نجم الإبداع
30-06-2009, 11:13 PM
ع)تقدم يافلاح وعلم اللي تقلب النيات = تراني شاعر وسط المواقف يحسب احسابه
ف)هلا بالصاحب الي مايعرف الزور واللفات =ولايقدر يخالف يوم مايبغونه انسابه
ع)انا ماهمني فالبنت لوراحت ولوماجات = انا ماجيت ادور غير رجلٍ يفتل اشنابه
ف)تركد يابن مذكر لاتثير الحرب والغارات = ترى بعض المعارف مالها دفتر وحسابه
ع)تراني مطرد المقفي ولاني للعرب شمات = احب اهل الوفاء والطيب واللي فاتحٍ بابه
ف)اعرفك زين وادري حول راسك ياخوي لفات = ولو حاولت تلعب جاتك الروعات منصابه
ع)انا لامٍ زعلت اصير كني هادم اللذات = سوات الطير يوم انه عشاه براس مخلابه
ف)انا خابرك تسقي الزرع ميرك ماتبي الفزعات= ولوّك صحت فينا كان جينا اليوم طلابه
ع)يدور الوقت والايام ترجع والعشاء مافات = وراع القرص مات وكب قرصه ماتهنابه
ف)عسى الله يارفيقي بالليالي يرحم الحالات = ومن دور على اهل الطيب ماحارت به اعتابه
ع)ولولا اهل الوفا ماجيت زاير عندكم بالذات = لان المنتدى هذا يشرف من تقدابه
ف)عسى الباري يجملنا معك ياراعي القالات = ومثلك نفتقد له لو يطوّل عننا غيابه
ع)احب اهل الفطاحل والفطاحل وايضاً الخفرات = واحب الشاعر اللي مثلكم شعره يغنابه
ف)احبك خالقك ياصاحب الرميات والطولات = وحنا لك معزه عندنا ياصاح ومهابه
ف)هلا بالصاحب الي مايعرف الزور واللفات =ولايقدر يخالف يوم مايبغونه انسابه
ع)انا ماهمني فالبنت لوراحت ولوماجات = انا ماجيت ادور غير رجلٍ يفتل اشنابه
ف)تركد يابن مذكر لاتثير الحرب والغارات = ترى بعض المعارف مالها دفتر وحسابه
ع)تراني مطرد المقفي ولاني للعرب شمات = احب اهل الوفاء والطيب واللي فاتحٍ بابه
ف)اعرفك زين وادري حول راسك ياخوي لفات = ولو حاولت تلعب جاتك الروعات منصابه
ع)انا لامٍ زعلت اصير كني هادم اللذات = سوات الطير يوم انه عشاه براس مخلابه
ف)انا خابرك تسقي الزرع ميرك ماتبي الفزعات= ولوّك صحت فينا كان جينا اليوم طلابه
ع)يدور الوقت والايام ترجع والعشاء مافات = وراع القرص مات وكب قرصه ماتهنابه
ف)عسى الله يارفيقي بالليالي يرحم الحالات = ومن دور على اهل الطيب ماحارت به اعتابه
ع)ولولا اهل الوفا ماجيت زاير عندكم بالذات = لان المنتدى هذا يشرف من تقدابه
ف)عسى الباري يجملنا معك ياراعي القالات = ومثلك نفتقد له لو يطوّل عننا غيابه
ع)احب اهل الفطاحل والفطاحل وايضاً الخفرات = واحب الشاعر اللي مثلكم شعره يغنابه
ف)احبك خالقك ياصاحب الرميات والطولات = وحنا لك معزه عندنا ياصاح ومهابه