من غزليات الأشقر

[خيال واسع]

السلام عليكم .. !!
حبيت ان اتواصل معكم في هذه القصيده الغزليه للشاعر عبدالله الاشقر " شاعر الجبلين " رحمه الله
:

قلت آه ويـلاه بالبـال النـدى يفتـر=وابلا بلى الحـب لبّـة رامـع بالـي


هـل للمـوّدة طبيـب أو دوا يـذكـر=أو هل لها حارس يشفق علـى حالـي


أو هل ترى الحب لابد بالجسد يظهـر=الا تخلخـل بقلـب دالــه خـالـي


هيهات.. راعي المحبـة للعـزا يقـدر=أو يسمع الهرج من ناصـح وعذالـي


عزي لقلب صلاه الحـب فـي مجمـر=من فوحه الروح ماظنـي لهـا تالـي


معسور.. مقهور.. صبري حال ومصبر=بلشٍ بروحـي عليـل ذاعـر حالـي


أمشي بلا راي واقفي واجتلد واسهـر=وأجهد بنفسي وأجادلها وأنـا خالـي


أسلّي النفس ساعة بالعفـى وأشهـر=ضاعت حياتي ولم تنجح لـي آمالـي


مانيب !!.. دعني ولا تنهى ولاتنهـر=بالمـوت راحـة وللكربـات حلالـي


هل كيف أباعيش وأسلى.وأستلي وأنكر=والنفس جاهـا بلـب القلـب نزالـي


لـي رامـعٍ لازجرتـه فـرّ واستنفـر=له ونّة له بطـاش الجـاش زلزالـي


على مهاة المها نـور المهـا الأكبـر=اطفى بها البيض وأخفى حسّها العالي


غـرو غريـر أغـر بالغـلا مغـتـر=أغزل غـزال غزيـر الزيـن غزالـي


داعج محاجيـر نجـل تفتـري سكـر=بسبوق موقه تسـل الـروح بسلالـي


له لحظة عقب سجت طرفهـا يسحـر=وغـلا يتلّـه بعـرق القلـب نتّالـي


غـرّا ثغـر لالوالـو لا بــرد لا د ر=شفت شفاها شفى فيه العسـل سالـي


متلول عنق صغيـر انكـار بمدعثـر=أشقـر ثليـل تنثـر جـلّ الأجدالـي


كن النحر نـور! أو بنـور! أو مرمـر=يفضح فضا لوح روحه لبسه الغالـي


نزّ النهد وارتكـز تـوّه نـزا ماأثمـر=حل ورحل من محلّه مـلّ مـا مالـي


لاموج!! لاعاج!! لاجمّـار!! لاجوهـر=على صحن صين فطره صوغ فنجالـي


غطروف طفل تعطّف لااحترف ينظـر=ريّانـة البـان غـض للعضـا مالـي


ترف،، لطيف،مهفهف،ضاف ومضمـر=غصن غضيض يغيض البيض ميّالـي

:
إلى اللقاء .. .