOrange"]شموخ اعتقد أنها حركة مفبركة من البنت

عشان الدكتورة تتعاطف معها وتعطيها الدرجات الناقصة

علينا يا شموخ ترنا نعرف العيب البنات والحركات شار بينها من ألبير وانأ اخوس

ما بقا إلا انتو يا بنات الاكشن تلعبون على الدكاترة






































شموخ افهم من كلامك إن البنت معها جن والعياذ بالله

الله يشفيها ويرفع عنها

اترك طلعتي ذروق:)

يا روح ما بعدك روح

الله يعدي ها الترم على خير ويستر على بنات المسلمين الإحياء منهم والأموات:)[/COLOR]

استمتعت بالقراءة
شكرا جزيلاً
تحياتي الطيبه