كنها تخت من زرياب غنّاها

[نجم الإبداع]

أنت ياللي رجوله مابعد حفن=تدعس الكايده والغير ماأثناها
لو تبيها تجيها مابعد قفن=بس هي وافيه من طيب مجناها
في حشاها من الابداع ومدفن=أو هي إبداع من لقصى ليا ادناها
شبت الضو وأنوار العرب طفن=والحظيظ الذي ياخوك يقناها
شامت أقرا العيون النجل وش خفن=جاتك بباقه وذابت بيمناها

أنت لاغبت تسهر ناس ماغفن=لأنك الشعر والكلمه ومعناها


مرحبا يالجعيدي عد من شفن=للهوى في ديارن ماعرفناها
وعداد العرايس لامن انزفن = وعداد السحب لانزلن ماها
صح قلبك وكلماتك لنا شفن=يكفي انك نظمت احروف شفناها
انت شاعر جميل وجبت ماخفن=من قوافيك كلن ياتمناها
جيتك عندنا للموجبه وفن = تسلم الجيه وراسن تكناها
ردكم تاج فوق الراس متصفن=نفتخر في شهادتكم وردناها