نصف الحب في الصوره

[فارس القوافي]

عُقُب فرقى سنه طافت تجين بنفس هالصوره= تجيني مثلما أذكر وتسري داخل اعماقي
تجين بشوق وبلهفه واحسّك صدق مقهوره = واعضّ اصبع ندم فيني وافجّر ثورة اشواقي
واعيد الذكريات الّي بقلبي فيك محصوره = وارتّب أحلا كلماتي واجيلك مثل برّاقي
نسيت انّا توادعنا نسيت الحزن وشعوره = وجتني لحظة الفرحه ودمعي سال بحداقي
وجيتك في يدي ورده وجملة حب منثوره = كتبها القلب فغيابك ودوّنها على اوراقي
وصلت لبيتك اتغنّى بحبك واجمل عصوره = وجيتي توقفي جمبي وساقي يدق في ساقي
تذكّرت اللقا الأول واحسّ الوقت في دوره = طرى نفس الشعور الّي قبل أعوام ياساقي
مسكت ايدينك بيدّي وكنتي حيل مغروره = وفجأه اختلف حكيك وزدتي الجرح بحراقي
بكلّ برود قلتي لي اريد انساك مجبوره = وزدتي صدمتي صدمه وزدتي الهمّ واعواقي
خذيتي نصّ حبي لك قبل عامٍ طفى نوره = صبرت ورحت في حالي ونصّي ميّتٍ شاقي
وجيتي تآخذي صوره ونصف الحب فالصوره = واخذتي أغلا ماعندي من الحب الّذي باقي