قصيدة للشاعر:سلطان الهاجري

[ضعيان البدرانى]

لأجل الغلا نطوي البيداء ونقطعها=مشاعر الحب لاعنت تعنيني

لا قلت لبيه من ثغرك وأنا أسمعها=نسيت بعد المسافه بينك وبيني

ياعشقة الروح ياخيرة مطامعها=شوفتك عن باقي الدنيا تكفيني

محبتك من ثلاث سنين زارعها=في شهر تسعه سنة خمسه وتسعيني

وداعة منك وأنت اللي مودعها=تجري مع دم قلبي في شراييني

وأنته وداعتك روحي لاتضيعها=ضياع ياسر عرفات الفلسطيني

تولعت والله اللي فيك ولعها=والقلب عاشقك قبل تشوفك العيني

النفس تامر وأنا ماني بطايعها=الله عن النقد والمنقود يحميني

لوإن كبدي هجير الشوق لايعها=آمر عطشان والشيمه تعديني

أم الدلع في ذرى شيخ مدلعها=زيزوم قوم على الشدات قاسيني

شيخ ليا كبرت القاله يسنعها=ماهي بشيخة ختم وإلا ملايني