ماأقدر أنا أنساك

[محمد بن عبدالله السلمان]

ما أقدر يا نور العين


أصبر على فرقاك


محروق أنا بنارين


بعدك وي جفاك


وأنا من ذاك الحين


والذي سواك


يوم(ن) إنك تهوين


مثل ما أنا أهواك


دريت إنك تدرين


اللي بلاني بلاك


وبعهدنا الأثنين


تفديني وأنا أفداك


وش غيرك يازين


يا للي ذبحني هواك


تنسين تبين تخفين


لكل أثر ممشاك


وعرفتي كيف تقسين


وعلى الهجر ما أقواك


لا .. ولا .. تكفين


لا تخلي الجفا يوطاك


إذا تبين تنسين


صعب أنا أنساك


لي كم سنه وشهرين


ناطر وأنا اترجاك


مصبرني الحنين


يمكن في يوم ألقاك


ليتك لو تردين


وتعرفين غلاك


وأكيد بتردين


ولو طال العمر وياك


حبنا من سنين


ونهر حبي مجراك


صعب إنك تقولين


ألحين أبي أنساك


وصعب تتهربين


وتقولين ما أبغاك


ما أصدق إلا العين


بأن الزمن أغراك


الله يا معين


سبحان من أرضاك


خلقتنا من طين


لحساب يوم نلقاك


هكذا المحبين


حايرين بدنياك


إلا الصالحين


جنتهم في سماك


لهم حور العين


والخير كله جزاك