بنت العز
23-06-2009, 05:31 PM
بسم الله الرحمن الرحيم
السلام عليكم ورحمة الله وبركاته
اضع بين ايديكم مرثيه للشيخ الشاعر :
عبدالله بن باحص العريفي( الخطيب )
في والدنا الشيخ الشاعر :
ابراهيم بن سعد العريفي
نسأل الله آن يرحمه ويسكنه فسيح جناته امين يارب العالمين .
لف الزمان ولـف معـه التقاويـم
وانفل حبل العمر لو كـان مبـروم
سهم المنيه خرم الشمـل تخريـم
واظن جلد الذات في الشرع مذموم
وين انت ياللي عـارف المفاهيـم
دنيـاك لاتغريـك بآمـال وحلـوم
والعمر له من والي البيـت تقويـم
اللي خلق جنس وهو كان معـدوم
مافيـه توخيـر ولافيـه تقـديـم
مقدار عمر الرجل في اللوح مرقوم
لوكان شمسي حاجب قرنهـا غيـم
عني وفكري شوشه فقـد شغمـوم
لاطاحت العمـدان مافـاد ترميـم
والكل منـا كاييـن منـه معلـوم
يوم فقدنـا فيـه راعـي مناظيـم
لو شفت حالي كنها حـال مسقـوم
عليه دمع العيـن مثـل الخراطيـم
زود على ماكان في الصدر مكتـوم
واعي ولكـن ذاهـل كنـي النيـم
والقلب من فرقا المحبين مهمـوم
يلعب بي الهاجوس غفله وتسجيـم
من غير فكر اقعد مع الناس واقوم
من حزني اللي واصل عالي التيـم
على رفيق العمر قبل امس واليـوم
أبو سعد زبـن المراجـل ابراهيـم
راعي وفا دايم بعيـد عـن اللـوم
الشاعر اللي في الحكم لـه ترانيـم
مبنا بيوته صلب ماهـوب مثلـوم
عزالله انه شاعر العـرض وفهيـم
كم فيه علق عقد الاشعار منظـوم
يشهد له اللي نازل من ورا القيـم
وابن فهيد ويشهد سهـول وبقـوم
كل يعرف القرم مـن دون تعميـم
عبر الاذاعـة والتساجيـل والبـوم
ياطـول والله مانصـوه المعازيـم
وياطول ماللمرجله يفـرق السـوم
هو راعي الطولات وقت الملازيـم
للربع سهل وصعب راس على القوم
مكرم الجيـران والضيـف تكريـم
الباب مفتـوح لطرقـي وملـزوم
كريم سبلا طيـب الفعـل والخيـم
متواضع مايعرف الكبـر والـزوم
رجل صبور الا على الجور والضيم
عن كل درب هابـط يبعـد الحـوم
قفا وسبب في الضمايـر عجاريـم
عساه من والي المخاليق مرحـوم
ومحرم جسمه على النـار تحريـم
يعطى كتابه فـي يمينـه ومخـدوم
لعل ربـي عنـه يجـلا المواثيـم
في ماقف باكر من الناس مزحـوم
وعساه يسكن فـي نعيـم وتنعيـم
في جنة الفردوس طربات وطعـوم
يالله يامـن لـك جـلال وتعظيـم
يا من جعلت الخلق معطى ومحروم
أنت الذي خصيت موسـى بتكليـم
وانجيت من نار المعاديـن برهـوم
احسن عزانـا والعيـال الشغاميـم
اللي عليهم منه لمحـات ورسـوم
للربـع خيـر وللمعـادي لواطيـم
كسابة النوماس شجعـان وقـروم
والكل مرشـد مايبـي زود تعليـم
عسا لهم في لمة الشمـل مفهـوم
أبوهم اللي رسـم الـدرب ترسيـم
بالميـز والا بالمواجيـب وسلـوم
يارب تغفـر للسلـف بالمراسيـم
اسلافنا ندعـي لهـم دايـم الـدوم
واطلبك يالمعبود حسـن الخواتيـم
العمر له حصـاد والـدرب داهـوم
لعـل عنـد الغرغـرة بالحلاقيـم
نطق الشهادة عقبها طبـت يانـوم
لابد مـن يـوم تطيـح المرازيـم
العفش بيع وعقبه المـال مقسـوم
والموت ياخذ كـل شـداد ومقيـم
من وقف يومه صابه الموت بسهوم
يامن خذا تاجر وراعـي مجاهيـم
وملوك عربان وفـرس مـع روم
والكيس اللي قسم الوقـت تقسيـم
بين المعاش وقومة الليل والصـوم
وصلوا على المنزل عليه الحواميم
نبينا عن هـوى النفـس معصـوم
عليه مـن ربـي صـلاة وتسليـم
ماجن ليل وبانـت اقمـار ونجـوم
السلام عليكم ورحمة الله وبركاته
اضع بين ايديكم مرثيه للشيخ الشاعر :
عبدالله بن باحص العريفي( الخطيب )
في والدنا الشيخ الشاعر :
ابراهيم بن سعد العريفي
نسأل الله آن يرحمه ويسكنه فسيح جناته امين يارب العالمين .
لف الزمان ولـف معـه التقاويـم
وانفل حبل العمر لو كـان مبـروم
سهم المنيه خرم الشمـل تخريـم
واظن جلد الذات في الشرع مذموم
وين انت ياللي عـارف المفاهيـم
دنيـاك لاتغريـك بآمـال وحلـوم
والعمر له من والي البيـت تقويـم
اللي خلق جنس وهو كان معـدوم
مافيـه توخيـر ولافيـه تقـديـم
مقدار عمر الرجل في اللوح مرقوم
لوكان شمسي حاجب قرنهـا غيـم
عني وفكري شوشه فقـد شغمـوم
لاطاحت العمـدان مافـاد ترميـم
والكل منـا كاييـن منـه معلـوم
يوم فقدنـا فيـه راعـي مناظيـم
لو شفت حالي كنها حـال مسقـوم
عليه دمع العيـن مثـل الخراطيـم
زود على ماكان في الصدر مكتـوم
واعي ولكـن ذاهـل كنـي النيـم
والقلب من فرقا المحبين مهمـوم
يلعب بي الهاجوس غفله وتسجيـم
من غير فكر اقعد مع الناس واقوم
من حزني اللي واصل عالي التيـم
على رفيق العمر قبل امس واليـوم
أبو سعد زبـن المراجـل ابراهيـم
راعي وفا دايم بعيـد عـن اللـوم
الشاعر اللي في الحكم لـه ترانيـم
مبنا بيوته صلب ماهـوب مثلـوم
عزالله انه شاعر العـرض وفهيـم
كم فيه علق عقد الاشعار منظـوم
يشهد له اللي نازل من ورا القيـم
وابن فهيد ويشهد سهـول وبقـوم
كل يعرف القرم مـن دون تعميـم
عبر الاذاعـة والتساجيـل والبـوم
ياطـول والله مانصـوه المعازيـم
وياطول ماللمرجله يفـرق السـوم
هو راعي الطولات وقت الملازيـم
للربع سهل وصعب راس على القوم
مكرم الجيـران والضيـف تكريـم
الباب مفتـوح لطرقـي وملـزوم
كريم سبلا طيـب الفعـل والخيـم
متواضع مايعرف الكبـر والـزوم
رجل صبور الا على الجور والضيم
عن كل درب هابـط يبعـد الحـوم
قفا وسبب في الضمايـر عجاريـم
عساه من والي المخاليق مرحـوم
ومحرم جسمه على النـار تحريـم
يعطى كتابه فـي يمينـه ومخـدوم
لعل ربـي عنـه يجـلا المواثيـم
في ماقف باكر من الناس مزحـوم
وعساه يسكن فـي نعيـم وتنعيـم
في جنة الفردوس طربات وطعـوم
يالله يامـن لـك جـلال وتعظيـم
يا من جعلت الخلق معطى ومحروم
أنت الذي خصيت موسـى بتكليـم
وانجيت من نار المعاديـن برهـوم
احسن عزانـا والعيـال الشغاميـم
اللي عليهم منه لمحـات ورسـوم
للربـع خيـر وللمعـادي لواطيـم
كسابة النوماس شجعـان وقـروم
والكل مرشـد مايبـي زود تعليـم
عسا لهم في لمة الشمـل مفهـوم
أبوهم اللي رسـم الـدرب ترسيـم
بالميـز والا بالمواجيـب وسلـوم
يارب تغفـر للسلـف بالمراسيـم
اسلافنا ندعـي لهـم دايـم الـدوم
واطلبك يالمعبود حسـن الخواتيـم
العمر له حصـاد والـدرب داهـوم
لعـل عنـد الغرغـرة بالحلاقيـم
نطق الشهادة عقبها طبـت يانـوم
لابد مـن يـوم تطيـح المرازيـم
العفش بيع وعقبه المـال مقسـوم
والموت ياخذ كـل شـداد ومقيـم
من وقف يومه صابه الموت بسهوم
يامن خذا تاجر وراعـي مجاهيـم
وملوك عربان وفـرس مـع روم
والكيس اللي قسم الوقـت تقسيـم
بين المعاش وقومة الليل والصـوم
وصلوا على المنزل عليه الحواميم
نبينا عن هـوى النفـس معصـوم
عليه مـن ربـي صـلاة وتسليـم
ماجن ليل وبانـت اقمـار ونجـوم