عقب الدفن ياسعود

[عمر ال شيبي]

للتواصل



البارحه والعين نوم الحمامي =مظّيتها سهران حالي جليّه
صوب التفاكير المساوي حطامي=مبصارها بالراس شيب ٍ شقيّه
منبوعها بركان جاب السقامي =من غابر الازمان وين الخويّه
وين اللذي بالروح دمه يحامي =وين اللذي للهمّ زايح رديّه
عقب الغثا والظيق ما لي مقامي = الدار قفّت والسوالف خليّه
متبوعها أحزان نفسي ركامي = مثل الجرح مبلول زايد بليّه
عقب الدفن ياسعود وين السلامي = تاهت عيون الشوق قلبي نديّه
مرصودها معيون رمش السهامي = مطلوبها بسعود جلْوِن سليّه
بين العرب والظيم طفلٍ فطامي= بين الاسى والروح شقّت عليّه
وين الشرع والدين وين الرحامي = وين اللذي قدام ربعه حميّه
هذي رحال العيس حطت عصامي = هذي بقايا كف تطلب عنيّه