ملحة الرياحي في ابن عضيبة

[ضعيان البدرانى]

ملحمة ابن عضيبة



هبت هبـوب الشعـر ياسمّاعـي=تلف بالـراس وتهـز أضلاعـي

هاذي من عيون الأدب موسوعـه=يشير إلهـا التاريـخ بالإصباعـي

تحية الشعـر الرصيـن الراقـي=ماتقبـل الأنصـاف والأربـاعـي

ترقص على روس الجبال الشمّـخ=وإن طبـت البيـدا تهـز القاعـي

وإن حركت موج المحيط الهـادي=فالبحر بحري والشراع شراعـي

شاعـر وأميـز فالعلـوم بـدقـه=وإن ماقتنعت بصدق صعب إقناعي

أنـا سعـودي وأفتخـر بملوكـي=إخوان نـوره فزعـة المرتاعـي

مامثلهم فالشـرق الأوسـط كلـه=عيـال عـودٍ للمراجـل واعـي

عسـاه بالجنـه يـربـع فيـهـا=حيـث أن لـه بقلوبنـا مرباعـي

وأحـب حكـام الخليـج السـتـه=حبٍ من الواقع ماهوب صناعـي

منهم حمد بو مشعل اللـي = وفـىّوكفىّ وذكـره بالجزيـره شاعـي

أمـجـاده ومواقـفـه وأفعـالـه=سعى بها في كـل ديـره ساعـي

ياحي أبو مشعل ياحـي الدوحـه=ليا جيتها معـاد أبـا المطلاعـي

فيهـا لعكفـان الشـوارب سجـه=مع طيبيـن الأصـل والأطباعـي

ماهيـب سجـة عالـم منتهـيـه=الفكـر جايـع والعيـون جياعـي

حنا رجـالٍ مـن رجـالٍ تعـرف=ماعندنا كـذب ودنـس وخداعـي

عزالله إنـك يابـن قايـل وافـيت=عرف مزاجي وهدفي وأطباعـي

عرفتنـي باللـي يشـرف عرفـه=معرفتـه تـشـرى ولاتنبـاعـي

رجلٍ قبل شوفه سمعـت أخبـاره=باجيه لو مارسـل علـي الداعـي

مافالجزيره مثـل علـي المـري=لو المراجـل والرجـال أنواعـي

له سمعـةٍ فاحـت بعطـرٍ فاخـر=عطرٍ على كل المجالـس فاعـي

بالعـود والعنبـر وهيـل الـدلـه=والمسـك والريحـان والنعناعـي

كـلٍ يحبـه يـوم حبـه ربــه=حبـوه كـل النـاس بالإجماعـي

مقلاطنا في مجلس إبـن عضيبـه=وترحيب وعيالٍ لهـم شعشاعـي

يسوى حياة شعـوب مـن تاليهـ=اعاشت علـى التنويـم والإقناعـي

أوي فنـجـالٍ يقـنـد رأســي=ليا صك فيه الهاجـس الرماعـي

في مجلسٍ مابنـي مثلـه مجلـس=فيه الشحم والعـود لـه ذعذاعـي

مجلس على بن صالح إبن عضيبه=مجلس ملك ماهوب مجلس راعي

علي على إسمـه عاليـاً فالقمـه=له فوق هامات العلـى مطلاعـي

حرٍ رقى فوق السحـاب بحومـه=عدل المناكـب مخلبـه شلاعـي

يوم الصقـور مبرقعـه مابرقـع=مخلوق حر ويرفـض البرقاعـي

مبهور من شخصية أبـو صالـح=شيخٍ مع الأبطـال صيتـه ذاعـي

دكتـور علـم ومعرفـه ومحنـك=ذكي صميـدع فـارسٍ شجاعـي

راوي حكيم من الطـراز النـادر=ويميـز الجزلـه مـن القشاعـي

يكفيك وأنتـه جالـسٍ فـي جنبـه=تسمع فنـون الشعـر والإبداعـي

وإن جيت في باب الكرم واوضاعه=وبتقارنـه مـع أغنيـاء وشباعـي

بحـرٍ تصـب الأوديـه بأطرافـه=والأوديه فالبحـر ماهـا ضاعـي

هذا محيـط الجـود راع النفعـه=سمـوه شيخـان العـرب نفاعـي

يامـا نفـع مـن عالـمٍ محتاجـه=ويامـا دعولـه سجّـدٍ ركّـاعـي

نهـر تـدفـق مايغـلـق نبـعـه=على شواطيـه العـرب شراعـي

من روس صافين المعـادن ربعـه=مطوعيـن العاصـي الطمـاعـي

أل البحيح إن زعزعـوا نخوتهـ=مصاب القلوب الساطيه زعزاعـي

ركنٍ من أركـان القبيلـه شامـخ=قبيـلـةٍ تاريخـهـا ماضـاعـي

أل مره أل مـره ونعـم أل مـره=مرٍ علـى كبـد العـدو قعقاعـي

فيهم من الميزات مـالا يحصـى=أخذ الكلام اللي علـى الأسناعـي

اليا بغيت تصـادق إختـر مـري=السلم وافي والصـدور وساعـي

صداقـة المـري تـدوم وتنـفـع=مثل الدوى اللي يبري الأوجاعـي

وليا بغيت تخـاوي إختـر مـري=يدرى مناقيـد الخـوي ويراعـي

وليا بغيت تقاصـر إختـر مـري=قصيرهـم فـي عالـي الرفاعـي

لكـن عـدوك لاتحطـه مــري=تروح لك روحه بـلا مرجاعـي

عدوانهم تحـت اللهيـب الحامـي=لاشافعيـن ولالـهـم شفـاعـي

المره أهل الخيل وأهـل النخـوه=وسيـوف هنـدٍ حدهـن لماعـي

الخيـل صفـرٍ كنهـا مسبـوكـه=سبك الذهب في حانـة الصناعـي

واللي عليهـا مـن عيـال المـره=إمهزعـة صـف العـدا هزاعـي

لطامـة العايـل حمـاة المجهـم=سواقة العطفـه علـى الدراعـي

من صلب يام اللي عريبٍ جده=ـمسبـاعٍ مغـذاةٍ بــدم سبـاعـي

ياويل والله مـن يجـي بنحورهـم=يوم الرصاص الحي له لعلاعـي

قـومٍ لهـم فـوق الثريـا بيـرق=ومجدٍ ملا الأبصـار والأسماعـي

إيـوالله أمدحهـم وربـي شاهـد=قلبـي لسمحيـن النبـا مولاعـي

المدح فالطيّـب وجـوبٍ واجـب=يستاهل الطيـب طويـل الباعـي

والمدح فالرديـان هفـوة شاعـر=لالايـقٍ فيهـم ولالــه داعــي

حتى القصايد حيـن قيلـت فيهـم=أصحابها وجعـا وهـي وجاعـي

يـوم أتسمعهـا تـفـور دمــي=وبعد تسبـب دوختـي وصداعـي

ودك مايمدح غيـر رجـلٍ وافـي=مدحٍ ماهـوب مجامـلٍ وخداعـي

الكـذب وجهـه بالشكـوك مقنـع=والصدق وجهـه ماعليـه قناعـي

قال المثل عيب الجمـال رغاهـا=وعيب الرجال الكذب والرقاعـي

قلتـه وأنـا مـن لابـةٍ معروفـه=حنا البقـوم ليـا دعانـا الداعـي

سهوم المنايا عزوتـي وحزامـي=سيفي ومخلابي وعظـم ذراعـي

وكـل القبايـل ماعليهـم قاصـر=واللي نقصهـم مخـطٍ الأسناعـي

الطيب كـلٍ منـه ياخـذ قسمـه=بيـن الرجـال مـوزعٍ وزّاعـي

تمت وتم القـاف يابـن عضيبـه=وإسلم فداك الخايـب الرعراعـي

فيصل الرياحي البقمي (رحمــه الله)