محاوره الصريح والبدراني من الصوتي

[موج القصيد]

البدراني=
يامرحبا بالصريح اللي ليا من لفا = يلفي بعلم جزيل وكل فعله جزيل
لاشك في جيته نورٍ ولاقد طفا =ديجور باج الدجي لوهو حضوره قليل

الصريح =
دام البقا يامحمد يارفيق الوفا=نسري مع الليل لو الليل باقي طويل
لكن صاحبك يابو سيف اظنه غفا =اتخيل بارق واخيله يامحمد واخيل


البدراني =
جيتك والله يابو فايز لمثلي شفا = تكفي وتشفي لصدرٍ من غيابك عليل
اقولها بالبيان وقلتها بالخفا = انته وانا بيننا رابط وعلمٍ جميل

الصريح =
يانجم لو غبت نورك ساطعاّ ماطفا=غيرك يابو سيف والله مابغينا بديل
صدق المشاعر لمسته مير فيكم جفا=على خّويك لاتصبح ياالشبابي بخيل

البدراني=
ياللي ليا جيت كلن ف القدوم احتفا = الله يحييك ياللي ف الخوافق نزيل
وانا معك مار مابه شي يومٍ ضفا = الكامل الله والا غيره كمل ياخليل