في الهوى حزات من وصف جنات النعيم

[الطامي]

قال الشاعر الكبيــــــر((عامـــــر بن نوطــــــــان ال جابر المــــــــــري))رحمه الله


ونتي ونةٍ خلوجٍ مـع الوقـت العتيـم = وكدت مذبـح ولدهـا وحالـوا دونهـا
حالي اللي راحت اشجار وديانه هشيـم = مبطـيٍ مازيـد دب الحيـا بغصونهـا
لاجرى ماها ولازيـد حركهـا النسيـم = من بطا الامحـــال فيهـا تغيـر لونهـا
كانيٍ مابي وانا مخفي ٍ شـي ٍ عظيـم = وكل الارض اليوم ضاقت علي ركونهـا
ياعرب تكفون من كان له قلب ٍ رحيـم = كل نفس ٍ صابها الحـزن لا تقصونهـا
خاطري داروه ياللـي تـدارون اليتيـم = وان بكت عيني من الدمـع لا تنهونهـا
كبدي اللي لاعها خافي الحزن السقيـم = كـل ماقلنـا تشالـت تزيـــد طعونهـا
كل ما بريت جروحي من الحزن القديـم =جيت دار ٍ حايـل ٍ البطـا مـن دونهـا
في الهوى حزات من وصف جنات النعيم = وفيه نار ٍ جملة الخلـق مـا يقوونهـا


علما انها طرحت بصوت الفنان فهيد المري على العود بجرة المنكوس
وسوف اوافيكم بها لاحقا