محاوره عابره

[سناعيس]

محاوره شاتيه مستعجله وعابره يوم الجمعه 25/8/1431هـ


سناعيس=
حياكم اللي موت الحي واحياه =وخلا لكم من بد خلقه محبه
الطائر المهاجر=
يامرحبا باللي تزايد خطاياه= ولوهو ضبط صومه بيعتقه ربه
سناعيس=
الله يرحمنا جميعا برحماه=الواحد اللي لابغى شخص حبه
الطائر المهاجر=
واليا غضب من شخص زادت بلاياه=فوق الصراط اليا جهنم يذبه
سناعيس=
ماتنفعك حيله ولا ينفعك جاه = لامن ربي سلقطك وسط غبه
الطائر المهاجر=
دامه معك مبسوط في كل ماجاه=حتى ولو في وسط نار يشبه
سناعيس=
بعض البشر من داه يستنتج دواه= بالذات لامنه لنفسه تنبه
الطائر المهاجر=
وبعض البشر لامن ضرب في مقفاه= يتغر ولو هو بالعٍ الف حبه
سناعيس=
ياطير من خلاك تمشي برجواه=انا اشهد انه فيل ويقال دبه
الطائر المهاجر=
مثل اللذي خلاك تمسك بعلباه=ظنه جراده ما درى فيك ضبه
سناعيس=
ياطير مانته طير شكلك بك هواه=والا افلونزا صابتك مستتبه
الطائر المهاجر=
ما نيب مثل اللي جهل وين ماطاه= حتى تزحلق وما بيديه كبه
سناعيس=
جناحك اللي كل شخص تمناه=مايدري ان الفار بريشه لعبه
الطائر المهاجر=
على الأقل ماني مثل من تهقواه= مثلك يسمى سبع سبع البرمبه
سناعيس=
منتف والذيل صارت حلاياه=كنه شعر هندي به الزيت صبه
الطائر المهاجر=
الهرش الاجرب ابتعد عن ملاقاه=زيت الفرامل فيه لاشك طبه
سناعيس=
عزي لعينك يابيض الريش عزاه=لاصرت محجور بقفل وضبه
الطائر المهاجر=
دامي بعيد عنك ياشين حلياه= انا بخير وفي قليبي محبه
سناعيس=
الطير لامن طار مانيب وياه=لكني اعرف وينهو من مكبه
الطائر المهاجر=
شوفك شجر ما كل شوفٍ ترآه=يصبح حقيقه لو بتلبس لجبه
سناعيس=
احد ليامن راح تعرف نواياه=واحدن ليا اقفى في زويله تشبه
الطائر المهاجر=
اما انت مثل اللي بودك ملاقاه= ولا شفت وجهه مثل كسرٍ بصبه
سناعيس=
الدلة اللي لامن احد تقهواه=يبين صانعها من اللي يربه