اندفاع الشوق

[ماجد الراشد الهيري]

اندفاع الشوق

بأندفاع الشـــوق لاتســـمع سـفيه=الكـــلام اللـــي يـقــــوله يجـهـله


العـــواذل بالمـحــبــه فـي وجيه=لو عـــطـــاها الله تـراها تــقتـله


مـــن يـقـول الشعر مايكتب نزيه=الشــعـــر أحساس حـنـا نــنـقله


حارت حـروفي وانا أعــيش فـيه=أكتبه بـصـدق المـعـاني المجمله


الــهــوى ياشــوق عمري لوأجيه=هـــو عــلى شانــك انا لك أبذله


أوهــمــي قلبي وقـولي انك تبيه=صارحيني مـــن غـــرامـك بالوله


بــعــثري قلبـي حياتي واجمعـيه=جــــددي حبـــي مــعــك لاتهمله


ياعيـــون (ن) كحـلهـا دايم عـليه=من خــلقــهـــا الله وهـي ماتكحله


والشــعـــر لاطاح خصلتها بيديـه=يابـــري حالـــي أشوفه ماأجمـله


والخدود الحــمــر تعطي وجنتيه=أفخم الديباج خالـــط مخــمـــلــه


والجســــم هــذا هو اللي اقتفيه=اعذب الاشــــواق فيها مـــرسله


مااعـــد الـــوقت حتـــى ألتـقيه=لو يكون الليل باخره اوصــــلـه


ماعليك اليـــــوم منهــم صدقيه=وراعي اللي في ضميرك يشغله


باندفاع الشـــوق فيني أرحميه=الكلام اللي أ قــــــولــــه تقـبله

شعر \ماجد الراشد الهيري
أعذروا غيابي وعكه صحيّه