عهود
13-05-2006, 02:19 PM
واقعنا ...
واقع نعيشه وبس نتهرب منه وليتنا نواجهه..ونحله ..
لماذا ندرس ولماذا نضيع عمرنا في دراسه ..دراسة الحفظ ..الذاكرة شيء امن أساسياتها ..والذكاء ليس عامود لها..اهو بحثا فقط عن الوظيفة ..دون استخدامه في مجالات أخرى..
______________________________ _______________
بقول كل ما في خاطري واسمحوا لي بأن اكتب بالعامية لعل يصل ما يجول في خاطري وما افكر فيه لكم دون تعقيدات:
ندرس وما نستفيد من اللي ندرسه غير القليل ..
تدرون ليش ..لأن الدراسه عندنا انسخ واللصق وتنجح بامتياز..
ليش تعليمنا يجبرنا على حفظ اشياء ماندري وشلون جت ولاشلون بتروح ..هذا واقعنا هينا ولاشوفوا مستوى التعليم اللي وصلوا له اللي برى ..وقارنوا بمستوى التعليم عندنا وعندهم ..راح تجدون فرق كبير ..
ليش الاختبارات عندنا احفظ صم وبس ..وهذا شيء ماراح تستغربون منه لأن الجميع اتوقع وليش اتوقع إلا متأكده انه سمعه كذا مره ..
أنا بنفسي اقولها ..لأني مجبوره عليها إذا مافهمت أو بمعنى اصح إذا اللي يدرسنا ماعرف يشرح احفظ اصرف لي..
شوفوا اللي وصلوا له اللي برى وحنا لسى ..حاطين يدينا على خدنا وننتظر التكنولوجيا والاختراعات اللي يقدمونها لنا بالرغم أننا نعرف اغلبها جزء من حربهم لنا بس بطريقه مبتكره ..
هم شغلوا شيء اسمه مخ ..وحنا نشغل بس الذاكره (ياربي هي كانت مكتوبه X+Y ولا Y+Xمن غير تفكير لو فكرنا عرفنا انهم نفس الشيء لاتقولون هذي تبالغ بس هي زي المثال هذا تقريبا بس مانحس فيه زي ماحسينا في المثال)
عندهم ناس أهم شيء تفهم وما انكر عندنا النوعيه ذي بس وين هي به ذي العقليه نادر وجودها ..
هم التدريب العملي والتجريب اكثر من للإطلاع فقط وممنوع الاقتراب والتجربة ..وش نبييه إذا كان للإطلاع فقط وش نستفيد منه إذا ما كنا نستخدمه أو نجربه أمكن نستفيد منه في المستقبل..
شوفوا اللي من شبابنا درس برى كيف مستوى تفكيرهم ..واللي يدرس هينا ..
مع احترامي للجميع ..صح اللي يدرسون هينا مثقفين وواعين والأدب والفلسفة منتشرة..
بس هم بعد عندهم ذا الشيء..الشيء الوحيد اللي مميزنا عنهم ونفتخر فيه الإسلام ..بس لازم العلم والتطور الفكري علشان نتساوى معهم ونفوقهم بعد ..
لأحد يقول وش فيها ذي ترى مب ناقصنا عقل ..عقل الحمد لله موجود وهذا اللي ميز الله سبحانه الإنسان به عن سائر مخلوقاته ..بس المشكله ما لقينا بطاريات تشغله ..البطاريات محدودة عندنا فقط للي تعلموا برى..ولا والله اتوقع لو يشتغل المخ عندنا ليطلع منه أشياء كثيرة أكثر من اللي طلعوه هم كيف لا واصلا كل اللي هم واصلين له من منبع تاريخنا وحضارتنا السابقة بس هم عرفوا يستغلونه ..
ترى أتكلم عن واقعنا و أنا من ضمن هذا الواقع و أنا بعد من ضمن اللي ينتظر بطارية ..
واقع نعيشه وبس نتهرب منه وليتنا نواجهه..ونحله ..
لماذا ندرس ولماذا نضيع عمرنا في دراسه ..دراسة الحفظ ..الذاكرة شيء امن أساسياتها ..والذكاء ليس عامود لها..اهو بحثا فقط عن الوظيفة ..دون استخدامه في مجالات أخرى..
______________________________ _______________
بقول كل ما في خاطري واسمحوا لي بأن اكتب بالعامية لعل يصل ما يجول في خاطري وما افكر فيه لكم دون تعقيدات:
ندرس وما نستفيد من اللي ندرسه غير القليل ..
تدرون ليش ..لأن الدراسه عندنا انسخ واللصق وتنجح بامتياز..
ليش تعليمنا يجبرنا على حفظ اشياء ماندري وشلون جت ولاشلون بتروح ..هذا واقعنا هينا ولاشوفوا مستوى التعليم اللي وصلوا له اللي برى ..وقارنوا بمستوى التعليم عندنا وعندهم ..راح تجدون فرق كبير ..
ليش الاختبارات عندنا احفظ صم وبس ..وهذا شيء ماراح تستغربون منه لأن الجميع اتوقع وليش اتوقع إلا متأكده انه سمعه كذا مره ..
أنا بنفسي اقولها ..لأني مجبوره عليها إذا مافهمت أو بمعنى اصح إذا اللي يدرسنا ماعرف يشرح احفظ اصرف لي..
شوفوا اللي وصلوا له اللي برى وحنا لسى ..حاطين يدينا على خدنا وننتظر التكنولوجيا والاختراعات اللي يقدمونها لنا بالرغم أننا نعرف اغلبها جزء من حربهم لنا بس بطريقه مبتكره ..
هم شغلوا شيء اسمه مخ ..وحنا نشغل بس الذاكره (ياربي هي كانت مكتوبه X+Y ولا Y+Xمن غير تفكير لو فكرنا عرفنا انهم نفس الشيء لاتقولون هذي تبالغ بس هي زي المثال هذا تقريبا بس مانحس فيه زي ماحسينا في المثال)
عندهم ناس أهم شيء تفهم وما انكر عندنا النوعيه ذي بس وين هي به ذي العقليه نادر وجودها ..
هم التدريب العملي والتجريب اكثر من للإطلاع فقط وممنوع الاقتراب والتجربة ..وش نبييه إذا كان للإطلاع فقط وش نستفيد منه إذا ما كنا نستخدمه أو نجربه أمكن نستفيد منه في المستقبل..
شوفوا اللي من شبابنا درس برى كيف مستوى تفكيرهم ..واللي يدرس هينا ..
مع احترامي للجميع ..صح اللي يدرسون هينا مثقفين وواعين والأدب والفلسفة منتشرة..
بس هم بعد عندهم ذا الشيء..الشيء الوحيد اللي مميزنا عنهم ونفتخر فيه الإسلام ..بس لازم العلم والتطور الفكري علشان نتساوى معهم ونفوقهم بعد ..
لأحد يقول وش فيها ذي ترى مب ناقصنا عقل ..عقل الحمد لله موجود وهذا اللي ميز الله سبحانه الإنسان به عن سائر مخلوقاته ..بس المشكله ما لقينا بطاريات تشغله ..البطاريات محدودة عندنا فقط للي تعلموا برى..ولا والله اتوقع لو يشتغل المخ عندنا ليطلع منه أشياء كثيرة أكثر من اللي طلعوه هم كيف لا واصلا كل اللي هم واصلين له من منبع تاريخنا وحضارتنا السابقة بس هم عرفوا يستغلونه ..
ترى أتكلم عن واقعنا و أنا من ضمن هذا الواقع و أنا بعد من ضمن اللي ينتظر بطارية ..