دموع الرجال

[صعبة المنال]

الغالي اللي يبي مني دموع اعتذار
ماقال لي عن دوافعها ولااسبابها

ان كان وده بموتي مت ذاك النهار
والا دموع الرجال اغلى من رقابها

غبن الهزيمه يروح بلذة الأنتصار
الا الهزيمه بذل احباب لأحبابها

لا وقفت سكتك وسنين عمرك قطار
اول ما تبدا من الطعنات تبدابها

الجاره اللي تعاملها بحسن الجوار
لاشدوا البدو واطنابك على اطنابها

وانا كذا لاسدلت نفسي علي الستار
في وجه ليلً يسوق الشمس لغيابها

اعدد اسماي لجل ان مرها الانكسار
يضيع فيها ولا اخطاها ولا صابها

والا ترى اسمي حقيقي واسمي المستعار
مامنه ثاني بأسامي الناس وألقابها

لو ان للقلب غير الذكريات اختيار
اللي توقف بي الخطوه على بابها

ماكان خلاني اعرف قيمة الأنتظار
والخوف من قول وداها ولا جابها

اكبر على الحزن لايجرح وقار الوقار
واقراء تعابير من حولي ولا القابها

الا احتقار النفوس وماصعب الاحتقار
من عين تنبت سهوم البغض بأهدابها

ياليت ربي ليا مد البشر بالعمار
مايعطي العاشقين اعمار تشقابها

يخصهم عن سواهم بالعمار القصار
مايمدي الحزن يمكنها وينتابها


مع المعزه والتقدير

هذه قصيدة للشاعر الكبير مدغم ابو شيبه

اتمنى ان ترتقي لذآآآئقتكم