هذا الذي ماله طبيـب

[دايود صالح الخلف]

في احد الشوارع مريت ولقيت مجموعه من الشباب واقفين
تالي الليل طبعا ً وفيه له واحد بينهم يرقص ويتهزهز واللي فيه
يضحكون ويصورون المهم ماطولت هالحاله لين جـت الدوريات
الأمنيـه ويوم شافهم انحاش بسرعه وقام يجري حتى نسي
انه راكب مع واحد وحوسته كلها طايحه بالارض من الرقص
المهم اللي خذا جوال واللي خذا فلوس واللي خذا له طيب=عطر
لان النوعيه هذولا ياخذون عطورات احجام صغيرهـ :)
ينافسون الحريم بالايتكيت :)
فـ شفت هالموقف وانا بطريقي لإستراحه خويي وتذكرت هالموقف
وكتبت هالابيات




في شارع النقـره هبال=في تالي الليل الكئيب
شفت الذي شال العقال=والشعر الاسود مايغيب
وغد ٍ ومعطى له مجال=دايم على الشارع يجيب
سبب مشاكل للعيـال=حيثه يقول انه عجيب
بيض ٍ ومعهم هالخوال=ياقرد عينه هالحبيب
اول يقول انه خيال=بالزين والحسـن الرهيـب
وخصوص لامن استمال=وسط الشوارع مايعيب
شال الحياء شال الكمال=شاله وليـته مستصيب
لكن تغيـر به مقال=يومه لمح نور الغريـب
انحاش واقفى عن خبال=حتى طريقه به لهيب
يركض وخلى له حلال=منثـور من خوف ٍ رهيب
اللي سـرق منه الريال= واللي خذا عطر ٍ وطيـب
واللي ضحك له ثـم قال=هذا الذي ماله طبيـب