لا واهني من كان يملك مكينه

[عذب القوافي]

أبيات وصلتني عبر رسالة جوال ويبدو أنها متداوله بين الناس حول
لعبة مكائن الخياطه حاولت مجاراتها آمل أن تنال الرضا:


لا واهني اللي ورث له مكينه=أو ليتني خيّاط ومحصل ٍ فود
يوم المكينة صارت آله ثمينه=والناس صارت بين ناشد ومنشود
اللي لقاها مرضين والدينه=ومن سعد حظه كنه اليوم مولود
وراع الفراشة صاح والله غبينه=وراحت حياته كلها لهود بلهود
وراع الأسد يضحك وطابت سنينه=من عقب ماهو ضايق الصدر مقرود

وهذا الرد :


عبدالعزيز النفس امست سجينه=دام الإشاعة حافت الورع والعود
ياكيف سنجر بالتحايل ذهينه=سكرابها يسوى جنيهات ونقود
كيف الأسد ينباع داخل عرينه=وصارت فراشات الزمن عقبه تنود
والسالفة يالقرم ماهي مكينه=السالفة كيف الغباء صاير بزود
القل مجرم والحوايج رهينه=والقلب والله من غثاء الوقت ملهود
وين النفوس الواعية والفطينه=ضاقت مدامه تستمع كل مقرود

تقديري للجميع ,,,,