يارب أبي عن ضيقة الصدر مخـراج؟؟مع الشلوي

[الطامي]

يامدرج أفلاك السمـا بأمـرك أدراج=والكون مـا يحويـه بـره وجـوه
بأمرك مقاديـر التعاسـه والأفـراج=عبدك دعـاك بوحدتـه فـي خلـوه
بأقفاي ليلـه والكواكـب بالأبـراج=منهـا بـزوغ الفجـر قـرب دنـوه
حتى بدى وجـه الصبـاح التبـلاج=والطيـر عـاوده الهزيـج بغـدوه
يخشى غضب وجهك ولرضاك محتاج=الليـل كلـه ماهـدى مـع هــدوه
يارب أبي عن ضيقة الصدر مخـراج=حظي ورى غيـب الليالـي مشـوه
أفل مطـوي الصحايـف بـالأدراج=وأعـظ أباهيـم النـدامـه بـقـوه
أبكي ندم حتى أصبح الخد مسهـاج=للدمع مـن عينـاي مبطـي وتـوه
أرهى رهى بالفوح من عيـن هـداج=وألا رهـى ودق المناشـي ونــوه
عوج الضلوع اللـي بمكنونهـا لاج=الهـم خلاهـا شبـوبـه لـضـوه
للروح مع قبـاض الأرواح معـراج=كنـه يطاولهـا عـذابـه وســوه
ماشفت بالدنيـا الفـرح والتبهـاج=ولا لقيـت مـن القريـب الأخــوه
نصيت وش وافيت منعـأ للأحـراج=أوجيـه ينقصهـا الحيـا والمـروه
لا من عذر مقنع ولا طلقـة احجـاج=ولا تعطي العانـي حقـوق العنـوه
قطيعـة اللـي للمواجيـب سهـاج=ماطابلـي رفـق المحابـي وجـوه
يحـط للبيبـان ضبـه ومــزلاج=ويحـط لحبـال المواصيـل لــوه
رفيقي اللي لا حضر نـور وسـراج=أحمي قفـاه وغيبتـه مـن عـدوه
كفى كفـى يامـروج الهـرج رواج=بالكذب كـل اللـي يناسبـك سـوه
تعـدل أرقـاب الزوامـل وتنـعـاج=والحق واضح وأنت بالكـذب نـوه
للشـر هراجـه وللخيـر هــراج=ولا يفلح اللـي بيـن ليتـه ولـوه
البعد خير عن البغيضيـن وعـلاج=أقصر حبال الرفـق معهـم وطـوه
عن نهجهم شفلك طريقـه ومنهـاج=ياللي مقام الطيـب تسمـو سمـوه



دوخي محمد الشلوي