محاورة(1) ليلة الأثنين 1 ربيع 2

[الطائر المهاجر]

علي العتيبي=
يقولون الفطاحل غلطة الشاعر عليها خط = وانا اقول الخطوط الحمر ياماكثر بلاويها
المهاجر=
ونا اقول الشعر يبغى ركاده مابها من مط = واذا ما صرت عجلٍ فانت من يخسر بتاليها
علي=
انا ماعرف عن السكه ولا ادري وش عيون القط = ولكني حسب ماتمشي الرجلين امشيها
المهاجر=
اذا منك سريت بليل فكرك لايروح يشط= يضيع الوزن ماتدري على خيلك تصاليها
علي=
علوم الناس نوحيها وفرخ الوز قالو بط = ولو قلنا كذا قالوا كذا والعلم خافيها
المهاجر=
مدام انك عمي الوان تشوف البحر مثل الشط= فليا تلف وتديور علومك ما نداريها
علي=
انا برفع على الرادو والى منك سمعته نط = ترا حكم الغناء يطلع على الكلمه بمافيها
المهاجر=
تصيقه كانها بودك مدامك ماتبي تحبط= ولكن كلمة في الحق تبغى رجل يرهيها
علي=
انا بنفض غبار الكيس وانته ماعليك اربط = والى منك ربطة الربطه اذهن من تواليها
المهاجر=
توقع من قبل نفضه اخاف انك بعد تورط= ويطلع به داب او عقرب ولا تقدّر حراويها
علي=
ليا مني لبست البشت لا اسمع منك كلمة وط = ولو شفت الحيايا تدرّج ماني بغاويها
المهاجر=
واذا منك تبي تمشي بدربك صج ما تغلط= فتأنى شوي لاتسرع وتسلم من مأسيها
ولو ما جيتها تنصاك وتنص اللي تشوفه قط= فجنب دربها ان كان ما تبغى مواذيها
علي=
والا ياطير اشوف الحظ لا منه بغاني شط = اسويها وازينها وسوء الحظ يعميها