افوز في جمعى النبي والصحابه

[الطامي]

تلعب بي الدنيا على كيف ماتريد =وان كان هذا حض يامرحبابه
ماني بغضبانِ على الحض وعنيد = مقسوم والمقسوم مابه اطبابه
ماني بشاك ويفعل الله مايريد = سبحان جلاب المطر من سحابه
يامن على عرشه يرى كامل البيد =ويعلم ما لانعلم بذر الحصابه
ويامن يسبح له هذا الكون توحيد = يافارج الشدات بعد النشابه
انت الذي تعطي بلا من وتزيد = وانت الذي تمنع بليا رقابه
ارفعلك الكفين وادعو بترديد= لاطاب نوم اللي بحياته زلابه
يامن اصلي له بطاعه وترديد=انك تعين اللي زمانه سطابه
وانك توفقني الى الخير وافيد =يامن اليه الملتجى والأنابه
وانك توسعها علي دون تحديد= والرزق منك دون مَن وطلابه
تحفظ الساني من كلام الهلابيد =اللي الجوارح من اذنوبه غلابه
وتنجيني من يوم يشيب الاواليد =وكلً يقدم له عريضة كتابه
وتدخلني الجنه برحمتك واريد =افوز في جمعى النبي والصحابه
هذا الدعاء مقرون حمد وتمجيد = يامن امر ادعوُ وعندي الاجابه