المواطن ومدير التوظيف

[نجم الإبداع]

الطائر)اذا تبغى يابن منشار تتجر في ظرف شهرين= توكل واشتغل حفار واكسب عملة صعبه
ولكن خل لك دقن يصل سرك ولو شبرين= وحوقل وانصب وتفتف تخدع الطير مع شعبه
فلاح)انا باقلب الفكره براسي واحسب الدارين = وباحسبها بسرعه ياعساها توفي الحسبه
وباشغلك عندي عقبها يمكن بدولارين = لانك صاحبي والصاحب انا دايم احبه
الطائر)بكذا تكسب بدال الأجر بالميزان عن اجرين= فتنفع حي متعذب وتبني قصر مع عزبه
وحتى تضبط الشغله يبي لك مسجد او اثنين= تأذن ويمكن تؤم اللذي يصلي بلا جبه
فلاح)انا لي كم سنه ابحث وادور عن عمل ياحسين = وكل ماجيت للتوظيف قالو خلفك الصبه
اذا لك واسطه تمشي واذا مالك فزد بالدين= وخلك يامواطن للفقر واحوال منصبه
الطائر)وليش الفقر يامغفل وقبر الرجل بالمترين= تمتع واقطف الأعضاء بمبلغ واضح كسبه
فربك ما ومر بالفقر واعطاك العقل ياذهين= فشغل مخك التعبان تكسب به وتلعب به
فلاح)اذا مابه وظيفه كيف تقدر تشغل الكفين = وماعندك فلوس وحالتك صارت في الغبه
تبيع الكبد والكليه وبكره تقطع الاذنين = حرام افكارك السوداء ياعود اش فيك مرزبه
الطائر)رجاك بحي مو ميت فطس من يوم او يومين= فجمد قلبك اللين ودور رزق تحمد به
وعش دنياك متنغنغ مثل غيرك من الدلخين= وربك عالم النيبه وفعل الخير تؤجر به
فلاح)يامصاص الدماء اليعربيه ياقرير العين = الا تخشى الذي سواك والرشوه لك مدبه
اكلت اموال خلق الله بالباطل يابو شدقين =جشعك الي عثرنا دوم يالعربي من التربه
الطائر)مادام الدود رايح ياكله فانت اولى يبو فقرين=وتحيي شخص ما اسعفه لاكيه ولا طبه
واذا انك ناويٍ بالفقر فلاني مقنعك هالحين= فعش في الفقر احلى لك وخل الرزق والهبه
فلاح)تجمع في فلوسك بالرباء وتواكل القردين = وتبخل بالزكاه وتقفل الصندوق بالضبه
وفي يوم الحساب تشوف لك عند اللقاء نارين = فلا ينفعك مالك يومها والقصر ابو قبه