منتديات الفطاحله - ( ياسيفنا ..... الدايم......)

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - ( ياسيفنا ..... الدايم......) (http://www.ftahilah.com/showthread.php?t=22974)

( ياسيفنا ..... الدايم......)

]مصافحه لمنتديات الفطاحله وقصيده جديده اتمنى ان تنال اعجابكم\والمنشوره في جريدة الجزيره يوم الاثنين الماضي24\8\1429

القصيده بالصوت
[rams]http://www.shuaraa-almidan1.com/up/index.php?action=getfile&id=[/rams]

-----------------------------------------------------------------------------

الى سيفنا الدائم وركن الشعر والادب الاول في الجزيره العربيه.

سيدي صاحب السمو الملكي الامير\ فيصل بن خالد بن عبدالعزيز امير منطقة عسير حفظه الله
[frame="4 80"][poem=font="Arabic Transparent,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صدق الولا واجمل تراحيب ابن زيد = عيبن عليه ان قالها ماجهرها.

ترحيبتن ماهيب ترحيبة ازهيد = روس العرب منها يوقف شعرها.

قندت…هاجس منطقي فيك تقنيد = ومن الجريد البسته اغلى دررها.

يمك اتساق اجموع ماهي مفاريد =من ساس ذاته صنعتن مبتكرها.

ياسيفنـا الدايـم ويامبـعـد المـيـد= عيون شعـري منـك تاخـذ بصرهـا.
اجـدد الفـكـره وتــزداد تجـديـد=لا صـرت دافعهـا وربـي ومـرهـا.
ياعدنا...الراهـي غزيـر المـواريـد=ياللي عن اعدود الرهـا عـدك أرهـا.
أنت الأمير اللـي نظـر عينـك ابعيـد=يفداك مـن عينـه قصيـرن نظرهـا.
دايم علـى الهقـوات بفعولـك اتزيـد=مثـل الحيـا لا زار دارن عمـرهـا.
زاهـي مرابيعـه كسـا جرهـد البيـد=واحيا الهشيـم اللـي تـوالا دهرهـا.
أسمك امخلـد عبـر الاجيـال تخليـد=الشمس من ينكـر ويحجـب سفرهـا.
الطيب صيد وصدت منه ...اندر الصيد=هـاذي مقاسيـم العـبـاد وقـدرهـا.
الطيـب طبـع وفالتطـبـع مناقـيد=طعـم الملوحـه ثابتـه فـي بحرهـا.
يومن دعاني فيه فيصـل كمـا العيد=وحواجزن تمنـع وصولـي كسرهـا.
لبيـه يالداعـي وصـدق المواعـيـد=شيخـن تلقيـه المراجـل نحـرهـا.
من ساس اسود اسياد...روس الصناديد=قوم سلايـل زومهـا مـن سطرهـا.
قومـن تكيـد الكيـد لمـدور الكـيـد=قومن قبـل تسطـي تسبـق نذرهـا.
اليا اختلف عـن موقفـه كـل رعديـد=والخيـل فالمركـاض ثـور قتـرهـا.
ثم.. احرفوهـن بالأعنـه مسانـيد=سلايـل العوجـا وهيـبـة دجـرهـا.
فـي وقعتـن منهـا تشيـب الاواليـد=واللـي وردهـا مايحسـب خطرهـا.
وفيصل حفيد اموحـد الملـك توحيـد=بـذرة وفـا نجنـي طلايـع ثمرهـا.
من دعوتـك ياسيـدي فيصـل اتعيـد=تجبير كسر اشعـور محـدن جبرهـا.
وعين السهير اللي سهرهـا سراميـد=من وقفتـك قامـت تـوادع سهرهـا.
منكم لقا فيض اجـزل الشعـر تمجيـد=وخسران من فزعة سمـوك خسرهـا.
يامن نقضت القيد..مـن محكـم القيـد=اليـا قصـر كـف الجفا...ماشبرهـا.[/poem]
[/frame]

[align=center][size=7]شعر\ ثواب بن زيد بن نجا الحارثي[/size].[/align][/QUOTE][/QUOTE