يـا طـير بـلـغ لـه سلامـي وقلــّـــــــه

[حوريه]

راقت لي هذه القصيده أرجووو ان تروق لكم
.

.

يا طـير بلغ له سلامي وقلــّــــــــــــــه
ان العواطف حيل متولـعـه فيــــــــــــه

قلــّه ترى قلبي معه لا يتلـــــــّـــــــــه
عطني علومه بالغلا وش هقاويــــــه

ادخل عليه وبلغه في محلـــّــــــــــــه
واعطه مراسيلي وانا في حراويـــــه

اخاف من موج الشواطي يشلــّـــــــه
وابقى جريح وخافقي من يداويـــــــه

اللي يبادلنا الـغـلا مانملــّـــــــــــــــه
نصبرعسى يومن ٍ تجينا دعاويــــــه

قلــّه يجاوب هاجسي لوحصلــّــــــه
وقلــّه بعد قلبي يحبه ويغليــــــــــــه

بنيت له في داخل القلب فلــّــــــــــــه
والعرش زينته بـكـامل متاكيــــــــــــه

ما بـاقي إلا يـعتلي قـلـب خلــّـــــــــه
يامر وينهى والـمـعالـيق تفديـــــــــــه

من بادي المده وانا عاشق ٍلــّــــــــه
آموت واحـيا بالهـوا في معاليـــــــــه

سيف العيون المرهف اللي تسلــّـــه
سدد سهوم الحب في قلب غاليــــــه

شفته مقفيّ ليتني قبلة ٍلــّــــــــــــــه
ياليت وجهه تبــتسم لـي نواصيـــــــه

يابدر كافي مغرمـك لا تذلــّـــــــــــــه
ضيّك وـنورك ياهوا مـن يـضاهيــــــه

بالـصدر هاجوس ٍ وبالـقـلب علــّـــــه
محتار من ياخذ سلامي يودّيـــــــــه

يانخل صيفك والبلــح زان حلــّـــــــه
اسمح لنا نرقى نخلكم ونجنيـــــــــه

العين تبكيـكم غرام وتهلــّـــــــــــــه
والقلب نبضه حـبكم يا غلاويـــــــــه

يابو جديل ٍ فوق متنه يفلــّــــــــــــه
والموج ياخـذ من جمـاله ويعطيــــــه

اتخيل اهدابه رموش ٍ مضلــّـــــــــه
واتخيل اني كل ساعه مصافيــــــــه

طلي علينا يالـغـلا بس طلــّـــــــــــه
يرويبها قلب المعنىّ صحاريـــــــــه

ليته يشوف اعـروقي المضمحلــّــــه
يبست شراييني وروحي تناديـــــــه

قلبك عطيني واحتمي تحت ضلــّـــه
عسى هجير الحب تبرد لياليــــــــــه

لا ترمي بحبي على نار ملــّـــــــــــه
والقلب تلـعبه بجمرك وتشويـــــــــه

مزن العذوب اللي سحابي يدلـــــــــه
عسا تـرازم لـه رعـودي وترويــــــــه


للشاعر / سلـــــــــــطان الجلاوي

كل الشكر والتقدير