كشكول - الفطحول

[محمد بن عمار]

عـدنـا
.
مقتطفات من نزف القريحة
.

صفالي مدة ٍ قلت الهوى ماعاد به عذال = وصرنا بالسوالف ،، لاهرجنا ، نرفع الكلفه
أنا فعلا ًهويته والغلا في مهجتي مازال = ولكن هنت قلبي ، يتركه رغم ٍ على أنفه
.
.


تذكرت الكفوف اللي تشابك خمسها بالخمس = ودافي دمعة ٍ هلّت فرح لحظة ملاقاتك
تذكرت الربيع اللي غمس ورده بخدك غمس = حوى لون الشفايف وايتمخطر فوق وجناتك
.
.


لوتقابل كفيف إرتد فيه البصر = وارجعت به سنين العمرعشرين عام
خطر ٍ الماء أشوفه من خلال النحر= ومن طراة الجسم أشوف مخ العظام
.
.


لوقتيل الهوى والحب موته شهاده = كان أنا أول قتيل ٍفي المحبة شهيد
ولو، وريدي قلم ، والقلب دمه مداده = مايوفيّه مدحي جعل عمره مديد
.
.


تناسى عهودي والوفاء صار يلعب به = ونسى اني بشركلّي مشاعرواحساسي
ولاشك عيبي مهما سوّى بي أحبّه = من أخمص قدم رجله الى هامة الراسي
.
.


بقلبي غرامه مات لايحسب انه حي ّ = كتبت التنازل عنه وآبحرق صكوكة
سجلّه طويته من حياتي بايديني طي ّ = قتلت ابيقيني مارد الظن واشكوكة
.
.


ايتهصّر بالمشي لارحم جدّه = وايتعمّـد يظهرأنصاف الذوايب
مرخي ٍله خصلتين ٍٍ فوق خدّه = ماشي ٍ يلعب بهن والقلب ذايب
.
.


وفاي أكبرمن أحلام ٍ تعدى حدّها التوصيف = ومناي أبعد من أهداف العيون الإنتهازية
وكهرومغنطة حبي شعاعه مرّعبرالطيف = تجسّد موجة إرساله مشاعر إزدواجية
.
.


آآآه يانار ٍبصدري الحشا منها يكوّى = من لهبها ذاب قلبي والسراجيف انكوو
ماذبحني كود منقوض ٍ على الردف ايتطوّى = وخصلتين ٍ من على ثنية حجاجك انطوو
.
.


وتناثرت دمعات عيني وطاحت = من فوق خدي يوم رمشي نفضها
كفكفت دمعي والعيون استماحت = أعذار لأفعال ٍ مزاجي ، فرضها
.
.


أحد ٍ طوال الليل مشعل لك سراج = وأحد ٍمن المغرب ، يطفّي سراجه
وأحدٍ يرحّب بك على فلة ، حجاج = وأحد ٍ إذا شافك ، عقد لك حجاجه
.
.


كم ، سهرنا ، ليلة ٍ غلسا = والفجر، قد ، دقت أجراسه
المشاعر ،، بيننا ، حبسا = محتويني ، دافي ، أنفاسه
.
.


العنب مستميل ٍفي عناقيده = من عروش ٍزمت في روس الأنهادي
والشفايف تزيد الوضع تصعيده = رسمة الخط الأحمر لونها هادي
.
.


قلت له بأروي المشاعر والنظر منك أ ترسه = وآتحلّى ، من وصوف ٍ فيك يا كل المنى
وأبا أ حلّق فوق بحر العين مثل النورسه = هايم ٍ بين الرموش ، اللي لها ، ضيّ وسنا
.
.
.

يتبع