زيد راجح
07-04-2009, 07:00 PM
انا يوم وجهة الرساله مجرد رأي=تناسبك خذها ما تناسبك جنبها
خلاصة تجارب يابيض الوجه من دنياي=ولافيه ما يلزمك حتى تجربها
لكني جبلت أمد لهل الوفاء يمناي=ونفسي علي ما يرفع الراس أتعبها
أخذ راحتك خلك علي الرجم رايح جاي=ترى فيه ناسٍ جرة الصوت تطربها
وانا ما تغيرني روابعك عن مبداي=ونفسي عيوف ونادر اللي يناسبها
أصيب الهدف لاتحسب اني على عمياي=واشوف العرب بالعين واعرف مراتبها
لو يحاولون الناس ما يلحقون أقصاي=بحورٍ بعيدٍ شرقها عن مغاربها
من أغلى الجواهر والذهب مالياً مخباي=وفى كل دربٍ صعب خطواتي أحسبها
انا بين وافين الخصايل على مركاي=ولاني بأقول انا افهم الناس واطيبها
نصيحه محبٍ قدمت لك ضمن معناي=ياليتك تميز فى خطاها وصايبها
خلاصة تجارب يابيض الوجه من دنياي=ولافيه ما يلزمك حتى تجربها
لكني جبلت أمد لهل الوفاء يمناي=ونفسي علي ما يرفع الراس أتعبها
أخذ راحتك خلك علي الرجم رايح جاي=ترى فيه ناسٍ جرة الصوت تطربها
وانا ما تغيرني روابعك عن مبداي=ونفسي عيوف ونادر اللي يناسبها
أصيب الهدف لاتحسب اني على عمياي=واشوف العرب بالعين واعرف مراتبها
لو يحاولون الناس ما يلحقون أقصاي=بحورٍ بعيدٍ شرقها عن مغاربها
من أغلى الجواهر والذهب مالياً مخباي=وفى كل دربٍ صعب خطواتي أحسبها
انا بين وافين الخصايل على مركاي=ولاني بأقول انا افهم الناس واطيبها
نصيحه محبٍ قدمت لك ضمن معناي=ياليتك تميز فى خطاها وصايبها