راعية الاودي .سالفه وقصيده [الأرشيف]

يوسف الشقران

27-07-2010, 11:19 PM

السلام عليكم

اولا :

( الاودي= سياره اودي ) >>> للي مايعرفها

هذي سالفه وقصيده

قبل سنين مادري متا بالضبط لكن بالقليل 15 سنه

دخلت الديوان ولقيت اخوي الكبير ومعه شخصين

واحد اسمه ابو فهد ورجال ثالث ماعرف اسمه

جلست معهم ويوم راحوا
لقيت ورقه طايحه بالارض مكتوبه بقلم حبر واحد اسود وواحد ازرق فيها الاتي

والقصيده طويله لكن هذا اللي اذكره منها

الجادل اللي على الودي = اللي مسا اليوم مرّتنا
فتون وعيونها سودي = مرّت مع الدرب واغرتنا
سلام ياغضة العودي = يوم المقادير جابتنا
قالت تبعّد عن حدودي = لاتقترب يم حروتنا

................... = ..................

والقصيده طويله لكن اخرها..

يابوفهد ضاع مقصودي = ريانة العود خلتنا....

قريتها مره او مرتين وخليتها

بعد اسبوع سالت اخوي عنها منهي له ؟؟!!
قال وشنهي قلتله اللي اتذكر منها

ضحك وقال هذي لو ماذكرتني فيها ناسيها
لكن هي لنا الثلاث وحنا جالسين انسولف
يقول
قلت البيت الاول وكمل ابو فهد بيتين ورد الثالث بيتين ثم هو كمل وهكذا

ويقول يوم طالت قفلتها بالبيت الاخير

(اللي خلاني اتذكرها لين اليوم هو سهولتها وموضوعها )

وسلامتكم

(وترى مادري المفروض باي قسم تكون بس انقلوها بمعرفتكم )

وسلامتكم