منيع
23-03-2009, 07:23 AM
ياهي بلوه من تركب سيارتك الا ينقز قدامك سواق عرفات على قولت اهلنا في امثالهم وليت سواق عرفات هذا رجال سنع لاتراه واحد مزعج دمه ثقيل يطلع عليك ويلف على يمينك بدون مايبالي وتزعيق بالهرنات ويقمز عليك بالنور كن عنده حاله طارئه وهو واحد طرطنقي لاشغل ولامشغله ماعنده الا العربده في شوارع خلق الله ولايمرح ولايستقر ولاتهييه عيشه الا اذا غث الناس وفحط عليهم وسب هذا وحول وتهاوش مع ذاك بدون سبه ولامسبه ناس فاضين وعايشين الحياة بالغلط والعفرته وتعال عاد تفاهم معاه تلقاه سوقي لامنطق ولاادب بصراحه ماادري لامتى وهؤلاء الصايعين الضايعين ماهمهم الا العربده على غير فايده ولاعايده