محاورة قويه من الشات

[عبدالله السويلم]

صنداح ( بعض السوالف مالها عندي سوال والاجواب = اقول للي جابها ياشيخ قفل بابها
ترانيم ( اكيد بسكر عليها باب يتلاه الخطاب = مضمونه أجمل عذر حملته لكم بخطابها
السويلم ( يابن الزلامي كل بيت(ن) فيه شبك وفيه باب= والسالفه ياصاحبي ترجع على اللي جابها
الزلامي ( يامرحبا ياهل الخطاب اللي تحثون الركاب = لاكن ابقطع سكت الغلطان لايضرابها
ترانيم( حنا غلطنا عالزلامي والزلامي مايهاب = لاشك حنا من ميانت نفسنا لحبابها
السويلم ( بعض العويد الله يعين الى انكسر ماعاد طاب= يموت ماوالله يفكر بعدها ياطابها
صنداح ( العذر للعراف يغني عن طعام وعن شراب = واللي يقدر كلمته يقدر يحسب حسابها
ترانيم ( العذر ما ينفع ولكن يجبر الله هالمصاب = دام العذر ماينقبل بكسر مع الرجلين ناب
السويلم( مابيني وبينك ياصنداح الزلامي من عتاب=الدعوه اللي قلت ياصنداح لاتبلابها

صنداح( ياعرقسوسي فيك عرق من العروق اليوم ذاب = هدى العلوم شوي لاتثقل عليك صعابها
ترانيم(منيه تجيب من القوافي للشناب= وزهره تشجعها لموت اشنابها
صنداح ( بالهون ياتر نوم بعد انا كتنا لك كتاب = ماعد لك كلمة خلاص السالفه فزنابها
ترانيم ( صنداح لحمك سم ما يوكل ولا يوخذ زهاب =والسالفه عند السويلم طالعه يقرابها
صنداح ( عبدالله انت اثرك تحب الشر وتحب الخراب = خربتها ياصاحبي والنار من شيايها
السويلم ( ان كان تبغيني معك عطني شوي امن الزهاب= لاتاكل الصيده تحسب ان غديت اولا بها
صنداح ( الصيده اللي صدتها صيدة عزيزين الجناب = حرام تقربها يابو لحيه ولا تهنابها
ترانيم ( أشوف السويلم يحسبن الريم صيده للغراب = عز الله انك غادي وتغديك في مشعابها
السويلم ( يالله عساك اتصاد ياصنداح يامال الذهاب=جعل الذيابه تاكلك ياصاحبي بانيابها
صنداح ( الله يغرب حيلتك ياللي تسبين الشباب = والصيدة اللي في ديركم بارضها وترابها
السويلم ( انشبتنا ياعل تنشب في شرابيك العذاب= شبيتها والنار ياصنداح من شبابها
صنداح ( ليا قفلت الباب يفتح عندكم عشرين باب = ضيعت بين جبال ترنومه وبين هضابها
ترانيم( نيشانك اللي تعتزي به اندفن وسط التراب = والسيف يعرف قوته من سلته ونصابها
صنداح ( ترنوم قلعنا سنونك مابقي لك غير ناب = لابقين للبنت غير اعروقها واعصابها
السويلم(والله فلالي نية(ن) يابنت حيين الجناب=لاتبعدين الرمي خلّي بندقك في جرابها
ترانيم ( صنداح واهي ما بقا به حيل لحمول الصعاب = ماعنده الا مقلعه لضروسها وانيابها
صنداح ( عندي عصب ودني ابيعه على الناس الغراب = ربعي ميبغون العصب واعصاب ماكنابها
ترانيم ( نبغي علوم رجال مانبغى خرابن في خراب = القلعه اللي صامده ماتفتحون أبوابها
عبدالله الشويمان( اسمع بصوت اللي يقول الصيد بالحره=سراب=مير البواريد بصقه ما تفتهم بالبابها
فمان الله
السويلم ( ولد الزلامي يوم روّح ثم عوّد ويش جاب= جاب المطمه مادفنها فلخلا ماجابها
صنداح ( علم الحقيقه كل شي يشيب حتى القاف شاب = والحجه اللي وردت قرايها كتابها
ترانيم ( خلك على ربابتك لاتقرب لروس الحراب = لا يغرك الرسو المصدي ما يشد أطنابها
-----------------------------------=----------------------------------------
-----------------------------------=----------------------------------------
-----------------------------------=----------------------------------------
-----------------------------------=----------------------------------------

العطاوي( يا سلامي عليكم يا سلامي = واسمحوا لي بالعابكم شويه
السويلم وصنداح الزلامي = افتحوها على وجه البنيه
صنداح ( مرحبا يارفيعين المقامي = ردها باللوفاء ميه بميه
السويلم ( الشويمان والا ابن الزلامي=بادرو للعطاوي بالتحيه
صنداح ( العطاوي دخل والضرب حامي = مامعه سيف ولابندقيه
السويلم ( اشهد انك على قول الزلامي = بنت بدو(ن) وخالتك ابدويه
العطاوي ( يا طويل العمر شد الحزامي = فيه نيه وفيه الفين نيه
ترانيم ( العطاوي ضاع من بين الأسامي = والدواء مطلوب والنيه مطيه
العطاوي ( ما هقيت أن في العتبان غاوي = لين شفتك بهاذيك العشيه
السويلم ( ماتعرفين شئ(ن) من كلامي=تيتغابين والا انك غبيه
الشويمان ( العطاوي رجل شاعر عصامي=ان كتب بيتن يجيبه مقدريه
العطاوي ( ايه بس اختفى الحر النداوي = قبل شهرين ما واجهة زيه
السويلم ( العطاوي ونعم_ن) بالعطاوي= جاء برجله الى حد المنيه
العطاوي ( يالسويلم تراني فيك ناوي = وان هجدتك فلا تزعل عليه
ترانيم ( العطاوي جاء يدورله ملاوي =ضب ماتقبله حتى العسكريه
الشويمان ( شفت بين الفطاحل مر امامي=عقرسوسيتن تمشي عميه
العطاوي( يا ترانيم يا قرب الحراوي = بس زيدي من الكيله شويه
السويلم ( جاك ياصاحبي نجم(ن) سماوي=طاح في كبد صنداح(ن) وميه
العطاوي ( الشعر راح عند أهل الغطاوي = بيع حبحب مثل سوق الحويه
يالسويلم هاك الحر النداوي = يا خوي تعثر في خويه
ترانيم ( الحراوي ماتفيدك وأنت شاوي = ابدوين ماتعرف المهمهيه
الشويمان ( المهاجر يقول الهمس خاوي++ليتكم للغزو تمشون زيه
العطاوي ( قصة وصلت على لسان الف راوي = دابها صنداح يوم الشمس حيه
ترانيم ( ول ياصندااح خل الضو ضاوي = افزعو له ياعتيبه افزعو له بالحويه
العطاوي ( يا ترانيم والخط متساوي = اعبري لك مع الشارع شويه
كية الراس اخير من التداوي = مير ابا اكويك دام النار حيه
السويلم ( يالعطاوي على ويش انت ناوي= اشهد ان يابودحيم بليه
العطاوي ( يالسويلم تراني ذيب عاوي = شايف له من المغرب مطيه
السويلم ( يالعطاوي عسى منتاب غادي=وش علامك تدور ابلا هويه
الشويمان ( المطايا العطاوي معها شاوي=لو تجي منها مطيه جاك كيه
السويلم ( لاتعرض جنوبك للبرادي=يلفحك سمه اللي تقل حيه
يالمنادي علامك لاتنادي=ردة البل شبعانه رويه
ترانيم ( المطاوي ماتسهل للملاوي =ياعتيبه ماكلين الكبد نيه

------------------------------------=-----------------------------------
------------------------------------=-----------------------------------
------------------------------------=-----------------------------------
------------------------------------=-----------------------------------

العطاوي ( ابن شويمان وابن سويلم راعين معنى ومغنى =اعطيتهم كلمة الراس .. واخذت منهم فضية
راحوا ضحية مسيلم واعلوم حنا وحنا = والقلب حاشيه وسواس = والعلم فوق المطيه
في حلم ولا تحيلم يالشاعر اللي معنا = وان قلت عساه ما باس قلت الحقوني بكيه
السويلم ( تجي على ريحة الدم من حارشك ماتهنا=حدك مثل حد الامواس تاكل ضحيتك حيه
العطاوي ( عبد الله انته تكلم .. وتقول عنكم وعنا = معطينك الربع مرواس .. وتشيل مهم عليّه
السويلم ( ياطيب الخال والعم وش فيك لاتمتحنا=راسي ترا نصفه نعاس ومجوداته يديه
العطاوي ( يا رجل خلك من الهم .. واليف حده محنا = وان كان دقن الاجراس - ناديت اخوي وسميه
السويلم (احط واشيل فلهم وكب منا ومنا=ماغير مزكوم وعطاس والنفس ماهي خليه
عسى وقف عنكم الجم يومه وقف عاد عنا=مربوعتك تقلب الراس اللي عروقه قويه