منيع
29-12-2008, 04:38 PM
هذي محاورة بيني وبين اخي الشاعر مجدي المبارك
امل ان تحوز على رضاكم وترانااعليميه ونتعلم من الكبار
------
مجدي اشوف الوقت عقد احجاجه=واقطب جبينه وصارمابه مسرات
ماادري علامه يوم يبدي انزعاجه=مني السبب ولا للايام دورات
رد اخي مجدي
هذا الزمن ياخوي صعبٍ علاجه=يخفي بطياته عقارب وحيات
فيه اللئيم يسود قومٍ بتاجه=وفيه الكريم اللي على الظيم يقتات
ردي عليه
المشكلة وقت العنا به لجاجه=ياما وياما صابني منه صكات
ان جيت اعدلها تزيد انعواجه=وانالها لوهي تطول المسافات
رد اخي مجدي المبارك
قلبي معنَى ومنك زاد اختلاجه=وانا ضحية طيبتي والملمات
قزرت عمري في رجا ربع حاجه=وين اللي قالوا صاحب الطيب ما مات
ردي على اخي مجدي
مافيه قلب ن ماتغير مزاجه=بقعا توريك النكد كل الاوقات
ولاثارمن عج الليالي عجاجه=اصمد لها مثل الجبال المنيفات
رد اخي مجدي المبارك
صبرت مير القلب مثل الزجاجه=متى اتَكسر جبرها صار هيهات
الهم من همي يولَع سراجه=وجرحي تعلَى فوق روس المجرات
ردي على اخي مجدي المبارك
اجل ارض الله وسيعٍ ن فجاجه=وان طعتني ننصب لقبرك علامات
وندفنك في قاعٍ ن كثيرٍ هماجه=هذا دواك واخرالطب كيات
ههههههههههههههه
رد اخي مجدي المبارك
ان كان في شورك لهمي انفراجه=والله لارضى به مع كل مافات
وخط بيمينك فوق رمسي وسياجه=هنا ضحية بن حمد شيخ الابيات
ردي على اخي مجدي
تموت النفوس اللي فكرها سماجه=هي والعدم واحد ولابها جمالات
ياصاحبي ماقلتها من رجاجه=سلمى وانا منها اموري صعيبات
رد اخي مجدي
جعل الذي حاشك يموت ابتهاجه=وينقع بكاس المر مره ومرات
قلبي لاجل قلبك يقدم خراجه=يامن ودادك ساكنٍ داخل الذات
ردي على اخي مجدي
تسلم وسوق الود عزل حراجه=ماباقي الامن هل الجود كلمات
وبك (البقا) عد الفجر وانبلاجه=عداك عيب اهل النفوس الشحيحات
امل ان تحوز على بعض من رضاكم
تحياتي
امل ان تحوز على رضاكم وترانااعليميه ونتعلم من الكبار
------
مجدي اشوف الوقت عقد احجاجه=واقطب جبينه وصارمابه مسرات
ماادري علامه يوم يبدي انزعاجه=مني السبب ولا للايام دورات
رد اخي مجدي
هذا الزمن ياخوي صعبٍ علاجه=يخفي بطياته عقارب وحيات
فيه اللئيم يسود قومٍ بتاجه=وفيه الكريم اللي على الظيم يقتات
ردي عليه
المشكلة وقت العنا به لجاجه=ياما وياما صابني منه صكات
ان جيت اعدلها تزيد انعواجه=وانالها لوهي تطول المسافات
رد اخي مجدي المبارك
قلبي معنَى ومنك زاد اختلاجه=وانا ضحية طيبتي والملمات
قزرت عمري في رجا ربع حاجه=وين اللي قالوا صاحب الطيب ما مات
ردي على اخي مجدي
مافيه قلب ن ماتغير مزاجه=بقعا توريك النكد كل الاوقات
ولاثارمن عج الليالي عجاجه=اصمد لها مثل الجبال المنيفات
رد اخي مجدي المبارك
صبرت مير القلب مثل الزجاجه=متى اتَكسر جبرها صار هيهات
الهم من همي يولَع سراجه=وجرحي تعلَى فوق روس المجرات
ردي على اخي مجدي المبارك
اجل ارض الله وسيعٍ ن فجاجه=وان طعتني ننصب لقبرك علامات
وندفنك في قاعٍ ن كثيرٍ هماجه=هذا دواك واخرالطب كيات
ههههههههههههههه
رد اخي مجدي المبارك
ان كان في شورك لهمي انفراجه=والله لارضى به مع كل مافات
وخط بيمينك فوق رمسي وسياجه=هنا ضحية بن حمد شيخ الابيات
ردي على اخي مجدي
تموت النفوس اللي فكرها سماجه=هي والعدم واحد ولابها جمالات
ياصاحبي ماقلتها من رجاجه=سلمى وانا منها اموري صعيبات
رد اخي مجدي
جعل الذي حاشك يموت ابتهاجه=وينقع بكاس المر مره ومرات
قلبي لاجل قلبك يقدم خراجه=يامن ودادك ساكنٍ داخل الذات
ردي على اخي مجدي
تسلم وسوق الود عزل حراجه=ماباقي الامن هل الجود كلمات
وبك (البقا) عد الفجر وانبلاجه=عداك عيب اهل النفوس الشحيحات
امل ان تحوز على بعض من رضاكم
تحياتي